ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴱⴻⵢⵢⴻⴹ: ⵓⴳⴰⵔ ⵏ 90% ⵙⴻⴳ ⵢⴻⵅⵅⴰⵎⴻⵏ ⴰⴷ ⵢⴻⵜⵜⵡⴰⵇⵇⵏⴻⵏ ⵖⴻⵔ ⵜⵔⵉⵙⵉⵜⵉ ⴷ ⵍⴳⴰⵣ ⴷⴻⴳ 2017 (ⵜⴰⵡⵉⵍⴰⵢⵜ)

ⵍⴱⴻⵢⵢⴻⴹ – 97% ⵙⴻⴳ ⵢⴻⵅⵅⴰⵎⴻⵏ ⴰⴷ ⵢⴻⵜⵜⵡⴰⵇⵇⵏⴻⵏ ⵖⴻⵔ ⵜⵔⵉⵙⵜⵉ, ⵢⴻⵔⵏⵓ 93% ⴰⴷ ⵢⴻⵜⵜⵡⴰⵇⵇⵏⴻⵏ ⴷⴰⵖ ⵖⴻⵔ ⵍⴳⴰⵣ ⵙⴻⴳ-ⴰ ⵖⴻⵔ 2017 ⴷⴻⴳ ⵜⵡⵉⵍⴰⵢⵜ ⵏ ⵍⴱⴻⵢⵢⴻⴹ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⵡⵉⵍⴰⵢⵜ ⴰⵙⵙ ⵏ ⵜⵜⵍⴰⵜⴰ.

ⴰⴼⵎⵉⴹⵉ-ⴰ (ⵏⵉⵙⴱⴰ) ⵏ ⵜⵓⵇⵇⵏⴰ ⴰⴷ ⴷ-ⵢⵉⵍⵉ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵡⴻⵙⵙⵎⴰⴷ ⴰⵢⵙⴻⴳ ⴷ-ⵢⴻⵙⴼⴰⵢⴷⵉ ⵡⴻⵃⵔⵉⵛ ⵏ ⵜⴻⵥⵡⴻⵔⵜ (ⵟⴰⵇⴰ) ⵙ ⵜⵊⴻⵍⵍⴰⴱⵜ ⵏ 5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵢⴻⵔⵏⵓ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⴱⴷⵓ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.

ⵢⴻⵏⵏⴰ-ⴷ ⵓⵡⴰⵍⵉ ⵏ ⵍⴱⴻⵢⵢⴻⴹ, ⴰⴱⴷⴰⵍⵍⴰⵀ ⴱⴻⵏⵎⴰⵏⵙⵧⵓⵔ, ⵎⵉ ⵢⴻⵔⵣⴰ ⵙⴻⴳ ⵎⴻⵍⵎⵉ ⴽⴰⵏ ⵖⴻⴼ ⵜⵖⵉⵡⴰⵏⵉⵏ ⵏ ⴱⵓⴳⵟⴻⴱ ⴷ ⵍⵅⵉⵜⴻⵔ, ⴷⴰⴽⴽⴻⵏ ⴰⴼⵎⵉⴹⵉ ⴰⵎⵉⵔⴰⵏ ⵏ ⵜⵓⵇⵇⵏⴰ ⵏ ⵜⵡⵉⵍⴰⵢⵜ ⵏ ⵍⴱⴻⵢⵢⴻⴹ ⵖⴻⵔ ⵜⵔⵉⵙⵉⵜⵉ ⵢⴻⵡⵡⴻⴹ ⵖⴻⵔ 93%, ⵎⴰ ⴷ ⵡⵉⵏ ⵏ ⵍⴳⴰⵣ ⵢⴻⵡⵡⴻⴹ ⵖⴻⵔ 87%.

ⵜⴰⵖⵉⵡⴰⵏⵜ ⵏ ⵍⴻⴱⵏⵓⴷ ⴷ ⵜⴻⵎⴷⵉⵏⵉⵏ ⵏⵉⴹⴻⵏ ⴰⵎ ⵎⵡⵉⵍⵃⴰ, ⵍⵎⴻⵖⵙⴻⵍ, ⵙⵉⴷⵉ ⵃⵎⴻⴷ ⴱⴻⵍⵄⴻⴱⴱⴰⵙ ⴷ ⴱⴻⵏⵀⴻⴷⵊⴰⵎ ⵡⴻⵔⵄⴰⴷ ⵓⵔ ⵜⵜⵡⴰⵇⵇⵏⴻⵏⵜ ⴰⵔⴰ ⵖⴻⵔ ⵍⴳⴰⵣ ⴰⴳⴰⵎⴰⵏ ⵢⴻⵔⵏⵓ, ⵍⴻⵎⵎⴻⵔ ⴷ ⵍⴻⴱⵖⵉ, ⴰⴷ ⴷ-ⵙⴼⴰⵢⴷⵉⵏⵜ ⵙⴻⴳ ⵡⴰⵀⵉⵍ-ⴰ ⵏ ⵡⴻⵙⵙⵎⴰⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵀⵉⵍ-ⴰ ⴰⴷ ⵜⴻⵜⵜⴻⴽⴽⵉ ⴷⴻⴳ-ⵙ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⵙⵧⵏⴻⵍⴳⴰⵣ ⵙ 25%, ⵢⴻⵔⵏⵓ ⴷ ⵡⵉⵏ ⴰⵢⴷⴻⴳ ⴰⴷ ⵜⵜⵡⴰⵇⵇⵏⴻⵏ 4.500 ⵏ ⵢⴻⵅⵅⴰⵎⴻⵏ ⵖⴻⵔ ⵜⵔⵉⵙⵉⵜⵉ ⴷ ⵡⵓⴳⴰⵔ ⵏ 2.500 ⵏ ⵢⴻⵅⵅⴰⵎⴻⵏ ⵖⴻⵔ ⵍⴳⴰⵣ ⵏ ⵡⴻⵖⵔⴰⴱ ⴷⴻⴳ ⵜⴻⵎⵏⴰⴹⵉⵏ ⵡⵓⵖⵓⵔ ⵓⵔ ⵡⵡⵉⴹⴻⵏ ⴰⵔⴰ ⵢⵉⵥⴻⴹⵡⴰⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).