ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵧⵏⴰⵜⵔⴰⵛⵀ ⴰⴷ ⵜⴻⵔⵏⵓ ⴰⴼⴰⵔⴻⵙ ⵏ ⵓⵒⵉⵜⵕⵓⵍ ⴷ ⵍⴳⴰⵣ ⴷⴻⴳ 2016

ⵃⴰⵙⵉ ⵎⴻⵙⵄⵓⴷ (ⵡⴰⵔⴳⵍⴰ)– ⵢⴻⵏⵏⴰ-ⴷ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵙⵧⵏⴰⵜⵔⴰⵛⵀ, ⴰⵎⵉⵏⴻ ⵎⴰⵣⵧⵓⵣⵉ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴰⴽⴽⴻⵏ ⴰⵙⴻⴳⴳⴰⵙ ⵏ 2016 ⴰⴷ ⵉⴼⴰⴽ ⵙ ⵓⵏⵏⴻⵔⵏⵉ ⵏ ⵓⴼⴰⵔⴻⵙ (ⵉⵏⵜⴰⴵ) ⵏ ⵜⵎⴻⵔⵖⴰ (ⵎⴰⵃⵔⵓⵇⴰⵜ) ⴷⴻⴼⴼⵉⵔ ⵡⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⵏ ⵓⵏⵏⴻⴹⴼⴰⵙ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⵉⴳⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⴰⵢⴷⴻⴳ ⵢⴻⴷⴷⴰ ⵖⴻⵔ ⵇⵙⴻⵏⵟⵉⵏⴰ, ⵜⴰⵖⴻⵔⴷⴰⵢⵜ ⴷ ⵃⴰⵙⵉ ⵎⴻⵙⵄⵓⴷ, ⵢⴻⵙⵜⴻⵄⵕⴻⴼ ⵎⴰⵙⵙ ⵎⴰⵣⵧⵓⵣⵉ ⴷⴰⴽⴽⴻⵏ ⴰⵙⴻⴳⴳⴰⵙ ⵏ 2015 ⴷ ⵡⵉⵏ ⴰⵢⴷⴻⴳ ⵢⴻⵏⵇⴻⵙ ⵓⴼⴰⵔⴻⵙ ⵏ ⵜⵎⴻⵔⵖⴰ ⴷⴻⴳ ⵙⵧⵏⴰⵜⵔⴰⵛⵀ, ⵎⴰⵛⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵏⵇⴰⵙ-ⴰ ⵓⵔ ⴰⵙ-ⵢⴻⴽⴽⵉⵙ ⴰⵔⴰ ⵉ ⵜⴻⴳⵔⴰⵡⵜ-ⴰ ⴰⴷ ⵜⴰⵡⴻⴹ ⵖⴻⵔ ⵢⴻⵙⵡⴰⵏ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴼⴰⵔⴻⵙ.

« ⴷⴻⴳ ⵓⵙⴻⴳⴳⴰⵙ ⵏ 2015, ⵢⴻⵍⵍⴰ ⵉⵏⴻⵇⵇⴻⵙ (ⵓⴼⴰⵔⴻⵙ), ⵎⴰⵛⴰ ⴰⵏⵇⴰⵙ-ⴰ ⵏⴻⵍⵍⴰ ⵏⴻⴱⵏⴰ ⴼⴻⵍⵍ-ⴰⵙ ⵢⴻⵔⵏⵓ ⵏⴻⵙⵙⴰⵡⴻⴹ ⵖⴻⵔ ⵢⴻⵙⵡⴰⵏ-ⵏⵏⴻⵖ ⵙ 100% », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵜⵖⴻⵔⴷⴰⵢⵜ.

« ⴷⴻⴳ 2016, ⴰⴷ ⴷ-ⵜⵉⵍⵉ ⵜⵎⴻⵔⵏⵉⵡⵜ ⴷ ⵜⴰⵎⴻⵇⵔⴰⵏⵜ ⴰⵟⴰⵙ ⴷⴻⴳ ⵓⴼⴰⵔⴻⵙ (ⵏ ⵜⵎⴻⵔⵖⴰ) ⵢⴻⵔⵏⵓ ⵜⵉⵎⴻⵔⵏⵉⵡⵜ-ⴰ ⵏⴻⴱⴷⴰ ⵏⴻⵜⵜⵃⵓⵍⴼⵓ-ⴰⵙ ⴷⴻⴳ ⵢⴻⴳⵎⴰⴹ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴳⴰⵔⴰ ⵏ ⴼⵓⵕⴰⵕ ⴰⵏⴷⴰ ⵉⵙⵡⴰⵏ ⵏ ⵓⴼⴰⵔⴻⵙ ⵏⴻⵡⵡⴻⴹ-ⵉⵜⴻⵏ ⵙ 100% », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⵊⵊⴻⴷ ⵎⴰⵙⵙ ⵎⴰⵣⵧⵓⵣⵉ.

« ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ 2016, ⵓⵍⴰⵛ ⵛⵛⴻⴽ ⴷⴰⴽⴽⴻⵏ ⴰⴷ ⵏⵄⴻⴷⴷⵉ ⵉ ⵡⴰⵢⴻⵏ ⵏⴻⵙⵙⴻⴼⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵕⴻⴳⴳⴻⵎ.

ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵙⴷⵓⵇⵇⴻⵙ-ⴰ ⵏ ⵓⴼⴰⵔⴻⵙ ⴰⴷ ⵉⴼⴰⴽⴻⵏ ⵜⴰⵍⵍⵉⵜ ⵏ ⵡⴰⵣⴰⵍ ⵏ 10 ⵏ ⵢⵉⵙⴻⴳⴳⴰⵙⴻⵏ ⵏ ⵓⵏⵏⴻⴹⴼⴻⵙ, « ⵢⴻⵇⵇⴻⵏ, ⵙ ⵓⵎⴰⵜⴰ, ⵖⴻⵔ ⵢⵉⵙⵙⴻⴼⵜⵉⵢⴻⵏ ⵉⵎⴻⵥⵢⴰⵏⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵖⴻⵍⵍⴻⵜ ⵉⴳⴻⵔⵔⵣⴻⵏ ⵏ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵏ ⵓⵒⵉⵜⵕⵓⵍ ⴷ ⵍⴳⴰⵣ ⵢⴻⵍⵍⴰⵏ ⵢⴰⴳⵉ, ⵙ ⵓⵙⵙⴻⵏⵇⴻⵙ ⵏ ⵜⴻⵙⵇⴰⵎⵉⵏ (ⵜⴰⴽⴰⵍⵉⴼ) ⵏ ⵢⵉⵙⵙⴻⴼⵜⵉⵢⴻⵏ-ⴰ ».

« ⵙ ⵡⴰⵢⴰ, ⵏⴻⵙⵙⴰⵡⴻⴹ ⴰⴷ ⵏⴳⴻⵔⵔⴻⵣ ⴰⴼⴰⵔⴻⵙ ⵙ ⵜⴻⵙⵇⴰⵎⵜ ⵓⵔ ⵖⵍⴰⵢⴻⵏ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵣⵧⵓⵣⵉ.