ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵣⵉⵏⴻⴷⵉⵏⴻ ⵣⵉⴷⴰⵏⴻ ⵢⴻⵔⵔⴰ ⵜⴰⵊⵎⵉⵍⵜ ⵉ « ⵓⵎⵎⵉⴹⵡⴻⵍ » ⵏ ⵢⵉⵎⴰⵔⵉⵔⴻⵏ-ⵏⵏⴻⵙ

ⵎⴰⴷⵔⵉⴷ– ⵢⴻⵔⵔⴰ ⵡⴻⵙⵍⴻⵖⵎⴰⵢ ⵏ ⵔⴻⴰⵍ ⵎⴰⴷⵔⵉⴷ, ⵣⵉⵏⴻⴷⵉⵏⴻ ⵣⵉⴷⴰⵏⴻ, ⵜⴰⵊⵎⵉⵍⵜ, ⴰⵙⵙ ⵏ ⵍⴰⵕⴻⴱⵄⴰ, ⵉ « ⵓⵎⵎⵉⴹⵡⴻⵍ » ⴷ « ⵡⵓⵙⵙⵉⵙⴻⵏ » (ⵎⴰⴵⵀⵓⴷⴰⵜ) ⵏ ⵢⵉⵎⴰⵔⵉⵔⴻⵏ-ⵏⵏⴻⵙ ⴰⵢ ⵢⴻⵔⵏⴰⵏ ⵜⴰⵖⵍⴰⵎⵜ ⵏ ⵍⴻⵠⴰⵏⵜⴻ ⵙ 3 ⵖⴻⵔ 1, ⵖⴰⵙ ⴰⴽⴽⴻⵏ ⴱⴻⴷⴷⵍⴻⵏ ⴽⵔⴰ ⵏ ⵢⵉⵎⴰⵔⵉⵔⴻⵏ.

« ⵏⵡⴰⵍⴰ ⵜⵉⵎⵍⵉⵍⵉⵜ ⵢⴻⵍⵀⴰⵏ ⵏ ⵜⵛⵉⵔⵜ ⵏ ⵓⴹⴰⵔ ⴰⵢⴷⴻⴳ ⴰⴽⴽ ⵉⵎⴰⵔⵉⵔⴻⵏ ⵓⵔⴰⵔⴻⵏ ⵙ ⵓⵎⵎⵉⴹⵡⴻⵍ ⵢⴻⵔⵏⵓ ⴳⴰⵏ ⵓⵙⵙⵉⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ.

« ⵜⴰⵣⵡⴰⵔⴰ ⵏ ⵜⴻⵎⵍⵉⵍⵉⵜ ⵓⵔ ⴷ-ⵜⴻⵍⵍⵉ ⴰⵔⴰ ⴼⴻⵙⵙⵓⵙⴻⵜ, ⵎⴰⵛⴰ ⴷⴻⴳ ⵜⴳⴰⵔⴰ, ⵏⴻⵔⴱⴻⵃ-ⴷ 3 ⵏ ⵜⴻⵏⵇⵉⴹⵉⵏ ⵙ ⵡⵓⵙⵙⵉⵙⴻⵏ-ⵏⵏⴻⵖ ⵢⴻⵔⵏⵓ ⵏⵓⵔⴰⵔ ⵜⵉⵎⵍⵉⵍⵉⵜ ⵢⴻⵍⵀⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.

ⵓⵍⴰ ⵎⴰ ⵣⵉⴷⴰⵏⴻ ⵅⵓⵚⵚⴻⵏ-ⵜ ⴽⵔⴰ ⵙⴻⴳ ⵢⵉⵎⴰⵔⵉⵔⴻⵏ-ⵏⵏⴻⵙ ⵓⵥⵡⵉⵔⴻⵏ, ⵢⴻⵡⵡⵉ-ⴷ ⴰⵛⵃⴰⵍ ⵏ ⵢⵉⵎⴰⵔⵉⵔⴻⵏ ⵉⵍⴻⵎⵥⵉⵢⴻⵏ ⵙⴻⴳ ⵡⴰⵎⵎⴰⵙ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴰⵎ ⴱⵧⵔⵊⴰ ⵎⴰⵢⵧⵔⴰⵍ (18 ⵏ ⵢⵉⵙⴻⴳⴳⴰⵙⴻⵏ) ⴷ ⵍⵓⵛⴰⵙ ⵠⴰⵣⵇⵓⴻⵣ (24 ⵏ ⵢⵉⵙⴻⴳⴳⴰⵙⴻⵏ).

« ⴷ ⴰⵢⴰ ⴰⵢ ⵢⴻⵙⵙⴻⴼⴽ ⴰⴷ ⵏⴻⴳ: ⴰⴷ ⵏⴰⵣⵣⴻⵍ ⵢⴻⵔⵏⵓ ⴰⴷ ⴷ-ⵏⴻⴼⴽ ⴰⴽⴽⴻⵏ ⵎⴰ ⵏⴻⵍⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵢⴻⵄⵊⴻⴱ-ⵉⵢⵉ ⴰⴽⴽ ⵡⵓⵔⴰⵔ-ⵏⵙⴻⵏ. ⵓⵎⴰⵔⴻⵖ (ⴼⴻⵕⵃⴻⵖ) ⵙ ⵔⵔⴱⴻⵃ-ⴰ ⴰⵢ ⴷ-ⵢⴻⴽⴽⴰⵏ ⵙⴻⴳ ⵓⵅⴻⴷⴷⵉⵎ ⵏ ⵜⴻⴳⵔⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ.