Asebter amenzawi

Asɛeddi n yiwen n usaru afetraw ɣef Mouloud Mammeri deg tsinimatikt n Tizi Wezzu

TIZI WEZZU- Sɛeddan-d, deg tsinimatikt n Tizi Wezzu, yiwen n usaru afetraw (wata’iqi) ɣef uxeddim aseklan d unaẓuran n Mouloud Mammeri, i lmend n umulli wis 27 n tmettant n umaru-a.

Asaru-a afetraw ay d-iɛeddan s tutlayt tafṛensist yeḍḍef 52 n tedqiqin yernu d Ali Mouzaoui ay t-id-yesseḍran. Afetraw-a d ammud n tdiwenniyin (istiǧwabat) ay d-yellan d umaru-a d yixeddimen-nnes, d kra n taggiwin (cahadat) n yimura imeṛḥumen niḍen, Tahar Djaout d Rachid Mimouni, ɣef yixeddimen iseklanen n Mouloud Mammeri.

Asaru-a yesban-d daɣ imenɣi n Mouloud Mammeri ɣef timmuzɣa yellan d yiwet seg tgejda n tmagit (huwiyya) tadzayrit ɣer yidis n tiɛɛeṛbit (ɛuruba) d Lislam, ladɣa s wungalen-nnes « Tawrirt Yettwattun » d « Uɛefyun d Uɛekkaz ».

Afetraw-a iwekked-d daɣ ɣef dduṛ n umaru-a deg ussukkes n ugellil n Yiguraren yellan d ṣṣenf n yisefra d ccna n temnaḍt n Timimun (deg wenẓul n Ldzayer) yellan deg wumuɣ n tgemmi tadelsant tarangant n UNESCO.

I wesmekti, tamehla n yedles n twilayt n Tizi Wezzu tga-d ahil d anesbaɣur (tari) i wesfugel n umulli n tmettant n Mouloud Mammeri. Ahil-a ad yili deg-s wahil ɣef « Dda Lmulud d uhellil n Yiguraren » yernu ad ttekkin deg-s yemnadiyen d yesdawanen.

Ad ilint daɣ temsizewrin (musabaqat) d tzikknin n yedlisen deg wesfugel-a.