ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴻⵏⴷⴰⵡⵜ ⵢⴻⵜⵜⵡⴰⴱⴻⴷⴷⵍⴻⵏ "ⵓⵔ ⵜⴻⵜⵜⵃⴻⵜⵜⵉⵎ ⴰⵙⴻⵍⵡⴰⵢ ⴰⴽⴽⴻⵏ ⴰⴷ ⵉⴱⴻⴷⴷⴻⵍ ⴰⵏⴰⴱⴰⴹ" (ⵙⴻⵍⵍⴰⵍ)
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⴱⴻⵍⵍⵉ ⵜⴰⵎⴻⵏⴷⴰⵡⵜ ⵢⴻⵜⵜⵡⴰⴱⴻⴷⴷⵍⴻⵏ "ⵜⴱⴰⵏ ⵓ ⵜⵓⴼⵔⴰⵔ ⵓⵔ ⵜⴻⵜⵜⵃⴻⵜⵜⵉⵎ ⵖⴻⴼ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴽⴽⴻⵏ ⴰⴷ ⵉⴱⴻⴷⴷⴻⵍ ⴰⵏⴰⴱⴰⴹ".
"ⵍⴻⵣⵣⴰⵢⴻⵔ ⵖⴻⵔ-ⵙ ⴰⵙⵙ-ⴰⴳⵉ ⵜⵉⵙⵓⴷⵓⵜⵉⵏ ⵢⴻⵜⵜⵡⴰⴼⴻⵔⵏⴻⵏ. ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⴻⵜⵜⵡⴰⴼⵔⴻⵏ ⵓ ⵍⴰ ⵉⵅⴻⴷⴷⴻⵎ ⵛⵛⴻⵖⵍ-ⵉⵙ, ⴰⵎⵏⵉ ⴷⴰⵖⴻⵏ", ⵉⴷ-ⵉⵡⴻⴽⴽⴻⴷ ⵎⴰⵙ ⵙⴻⵍⵍⴰⵍ ⵖⴻⵔ ⵢⵉⴷⵉⵙ ⵏ ⵡⴻⵕⵥⴰⵎ ⵏ ⵜⴻⴷⵡⵉⵍⵜ ⵏ ⵜⴻⴼⵙⵓⵜ ⵏ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ(ⴰⵒⵏ).
ⴷⴻⴼⴼⵉⵔ ⵎⵉ ⴷ-ⵢⴻⵙⵎⴻⴽⵜⴰ ⴱⴻⵍⵍⵉ ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵜⵜⵡⴰⵄⴻⵢⴻⵏ ⵙⵖⵓⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙ ⵙⴻⵍⵍⴰⵍ ⵉⴱⴻⴷⵔ-ⴷ ⵜⵍⴰⵜⴰ ⵏ ⵜⵖⴰⵡⵙⵉⵡⵉⵏ, ⵢⴻⵍⵍⴰⵏ ⴷ ⵜⵉⵣⴻⵎⵎⴰⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴱⴻⴷⴷⴻⵍ ⵓⵏⴰⴱⴰⴹ: "ⴰⴱⴻⴷⴻⵍ ⵉⴽⴻⵎⵎⵍⴻⵏ, ⴰⴱⴻⴷⴷⴻⵍ ⵏ ⴽⵔⴰ ⵏⴻⵖ ⴰⴷ ⵢⴻⵇⵇⵉⵎ ⴰⴽⴽⴻⵏ ⵢⴻⵍⵍⴰ".
"ⴷ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵖⴻⵔ-ⵙ ⴰⵣⵔⴻⴼ ⴰⴷ ⵉⵡⴰⵍⵉ ⴰⵛⵓ ⵉⵍⴰⵇⴻⵏ ⵉ ⵜⵎⵓⵔⵜ",ⵉⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ .
