ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵀⵉⵏⴷⵉ ⵣⴰⵀⵔⴰ ⵜⴻⵄⵊⴻⴱ ⵉ ⵡⴻⴳⴷⵓⴷ ⴷⴻⴳ ⵓⵀⴰⵏⴰⵢ-ⵏⵏⴻⵙ ⴰⵎⴻⵣⵡⴰⵔⵓ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ

ⵍⴷⵣⴰⵢⴻⵔ ⵜⴰⵎⴰⵏⵖⵜ– ⴰⵟⴰⵙ ⵙⴻⴳ ⵡⵉⴷ ⴰⵢ ⵉⵃⴻⵎⵎⵍⴻⵏ ⴰⵥⴰⵡⴰⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴰⵢ ⵉⵃⴻⴷⵕⴻⵏ ⴷⴻⴳ ⵓⵀⴰⵏⴰⵢ (ⵄⴰⵔⴹ) ⵏ ⵜⵛⴻⵏⵏⴰⵢⵜ ⵜⴰⴼⵕⴻⵏⵙⵉⵙⵜ-ⵜⴰⵎⴻⵕⵕⵓⴽⵉⵜ ⵀⵉⵏⴷⵉ ⵣⴰⵀⵔⴰ, ⴰⵢ ⵢⴻⵛⵏⴰⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵍⴷⵣⴰⵢⴻⵔ.

ⴰⴱⴰⵔⴰⵣ (ⵃⴰⴼⵍ) ⵏ ⵀⵉⵏⴷⵉ ⵣⴰⵀⵔⴰ ⵜⴻⵙⵙⵓⴷⴷⴻⵙ-ⵉⵜ ⵜⵏⴻⴳⴳⴰ ⵜⴰⴷⵣⴰⵢⵔⵉⵜ ⵉ ⵓⵛⵛⴻⵄⵛⴻⵄ ⴰⴷⴻⵍⵙⴰⵏ (ⴰⴰⵔⵛ), ⵓⵙⴰⵏ-ⴷ ⵖⴻⵔ-ⵙ ⴰⵟⴰⵙ ⵏ ⵡⵉⴷ ⴰⵢ ⵜⵜ-ⵢⴻⵙⵙⵏⴻⵏ ⵢⴻⵔⵏⵓ ⵉⵜⵉⴽⵉⵢⴻⵏ ⵏ ⵓⴱⴰⵔⴰⵣ-ⴰ ⴼⵓⴽⴻⵏ ⴰⵛⵃⴰⵍ ⵏ ⵡⵓⵙⵙⴰⵏ ⵓⵇⴱⴻⵍ ⵎⴰ ⵢⴻⵍⵍⴰ-ⴷ.

ⵜⴰⵖⴻⵛⵜ ⵏ ⵜⵛⴻⵏⵏⴰⵢⵜ-ⴰ ⵜⴻⵙⵙⴻⵡⵍⴰⵡⴻⵍ ⵓⵍⴰⵡⴻⵏ ⵙ ⵢⵉⵡⴻⵏ ⵏ ⵓⵥⴰⵡⴰⵏ ⴰⵢⴷⴻⴳ ⵅⴻⵍⴹⴻⵏ ⵢⵉⵖⴰⵏⵉⴱⴻⵏ ⵏ ⵊⴰⵣⵣ, ⵔⴻⴳⴳⴰⴻ, ⵔⵧⵛⴽ ⴷ ⵓⵥⴰⵡⴰⵏ ⵏ ⴼⵧⵍⴽ, ⴰⵎ ⵡⴰⴽⴽⴻⵏ ⴰⵢ ⵢⴻⵍⵍⴰ ⴷⴻⴳ-ⵙ ⴷⴰⵖ ⵡⴻⵏⵢⴰ (ⵔⵉⵜⵎ) ⵏ ⵓⵥⴰⵡⴰⵏ ⴰⵎⵖⴰⵔⴱⵉ, ⴰⴼⵔⵉⵇⵉ, ⴰⵎⴰⵛⴻⵖ ⴷ ⵓⵍⴰⵜⵉⵏⵓ.

ⵜⵉⵣⵍⴰⵜⵉⵏ ⴰⵢ ⴷ-ⵜⴻⵛⵏⴰ ⵀⵉⵏⴷⵉ ⵣⴰⵀⵔⴰ ⴷⴻⴳ ⵜⵙⴻⵀⵕⴰ-ⵏⵏⵉ ⵜⴻⴼⵔⴻⵏ-ⵉⵜⴻⵏⵜ-ⵉⴷ, ⵙ ⵓⵎⴰⵜⴰ, ⵙⴻⴳ ⵡⴰⵍⴱⵓⵎⴻⵏ-ⵏⵏⴻⵙ ⵏ « ⵀⵉⵏⴷⵉ ⵣⴰⵀⵔⴰ » (2009) ⴷ « ⵀⴰⵏⴷⵎⴰⴷⴻ » (2010), ⵢⴻⵔⵏⴰ ⵍⵍⴰⵏⵜ ⴳⴰⵔ-ⴰⵙⴻⵏⵜ ⵜⴻⵣⵍⴰⵜⵉⵏ ⴰⵎ « ⴱⴻⴰⵓⵜⵉⴼⵓⵍ ⵜⴰⵏⴳⵧ », « ⵜⵔⵢ » ⴷ « ⵉⵎⵉⴽ ⵙ ⵉⵎⵉⴽ ».

ⵏⵏⵉⴳ ⵜⴰⵖⴻⵛⵜ-ⵏⵏⴻⵙ ⴷ-ⵢⵓⴼⵔⴰⵔⴻⵏ, ⵜⴰⵏⴰⵥⵓⵔⵜ-ⴰ ⵜⵛⴻⵏⵏⵓ ⵙ ⵜⴰⵏⴳⵍⵉⵣⵉⵜ, ⴰⴽⴽⴻⵏ ⴰⵢ ⵜⵛⴻⵏⵏⵓ ⴷⴰⵖ ⵙ ⵜⴻⴼⵕⴻⵏⵙⵉⵙⵜ, ⵙ ⵜⵎⴰⵣⵉⵖⵜ ⴷ ⵜⴰⵄⵕⴰⴱⵜ ⵜⴰⵖⴻⵔⴼⴰⵏⵜ. ⵀⵉⵏⴷⵉ ⵣⴰⵀⵔⴰ ⵜⴻⵄⵊⴻⴱ ⴷⴰⵖ ⴰⴳⴷⵓⴷ-ⵏⵏⴻⵙ ⵙ ⵛⵛⴹⴻⵃ-ⵏⵏⴻⵙ ⴰⴼⴻⵙⵙⴰⵙ ⴰⵢⴷⴻⴳ ⵢⴻⵅⵍⴻⴹ ⵓⵖⴰⵏⵉⴱ ⵏ ⴼⵧⵍⴽ, ⵉⵖⴰⵏⵉⴱⴻⵏ ⵉⴳⵎⵓⴹⴰⵏⴻⵏ (ⵛⴰⵔⵇⵉⵢⵢⴰ), ⴰⵖⴰⵏⵉⴱ ⴰⵎⴰⵣⵉⵖ ⴷ ⵡⵉⵏ ⵏ « ⵡⴻⵊⴷⴰⴱ » ⴰⵢ ⵜⵜ-ⵉⴷ-ⵢⴻⵙⵙⴽⴰⵏⴰⵢⴻⵏ ⴰⵎⵣⵓⵏ ⵜⵓⴷⴻⴼ ⴰⵜⵀⴻⵡⵡⴻⵍ, ⵜⴻⴷⴷⴰ ⴷⴻⴳ ⵍⵀⴰⵡⴰ ⵏ ⵓⵥⴰⵡⴰⵏ ⴷ ⵢⵉⵙⴻⴼⵔⴰ-ⵏⵏⴻⵙ.

ⵛⵛⵏⴰ-ⵏⵏⴻⵙ ⵢⴻⵣⴷⵉ ⵢⵉⴷ-ⵙ ⵓⵥⴰⵡⴰⵏ ⴰⵍⵍⴰⵍⴰⵏ (ⵜⴰⴳⵉⵟⴰⵔⵜ, ⵜⴰⴱⴰⵙⵜ, ⴹⴹⴱⵓⵍ ⴷ ⵢⵉⵏⴰⵙⵉⵡⴻⵏ), ⵢⴻⵔⵏⵓ ⵜⴼⵓⵕⴻⵙ ⵀⵉⵏⴷⵉ ⵣⴰⵀⵔⴰ, ⴷⴻⴳ ⵓⴱⴰⵔⴰⵣ-ⴰ, ⵜⴻⵛⵏⴰ-ⴷ ⴽⵔⴰ ⵏ ⵜⴻⵣⵍⴰⵜⵉⵏ ⵙⴻⴳ ⵡⴰⵍⴱⵓⵎ-ⵏⵏⴻⵙ ⴰⵏⴻⴳⴳⴰⵔⵓ, « ⵀⵧⵎⴻⵍⴰⵏⴷ » (2015), ⴳⴰⵔ-ⴰⵙⴻⵏⵜ « ⴰⵏⵢ ⵙⵜⵧⵔⵢ », « ⵓⵏ ⵊⵧⵓⵔ » ⴷ « ⴷⵔⴻⴰⵎ ».

ⵖⴻⴼ ⵡⴰⵍⴱⵓⵎ-ⴰ, ⵜⴻⵏⵏⴰ-ⴷ ⵜⵛⴻⵏⵏⴰⵢⵜ ⴷⴰⴽⴽⴻⵏ « ⵜⵄⴰⵡⴻⴷ ⵜⴻⵏⵟⴻⴱ ⴷⴻⴳ ⵢⴻⴷⵍⴻⵙ-ⵏⵏⴻⵙ ⴰⵎⴻⵕⵕⵓⴽⵉ ⴷ ⵍⴰⵚⴻⵍ-ⵏⵏⴻⵙ ⴰⵎⴰⵛⴻⵖ », ⵢⴻⵔⵏⵓ ⵜⴻⵙⵙⴰⴷⴻⴼ ⴷⴻⴳ-ⵙ ⵉⵎⴻⵙⵍⵉⵢⴻⵏ (ⴰⵚⵡⴰⵜ) ⴷ-ⵢⴻⵜⵜⵡⴰⴳⵎⴻⵏ ⵙⴻⴳ « ⵡⴰⵙⵓⴼ » ⵏ ⵓⵥⴰⵡⴰⵏ ⵜⴻⴳⵔⴰⵡⵜ ⵜⴰⵎⴰⵛⴻⵖⵜ ⵏ « ⵜⵉⵏⴰⵔⵉⵡⴻⵏ », ⵎⴰⵛⴰ ⴰⵥⴰⵡⴰⵏ-ⵏⵏⴻⵙ ⵏⴻⵜⵜⴰⵜ ⵜⴻⵙⵙⴻⵅⵍⴻⴹ-ⴰⵙ-ⴷ ⵓⴳⴰⵔ ⵙⴻⴳ ⵢⵉⵖⴰⵏⵉⴱⴻⵏ ⵏ ⵔⵧⵛⴽ ⴷ ⴱⵍⵓⴻⵙ, ⴷ ⵛⵡⵉⵟ ⵙⴻⴳ ⵓⵖⴰⵏⵉⴱ ⵏ ⴳⵏⴰⵡⴰ.