ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵄⴻⴷⴷⵉ ⵏ ⵢⵉⵡⴻⵏ ⵏ ⵓⵙⴰⵔⵓ ⴰⴼⴻⵜⵔⴰⵡ ⵖⴻⴼ ⵎⵧⵓⵍⵧⵓⴷ ⵎⴰⵎⵎⴻⵔⵉ ⴷⴻⴳ ⵜⵙⵉⵏⵉⵎⴰⵜⵉⴽⵜ ⵏ ⵜⵉⵣⵉ ⵡⴻⵣⵣⵓ
ⵜⵉⵣⵉ ⵡⴻⵣⵣⵓ- ⵙⵄⴻⴷⴷⴰⵏ-ⴷ, ⴷⴻⴳ ⵜⵙⵉⵏⵉⵎⴰⵜⵉⴽⵜ ⵏ ⵜⵉⵣⵉ ⵡⴻⵣⵣⵓ, ⵢⵉⵡⴻⵏ ⵏ ⵓⵙⴰⵔⵓ ⴰⴼⴻⵜⵔⴰⵡ (ⵡⴰⵜⴰ’ⵉⵇⵉ) ⵖⴻⴼ ⵓⵅⴻⴷⴷⵉⵎ ⴰⵙⴻⴽⵍⴰⵏ ⴷ ⵓⵏⴰⵥⵓⵔⴰⵏ ⵏ ⵎⵧⵓⵍⵧⵓⴷ ⵎⴰⵎⵎⴻⵔⵉ, ⵉ ⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 27 ⵏ ⵜⵎⴻⵜⵜⴰⵏⵜ ⵏ ⵓⵎⴰⵔⵓ-ⴰ.
ⴰⵙⴰⵔⵓ-ⴰ ⴰⴼⴻⵜⵔⴰⵡ ⴰⵢ ⴷ-ⵉⵄⴻⴷⴷⴰⵏ ⵙ ⵜⵓⵜⵍⴰⵢⵜ ⵜⴰⴼⵕⴻⵏⵙⵉⵙⵜ ⵢⴻⴹⴹⴻⴼ 52 ⵏ ⵜⴻⴷⵇⵉⵇⵉⵏ ⵢⴻⵔⵏⵓ ⴷ ⴰⵍⵉ ⵎⵧⵓⵣⴰⵧⵓⵉ ⴰⵢ ⵜ-ⵉⴷ-ⵢⴻⵙⵙⴻⴹⵔⴰⵏ. ⴰⴼⴻⵜⵔⴰⵡ-ⴰ ⴷ ⴰⵎⵎⵓⴷ ⵏ ⵜⴷⵉⵡⴻⵏⵏⵉⵢⵉⵏ (ⵉⵙⵜⵉⴵⵡⴰⴱⴰⵜ) ⴰⵢ ⴷ-ⵢⴻⵍⵍⴰⵏ ⴷ ⵓⵎⴰⵔⵓ-ⴰ ⴷ ⵢⵉⵅⴻⴷⴷⵉⵎⴻⵏ-ⵏⵏⴻⵙ, ⴷ ⴽⵔⴰ ⵏ ⵜⴰⴳⴳⵉⵡⵉⵏ (ⵛⴰⵀⴰⴷⴰⵜ) ⵏ ⵢⵉⵎⵓⵔⴰ ⵉⵎⴻⵕⵃⵓⵎⴻⵏ ⵏⵉⴹⴻⵏ, ⵜⴰⵀⴰⵔ ⴷⵊⴰⵧⵓⵜ ⴷ ⵔⴰⵛⵀⵉⴷ ⵎⵉⵎⵧⵓⵏⵉ, ⵖⴻⴼ ⵢⵉⵅⴻⴷⴷⵉⵎⴻⵏ ⵉⵙⴻⴽⵍⴰⵏⴻⵏ ⵏ ⵎⵧⵓⵍⵧⵓⴷ ⵎⴰⵎⵎⴻⵔⵉ.
