ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⴳⵎⵉ: ⴰⵙⵙⴻⵔⴱⴻⵃ ⵏ ⵡⴻⵙⵡⴰⴹ ⵢⴻⵃⵡⴰⴵ ⴰⵎⵄⴰⵡⴻⵏ ⴷ ⵢⵉⴷⵉⵙⴰⵏ ⵏⵉⴹⴻⵏ ⵏ ⵡⴻⵃⵔⵉⵛ ⵏ ⵓⵙⵙⴻⴳⵎⵉ (ⵜⴰⵏⴻⵖⵍⴰⴼⵜ)
ⵖⵉⵍⵉⵣⴰⵏ– ⴰⵙⵙⴻⵔⴱⴻⵃ ⵏ ⵡⴻⵙⵡⴰⴹ (ⵜⴰⴼⵜⵉⵛ) ⴷⴻⴳ ⵓⵙⵙⴻⴳⵎⵉ ⵢⴻⵃⵡⴰⴵ ⴰⵅⴻⴷⴷⵉⵎ ⵖⴻⵔ ⵢⵉⴷⵉⵙ ⵏ ⵢⴻⵃⵔⵉⵛⴻⵏ ⵏⵉⴹⴻⵏ ⵢⴻⵇⵇⵏⴻⵏ ⵖⴻⵔ ⵓⵙⵙⴻⴳⵎⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ, ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ Ɣⵉⵍⵉⵣⴰⵏ, ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ.
ⵜⴻⵏⵏⴰ-ⴷ ⵜⵏⴻⵖⵍⴰⴼⵜ, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵢⵉⴽⴰⵜⴰⵔⴻⵏ ⵏ ⵡⴻⵃⵔⵉⵛ-ⵏⵏⴻⵙ ⴷⴻⴳ ⵡⴻⵅⵅⴰⵎ ⵏ ⵜⵡⵉⵍⴰⵢⵜ, ⴷⴰⴽⴽⴻⵏ ⴰⵎⴰⵙⵡⴰⴹ (ⵎⵓⴼⴰⵜⵜⵉⵛ) ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵢⴻⴹⴼⴻⵔ ⵉ ⵢⵉⵎⴰⵏ-ⵏⵏⴻⵙ ⴽⴰⵏ ⵜⵉⴷⴷⵉⵜ ⵏ ⵓⴱⴰⵍⵎⵓⴷ ⴷⴻⴳ ⵜⴻⵣⵔⴰⵡⵉⵏ-ⵏⵏⴻⵙ ⴷ ⵜⴻⴳⵏⵉⵜ-ⵏⵏⴻⵙ ⴷⴻⴳ ⵓⵖⴻⵔⴱⴰⵣ.
ⵙ ⵡⴰⵢⴰ, ⵜⴻⵏⵏⴰ-ⴷ ⴷⴰⴽⴽⴻⵏ ⴰⴽⴽⴻⵏ ⴰⴷ ⵢⴻⵔⴱⴻⵃ ⵛⵛⵖⴻⵍ ⵏ ⵓⵎⴰⵙⵡⴰⴹ, ⵢⴻⵙⵙⴻⴼⴽ ⴰⴷ ⵜⵉⵍⵉ ⵜⴻⵖⵡⴰⵍⵜ (ⵉⵜⵜⵉⵚⴰⵍ) ⵢⴻⵣⴳⴰⵏ, ⵢⴻⵜⵜⴽⴻⵎⵎⵉⵍⴻⵏ, ⴷ ⵢⵉⵅⴻⴷⴷⴰⵎⴻⵏ ⵏⵉⴹⴻⵏ ⴰⵢ ⵢⴻⵔⵣⴰ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷ ⵓⵜⵜⴻⴽⴽⵉ-ⵏⵙⴻⵏ ⵙ ⵍⴻⵕⵢⵓⵢ ⴷ ⵢⵉⵙⵓⵎⴰⵔ-ⵏⵙⴻⵏ (ⵉⵇⵜⵉⵔⴰⵃⴰⵜ) ⵉ ⴼⴻⵔⵔⵓ ⵏ ⵡⵓⴳⵓⵔⴻⵏ ⵢⴻⵎⴳⴻⵔⵔⴰⴷⴻⵏ ⴰⵢ ⵢⴻⵇⵇⵏⴻⵏ ⵖⴻⵔ ⵓⵖⴻⵔⴱⴰⵣ ⴰⴷⵣⴰⵢⵔⵉ.
ⵜⴳⴻⵔ-ⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⵉⵖⵔⵉ ⵉ ⵓⵙⵙⵓⴳⴳⴻⵜ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴷ ⵢⴻⵏⵎⵓⵍⴰ (ⵏⴰⵇⴰⴱⴰⵜ) ⵏ ⵡⴻⵃⵔⵉⵛ ⵏ ⵓⵙⵙⴻⴳⵎⵉ ⴷ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵎⴰⵡⵍⴰⵏ ⵏ ⵢⵉⴱⴰⵍⵎⵓⴷⴻⵏ ⵙ ⵡⴻⵎⴱⴰⴷⴷⴻⵍ ⴷ ⵡⴻⵙⵍⴰⴹ ⵏ ⵢⴻⴳⵎⴰⴹ ⵉⵖⵓⵔⴱⵉⵣⴻⵏ ⴰⴽⴽⴻⵏ ⴰⴷ ⴷ-ⵢⴻⴷⴷⵓⵇⵇⴻⵙ ⵡⴻⵃⵔⵉⵛ-ⴰ.
ⵜⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵢⵉⴽⴰⵜⴰⵔⴻⵏ ⵏ ⵓⵙⵙⴻⴳⵎⵉ ⴷⴻⴳ ⵜⵡⵉⵍⴰⵢⵜ-ⴰ ⴰⴽⴽⴻⵏ ⴰⴷ ⴷ-ⵀⴻⵢⵢⵉⵏ ⵜⴰⵣⵔⴰⵡⵜ (ⴷⵉⵔⴰⵙⴰ) ⵜⵉⵎⴷⴻⵇⵇⴻⵇⵜ ⵖⴻⴼ ⵢⴻⴳⵎⴰⴹ ⵏ ⵢⵉⴽⴰⵢⴰⴷⴻⵏ (ⵉⵎⵜⵉⵃⴰⵏⴰⵜ) ⵏ ⵡⴰⴽⴽ ⵉⵙⵡⵉⵔⴻⵏ ⴷ ⵢⴰⵍ ⵜⴰⵏⴳⴰ, ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ ⴼⴻⵔⵔⵓ ⵏ ⵡⵓⴳⵓⵔⴻⵏ ⵉⵙⴻⵏⵙⴻⴳⵎⴰⵏⴻⵏ ⵏ ⵓⵖⴻⴱⵔⴰⵣ ⴰⴷ ⴷ-ⵢⴻⴱⴷⵓ ⵙ ⵜⴻⴳⵔⴰⵢⵉⵏ ⴰⵢ ⴷ-ⵢⴻⴽⴽⴻⵏ ⵙⴻⴳ ⵜⴻⵣⵔⴰⵡⵜ-ⴰ.
