ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵍⵓⵣⵉⵏ ⵏ ⵜⴳⴻⵏⵜⵓⵔⵉⵏ : ⵜⵓⵖⴰⵍⵉⵏ ⵙ ⴰⵎⴰⵀⵉⵍ ⵏ ⵓⴼⴻⵔⴷⵉⵙ ⵡⵉⵙ 3 ⴷⴻⴳ ⵢⴻⴱⵔⵉⵔ 2016

ⵃⴰⵙⵉ ⵎⴻⵙⵄⵓⴷ – ⴰⴼⴻⵔⴷⵉⵙ ⵡⵉⵙ ⴽⵔⴰⴹ ⵏ ⵍⵍⵓⵣⵉⵏ ⵏ ⵡⵓⵔⵔⵉⴳ (ⵍⴳⴰⵣ) ⵏ ⵜⴳⴻⵏⵜⵓⵔⵉⵏ, ⵉ ⵢⴻⵙⵙⴻⵅⵚⴻⵔ ⵓⵏⵟⴰⴳ (ⵣⵣⴻⴷⵎⴰ) ⵏ ⵢⵉⵔⴻⵎⵎⴰⵖⴻⵏ (ⵔⵔⴻⴱⵔⴰⴱ) ⴷⴻⴳ ⵓⵙⴻⴳⴳⴰⵙ ⵏ 2013, ⴰⴷ ⵢⴻⵍⴷⵉ ⵜⵉⵡⵡⵓⵔⴰ-ⵙ ⴷⴻⴳ ⵡⴰⵢⵢⵓⵔ ⵏ ⵢⴻⴱⵔⵉⵔ ⵉ ⴷ-ⵉⵜⴻⴷⴷⵓⵏ ⵙ ⵙⵉⵏ ⵡⴰⵢⵢⵓⵔⴻⵏ ⵇⴱⴻⵍ ⴰⵣⴻⵎⵣ (ⵜⵜⴰⵔⵉⵅ) ⵉⵖⴻⴼ ⵢⴻⵙⵙⴻⴼⴽ ⴰⴷ ⵢⴻⴱⴷⵓ ⴰⴷ ⵉⵜⴻⴷⴷⵓ, ⵉ ⴷ-ⵉⵛⴰⵔ, ⴰⵙⵙ ⵏ ⵍⴻⵜⵏⵉⵢⴻⵏ, ⵓⵙⴻⵍⵡⴰⵢ ⴰⵏⴻⵎⵀⴰⵍ ⴰⵎⴰⵜⵓ, ⴰⵎⵉⵏⴻ ⵎⴰⵣⵧⵓⵣⵉ.

ⵉⵎⵓⵀⴰⵍ ⵏ ⵓⵚⴻⴳⴳⴻⵎ ⵏ ⵓⴼⴻⵔⴷⵉⵙ ⵓⵟⵟⵓⵏ 3 (ⵏ ⵍⵍⵓⵣⵉⵏ ⵏ ⵡⵓⵔⵔⵉⴳ) ⵏ ⵜⴳⴻⵏⵜⵓⵔⵉⵏ ⴰⴷ ⵉⴽⴻⵎⵎⴻⵍ, ⴰⴼⴻⵔⴷⵉⵙ-ⴰ ⴰⴷ ⵜⵉⵍⵉ ⵜⴻⵡⴵⴻⴷ ⴷⴻⴳ ⵡⴰⵢⵢⵓⵔ ⵏ ⵢⴻⴱⵔⵉⵔ ⵉ ⴷ-ⵉⵜⴻⴷⴷⵓⵏ ⴷⴻⴳ ⵓⵎⴹⵉⵇ ⵏ ⵡⴰⵢⵢⵓⵔ ⵏ ⵢⵓⵏⵢⵓ, ⵓⵍⴰ ⴷ ⴰⴼⴻⵔⴷⵉⵙ ⵏ ⵜⵓⵙⵙⴷⴰ ⵏ ⵡⵓⵔⵔⵉⴳ’’, ⵉ ⴷ-ⵢⴻⵏⵏⴰ ⵎⴰⵙⵙ ⵎⴰⵣⵧⵓⵣⵉ ⵉ ⵢⵉⵏⴻⵖⵎⴰⵙⴻⵏ ⵖⴻⵔ ⵜⴰⵎⴰ ⵏ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵉ ⵜ-ⵢⴻⵡⵡⵉⵏ ⵖⴻⵔ ⵜⵖⴻⵔⴷⴰⵢⵜ, ⵃⴰⵙⵉ ⵎⴻⵙⵄⵓⴷ ⴰⴽⴽⴻⴷ ⵇⵚⴻⵏⵟⵉⵏⴰ.

ⴰⴷ ⵏⴻⵙⵎⴻⴽⵜⵉ ⴷⴰⴽⴽⴻⵏ ⵍⵍⵓⵣⵉⵏ ⵏ ⵡⵓⵔⵔⵉⴳ ⵏ ⵜⴳⴻⵏⵜⵓⵔⵉⵏ ⵢⴻⵜⵜⵡⴻⵜ ⵙ ⵢⵉⵡⴻⵏ ⵏ ⵓⵏⵟⴰⴳ ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⵡⴰⵙⵙ ⵏ 16 ⵢⴻⵏⵏⴰⵢⴻⵔ 2013 ⵉ ⵢⴻⵙⵅⴻⵚⵔⴻⵏ ⴰⴼⴻⵔⴷⵉⵙ ⵓⵟⵟⵓⵏ 3 ⵏ ⵍⵍⵓⵣⵉⵏ-ⴰ ⵉ ⴷ-ⵢⴻⵜⵜⴼⴰⵔⴰⵙⴻⵏ, ⵜⴰⵍⴻⵎⵎⴰⵙⵜ-ⵉⵙ, 16 ⵉⵎⴻⵍⵢⵓⵏⴻⵏ ⵏ ⵎ3 ⵉ ⵡⴰⵙⵙ.

ⵜⴻⵣⴳⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⵉⵍⵉⵣⵉ, ⵍⵍⵓⵣⵉⵏ-ⴰ ⵏ ⵜⴳⴻⵏⵜⵓⵔⵉⵏ ⵜⴻⵙⵙⴻⴷⴷⵓⵢ-ⵉⵜⵜ ⵜⴻⴳⵔⴰⵡⵜ ⵉⴷⴻⴳ ⵍⵍⴰⵏ ⵜⴻⵕⵎⵉⵙⵉⵏ ⵏ ⵙⵧⵏⴰⵜⵔⴰⵛⵀ, ⴱⵒ ⴰⴽⴽⴻⴷ ⵙⵜⴰⵜⵧⵉⵍ.