Asebter amenzawi

Mas Lamamra yemdiwenni d wemtil-is arusi

LEZZAYER TAMANAɣT- Aneɣlaf n ddewla, aneɣlaf n tɣawsiwin n wezɣaṛ d wemɛiwen ageraɣlan, Ramtane Lamamra, yemdiwenni ass n letniyen di Lezzayer tamanaɣt akk d wemtil-is arusi, Serguei Lavrov.

Amdiwenni, yella-d deg wexxam n weɣlif yemɣuṛ s wezday n trebbuyaɛ n snat n tmura. Uqbel adiwenni, Lavrov yella yeẓẓa taseklutt deg wefrag n wexxam n weɣlif n tɣawsiwin n wezɣaṛ, d azamul n tegmatt ger Lezzayer d Rrus.

Amḍebbeṛ adiblumasi arusi yella yiweḍ-d kra n wakud uqbel ɣer Lezzayer i yiwet n tirza n uxeddim s wencad n Mas Lamamra.

"Amcarek asetratiji yeqqnen Lezzayer ɣer Rrus d-yeddan deg teɣṛi yettwasenyan, di yebrir 2001, sɣuṛ isin imuqqṛanen iwunak ad yili deg wahil n wesqerdec lqayen ger isin ineɣlafen" lawan n tirza-yagi, id-yessefhem wulɣu n weɣlif.

Lawan n tirza-yagi, "ad d-yili daɣen uqeyem n wemɛawen yemmezdin di yakk iḥricen idamsanen, ussnanen, akk d yidelsanen, am wakken yella deg umsefhem, n Moscou di yunyu2015, almend n tedwilt tis 7 n tseqqamutt yemmezdin ger Lezzayer d Rrus".