ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵙⵄⵉⴷⴰ: ⴰⴹⴼⴰⵔ ⵏ ⵜⵙⵓⴷⴷⴻⵙⵜ ⵢⴻⴷⴷⵓⴽⴽⵍⴻⵏ ⵉ ⵡⴻⵃⴱⴰⵙ ⵏ ⵔⵔⴻⴱⵔⴰⴱ (ⴰⵎⵢⴰⴳⴻⵔ)
ⵙⵙⵄⵉⴷⴰ- ⵃⴻⵜⵜⴻⵜⴻⵏ-ⴷ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵢⵉⵡⴻⵏ ⵏ ⵡⴰⵙⵙ ⵏ ⵜⴻⵣⵔⴰⵡⵜ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⴻⵙⴷⴰⵡⵉⵜ ⵏ ⵙⵙⵄⵉⴷⴰ ⵖⴻⴼ ⵡⴻⴹⴼⴰⵔ ⵏ ⵜⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵢⴻⴷⴷⵓⴽⴽⵍⴻⵏ ⵉ ⵡⴻⵃⴱⴰⵙ ⵏ ⵔⵔⴻⴱⵔⴰⴱ ⴷⴻⴳ ⵜⴻⵎⵏⴰⴹⵜ ⵏ ⵙⵙⴰⵃⴻⵍ (ⵜⴰⴼⵔⵉⵇⵜ).
ⴰⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⵖⴻⴼ « ⵡⴻⵎⴳⴰⵔⵓ (ⵃⴰⵔⴱ) ⵎⴳⴰⵍ ⵔⵔⴻⴱⵔⴰⴱ » ⵡⴻⵚⵚⴰⵏ-ⴷ ⴷⴻⴳ-ⵙ ⵢⴻⵎⵜⵜⴻⴽⴽⵉⵢⴻⵏ-ⵏⵏⴻⵙ ⵖⴻⴼ ⵡⴻⴹⴼⴰⵔ ⵏ ⵜⵜⴰⵡⵉⵍⴰⵜ ⵏ ⵍⵇⴰⵏⵓⵏ ⴷ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ) ⴰⴷ ⵢⴻⴷⴷⵓⵏ ⴷ ⵡⴻⴱⵔⵉⴷ ⵏ ⵜⵙⵓⴷⴷⴻⵙⵜ ⵢⴻⴷⴷⵓⴽⴽⵍⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵡⴻⴽⴽⴷⴻⵏ-ⴷ ⴷⴰⵖ ⵖⴻⴼ ⵡⴰⵣⴰⵍ ⴰⵢ ⵜⴻⵙⵄⴰ ⵜⵉⴷⴷⵉⵜ ⵏ ⵍⴷⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵓⵏⴰⴷⵉ ⵖⴻⴼ ⵡⴻⵎⵄⴰⵡⴻⵏ ⴳⴰⵔ ⵡⴻⵃⵔⵉⵛ ⵏ ⵓⵙⵙⴻⴳⵎⵉ (ⵜⴰⵔⴱⵉⵢⴰ) ⴷ ⵜⵙⵓⴷⴰ ⵏ ⵜⵖⴻⵍⵍⵉⵙⵜ (ⴰⵎⵏ) ⴰⴽⴽⴻⵏ ⴰⴷ ⵍⴻⵎⴷⴻⵏ ⵎⴻⴷⴷⴻⵏ ⴰⵣⴰⵍⴻⵏ ⴷ ⵉⵣⴻⴷⴳⴰⵏⴻⵏ.
ⵢⴻⵜⵜⵓⵏⴻⴼⴽ ⴷⴰⵖ ⵡⴰⵣⴰⵍ ⵉ ⵓⵙⵙⴻⵍⵖⵓ (ⵉⵄⵍⴰⵎ) ⴷ ⵡⴻⵃⴱⴰⵙ ⵏ ⵓⵙⵙⴻⴷⴷⵓ ⵏ ⴷⴷⵉⵄⴰⵢⴰⵜ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ, ⵉⵎⵉ ⴰⵢⴰ ⵢⴻⵜⵜⵉⵍⵉ-ⴷ ⵉ ⵍⴼⴰⵢⴷⴰ ⵏ ⵜⴻⴽⵔⵉⴹⵜ (ⵄⵓⵏⴼ).
ⵉⵎⵜⵜⴻⴽⴽⵉⵢⴻⵏ ⵍⵍⴰⵏ ⴳⴰⵔ-ⴰⵙⴻⵏ ⵢⴻⵎⴷⴰⵏⵉⵢⴻⵏ ⵙⴻⴳ ⵜⴻⵙⴷⴰⵡⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⵢⴻⵔⵏⵓ ⵃⴻⵜⵜⴻⵜⴻⵏ-ⴷ ⴰⴷ ⵜⵉⵍⵉ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⴰⵔⴰⵡⵙⴰⵏⵜ (ⵃⵉⵢⴰⴷⵉⵢⵢⴰ) ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⴰⵎ ⵡⴰⴽⴽⴻⵏ ⴰⴷ ⵜⴻⵙⵄⵓ ⵜⵉⴷⴷⵉⵜ ⵢⴻⴷⴷⵓⴽⴽⵍⴻⵏ ⴰⴷ ⵉⴱⴻⵄⴷⴻⵏ ⵖⴻⴼ ⵓⵙⵙⴻⵅⵍⴻⴹ ⴳⴰⵔ ⵔⵔⴻⴱⵔⴰⴱ ⴷ ⵢⵉⵎⴻⵏⵖⵉ ⵓⵣⵔⵉⴼ (ⵛⴰⵔⵄⵉ) ⵉ ⵍⵎⴻⵏⴷ ⵏ ⵢⵉⵣⴻⵔⴼⴰⵏ.
ⴼⵓⴽⴻⵏ ⵢⴻⵙⴷⴰⵡⴰⵏⴻⵏ-ⴰ ⴰⵎⵢⴰⴳⴻⵔ-ⵏⵙⴻⵏ ⵙ ⵓⵡⴻⴽⴽⴻⴷ ⵖⴻⴼ ⵓⵙⴷⵓⵇⵇⴻⵙ ⴷ ⵓⵙⵏⴻⴼⵍⵉ (ⵜⴰⵟⵡⵉⵔ) ⵏ ⵓⵏⴰⴷⵉ ⵓⵙⵙⵏⴰⵏ ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵏ ⵓⴳⴰⵔ ⵜⴰⵍⵓⴼⵜ-ⴰ ⵏ ⵔⵔⴻⴱⵔⴰⴱ ⴷ ⵡⴰⵎⴻⴽ ⴰⴷ ⵜⴻⴼⵔⵓ.