ⴰⵙⴰⵔⵓ-ⴰ ⵢⴻⵙⴱⴰⵏ-ⴷ ⴷⴰⵖ ⵉⵎⴻⵏⵖⵉ ⵏ ⵎⵧⵓⵍⵧⵓⴷ ⵎⴰⵎⵎⴻⵔⵉ ⵖⴻⴼ ⵜⵉⵎⵎⵓⵣⵖⴰ ⵢⴻⵍⵍⴰⵏ ⴷ ⵢⵉⵡⴻⵜ ⵙⴻⴳ ⵜⴳⴻⵊⴷⴰ ⵏ ⵜⵎⴰⴳⵉⵜ (ⵀⵓⵡⵉⵢⵢⴰ) ⵜⴰⴷⵣⴰⵢⵔⵉⵜ ⵖⴻⵔ ⵢⵉⴷⵉⵙ ⵏ ⵜⵉⵄⵄⴻⵕⴱⵉⵜ (ⵄⵓⵔⵓⴱⴰ) ⴷ ⵍⵉⵙⵍⴰⵎ, ⵍⴰⴷⵖⴰ ⵙ ⵡⵓⵏⴳⴰⵍⴻⵏ-ⵏⵏⴻⵙ « ⵜⴰⵡⵔⵉⵔⵜ ⵢⴻⵜⵜⵡⴰⵜⵜⵓⵏ » ⴷ « ⵓⵄⴻⴼⵢⵓⵏ ⴷ ⵓⵄⴻⴽⴽⴰⵣ ».
ⴰⴼⴻⵜⵔⴰⵡ-ⴰ ⵉⵡⴻⴽⴽⴻⴷ-ⴷ ⴷⴰⵖ ⵖⴻⴼ ⴷⴷⵓⵕ ⵏ ⵓⵎⴰⵔⵓ-ⴰ ⴷⴻⴳ ⵓⵙⵙⵓⴽⴽⴻⵙ ⵏ ⵓⴳⴻⵍⵍⵉⵍ ⵏ ⵢⵉⴳⵓⵔⴰⵔⴻⵏ ⵢⴻⵍⵍⴰⵏ ⴷ ⵚⵚⴻⵏⴼ ⵏ ⵢⵉⵙⴻⴼⵔⴰ ⴷ ⵛⵛⵏⴰ ⵏ ⵜⴻⵎⵏⴰⴹⵜ ⵏ ⵜⵉⵎⵉⵎⵓⵏ (ⴷⴻⴳ ⵡⴻⵏⵥⵓⵍ ⵏ ⵍⴷⵣⴰⵢⴻⵔ) ⵢⴻⵍⵍⴰⵏ ⴷⴻⴳ ⵡⵓⵎⵓⵖ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⵜⴰⵔⴰⵏⴳⴰⵏⵜ ⵏ ⵓⵏⴻⵙⵛⵧ.
ⵉ ⵡⴻⵙⵎⴻⴽⵜⵉ, ⵜⴰⵎⴻⵀⵍⴰ ⵏ ⵢⴻⴷⵍⴻⵙ ⵏ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⵜⴳⴰ-ⴷ ⴰⵀⵉⵍ ⴷ ⴰⵏⴻⵙⴱⴰⵖⵓⵔ (ⵜⴰⵔⵉ) ⵉ ⵡⴻⵙⴼⵓⴳⴻⵍ ⵏ ⵓⵎⵓⵍⵍⵉ ⵏ ⵜⵎⴻⵜⵜⴰⵏⵜ ⵏ ⵎⵧⵓⵍⵧⵓⴷ ⵎⴰⵎⵎⴻⵔⵉ. ⴰⵀⵉⵍ-ⴰ ⴰⴷ ⵢⵉⵍⵉ ⴷⴻⴳ-ⵙ ⵡⴰⵀⵉⵍ ⵖⴻⴼ « ⴷⴷⴰ ⵍⵎⵓⵍⵓⴷ ⴷ ⵓⵀⴻⵍⵍⵉⵍ ⵏ ⵢⵉⴳⵓⵔⴰⵔⴻⵏ » ⵢⴻⵔⵏⵓ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵢⴻⵎⵏⴰⴷⵉⵢⴻⵏ ⴷ ⵢⴻⵙⴷⴰⵡⴰⵏⴻⵏ.
ⴰⴷ ⵉⵍⵉⵏⵜ ⴷⴰⵖ ⵜⴻⵎⵙⵉⵣⴻⵡⵔⵉⵏ (ⵎⵓⵙⴰⴱⴰⵇⴰⵜ) ⴷ ⵜⵣⵉⴽⴽⵏⵉⵏ ⵏ ⵢⴻⴷⵍⵉⵙⴻⵏ ⴷⴻⴳ ⵡⴻⵙⴼⵓⴳⴻⵍ-ⴰ.
