Asebter amenzawi

Temmuger Massa Meslem anmahal n Finland deg Lezzayer

LEZZAYER TAMANEɣT – Temmuger tneɣlaf n temsetlelt (taḍamun) taɣelnawt, Mounia Meslem Si Amer, ass n ttlata deg Lezzayer Tamaneɣt, Tuula Svinhufvud, anmahal (safir) n Finland deg Lezzayer.

Deg wemyager-a, « mbaddalen sin-a n yidisan timuɣliwin-nsen deg wayen yerzan tisertiyin tinmettiyin (iǧtimaɛiyya) ay tettḍafar yal tamurt deg wesmal (tarqiya) n tmeṭṭut », ɣef wakken ay d-yenna yiwen n welɣu n weɣlif n temsetlelt.

I lmend n wemyager-a, tga-d Massa Meslem yiwen n uqeddem n « lecɣal ay la yetteg weɣlif n temsetlelt taɣelnawt deg wayen yerzan lemɛawna n tegrawin tuḍɛifin n tmetti, ahilen yerzan asnefli anmetti d ttawilat yerzan areḍḍal ameẓyan d wahilen n uḥuddu d wesmal n yimeɛdaṛ », ɣef wakken ay d-yenna welɣu-nni (bayan).

I lmend n waya, yenna-d wenmahal afinlandi dakken yeɛjeb-as « ufara (taqaddum) ay d-yellan ɣer sdat i lfayda n tmeṭṭut tadzayrit yernu yella-d waya s lebɣi asertan n uselway n tegduda », ɣef wakken ay d-yenna welɣu-nni.