ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⴼⵔⴰⵜ ⵏ ⵜⵍⵓⴼⴰ ⴷ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ: ⵍⴷⵣⴰⵢⴻⵔ ⴷ ⵔⵓⵙⵢⴰ ⴱⵖⴰⵏⵜ ⴰⴷ ⵙⵙⵓⴳⴳⵜⴻⵏⵜ ⴰⵎⵄⴰⵡⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵎⵙⴻⴼⵀⴰⵎⴻⵏⵜ ⵍⴷⵣⴰⵢⴻⵔ ⴷ ⵔⵓⵙⵢⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⴰⴽⴽⴻⵏ ⴰⴷ ⵙⵙⵓⴳⴳⵜⴻⵏⵜ ⴰⵎⴱⴰⴷⴷⴻⵍ ⵏ ⵜⴻⵍⵖⴰ (ⵎⴰⵄⵍⵓⵎⴰⵜ) ⵉ ⵜⵉⴼⵔⴰⵜ ⵜⴰⵎⴻⵍⵡⵉⵜ (ⵙⵉⵍⵎⵉⵢⵢⴰ) ⵏ ⵜⵍⵓⴼⴰ ⴰⵢ ⵉⵃⵓⵣⴰⵏ ⴽⵔⴰ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵓⵙⵙⴻⴵⵀⴻⴷ ⵏ ⵡⴻⵎⵄⴰⵡⴻⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⴹⴹⵓⵔⴼⴰ.
« ⵏⴻⵎⵙⴻⴼⵀⴰⵎ ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⴽⴽⴻⵏ ⴰⴷ ⵏⴻⵙⵙⵓⴳⴳⴻⵜ ⴰⵎⵛⵉⵡⴻⵕ ⵙ ⵜⵔⴻⴳⵡⴰ ⵏ ⵜⴻⵍⵖⴰ ⵜⵓⴼⴼⵉⵔⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⵏⵉⵜ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵡⴻⴳⵎⵓⴹ ⴰⵍⴻⵎⵎⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴰⵔⵓⵙⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵙⴻⵔⴳⵓⴻⵉ ⵍⴰⵠⵔⵧⵠ, ⵎⵉ ⵉⴼⵓⴽ ⴰⵎⵢⴰⴳⴻⵔ-ⵏⵏⴻⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
« ⵏⴻⵙⵍⴰ ⵉ ⵓⵇⴻⵢⵢⴻⵎ ⴰⵢ ⴷ-ⵉⴳⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷ ⵢⵉⵎⴰⵙⵍⴰⴹⴻⵏ ⵏ ⵓⵏⴰⴱⴰⴹ-ⵏⵏⴻⵙ (ⵃⵓⴽⵓⵎⴰ) ⵖⴻⴼ ⵜⴻⴳⵏⵉⵜ ⴷⴻⴳ ⵍⵉⴱⵢⴰ ⵢⴻⵍⵍⴰⵏ ⴷⴻⴳ ⵜⵡⴰⵖⵉⵜ ⴷ ⵜⴰⵍⵇⴰⵢⴰⵏⵜ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⵖⴻⵔ-ⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⴳⵏⵉⵜ-ⴰ ⵙⵙⴻⴱⴱⴰ-ⵏⵏⴻⵙ ⴷ ⵜⴰⵎⵀⴻⵍⵜ-ⵏⵏⵉ (ⵄⴰⵎⴰⵍⵉⵢⵢⴰ) ⵢⴻⴼⴼⵖⴻⵏ ⵉ ⵡⴻⴱⵔⵉⴷ ⴰⵢ ⵜⴳⴰ ⵜⴻⵎⵙⵉⵙⵉⵜ ⵜⴰⵟⵍⴰⵙⵉⵜ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⵍⴰⵠⵔⵧⵠ ⴷⴰⴽⴽⴻⵏ « ⵉⵅⴻⵚⵚⴰⵔⴻⵏ ⵡⵓⵖⵓⵔ ⵜⴻⵙⵙⴰⵡⴻⴹ ⵜⴻⴳⵏⵉⵜ ⴷⴻⴳ ⵍⵉⴱⵢⴰ ⴰⴷ ⵃⴰⵣⴻⵏ ⴰⴽⴽ ⵜⵉⵎⵏⴰⴹⵉⵏ, ⵙ ⵓⵎⴰⵜⴰ, ⵍⴰⴷⵖⴰ ⵜⴰⵎⵏⴰⴹⵜ ⵏ ⵙⵙⴰⵃⴻⵍ ⴰⵏⴷⴰ ⴰⵢ ⵜⴻⵣⵎⴻⵔ ⵙ ⵜⵉⴷⴻⵜ ⴰⴷ ⵜⵛⴻⵡⵡⴻⵍ ⵜⴻⴳⵏⵉⵜ ⵖⴻⴼ ⵍⴵⴰⵍ ⵏ ⵓⵙⵙⴻⵜⵜⵉ (ⵜⴰⵀⵔⵉⴱ) ⵏ ⵍⴻⵙⵍⴰⵃ ⴰⵢ ⵍⴰ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵜⵎⵓⵔⵜ-ⴰ (ⵍⵉⴱⵢⴰ) ».
« ⴰⴷⴷⵓⴷ-ⵏⵏⴻⵖ ⵓⵛⵔⵉⴽ ⵏⴻⵜⵜⴰ ⴷ ⴰⵄⴰⵡⴻⴷ ⵏ ⵍⴻⴱⵏⵉ ⵏ ⵍⵉⴱⵢⴰ ⵖⴻⴼ ⵍⵍⵙⴰⵙ ⵏ ⵡⴻⵎⵛⵉⵡⴻⵕ ⴰⵖⴻⵍⵏⴰⵡ ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⴰⴽⴽ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ, ⴰⴽⴽ ⵉⵖⴰⵍⵍⴻⵏ ⵉⵙⴻⵔⵜⴰⵏⴻⵏ ⴷ ⵢⵉⵙⴻⵔⴷⴰⵙⴰⵏⴻⵏ ⵢⴻⵍⵍⴰⵏ ⴷⴻⴳ ⵜⵎⵓⵔⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
