ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴰⵔⵉⵔⴻⵏ ⵉⴷⵣⴰⵢⵔⵉⵢⴻⵏ: ⵜⴻⵡⵄⴻⵕ ⵜⴻⴳⵏⵉⵜ ⵖⴻⴼ ⴱⴻⵏⵜⴰⵍⴻⴱ ⴷ ⴳⵓⴻⴷⵉⵧⵓⵔⴰ ⴷⴻⴳ ⵍⴰⵏⴳⵍⵉⵣ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵡⵄⴻⵕ ⵜⴻⴳⵏⵉⵜ ⵖⴻⴼ ⵏⴰⴱⵉⵍ ⴱⴻⵏⵜⴰⵍⴻⴱ ⵢⴻⵜⵜⵓⵔⴰⵔⴻⵏ ⴷⴻⴳ ⵜⵧⵜⵜⴻⵏⵀⴰⵎ ⴷ ⴰⴷⵍⴻⵏⴻ ⴳⵓⴻⴷⵉⵧⵓⵔⴰ ⵏ ⵡⴰⵜⴼⵧⵔⴷ ⴷⴻⴼⴼⵉⵔ ⵎⴰ ⵙⵙⵓⴼⴼⵖⴻⵏ-ⵜⴻⵏ ⵙⴻⴳ ⵡⵓⵎⵓⵖ ⵏ 18 ⵏ ⵢⵉⵎⴰⵔⵉⵔⴻⵏ ⵢⴻⵜⵜⴻⴽⴽⴰⵢⴻⵏ ⴷⴻⴳ ⵜⴻⵎⵍⵉⵍⵉⵢⵉⵏ ⴷⴻⴳ ⵡⴰⵙⵙ ⵡⵉⵙ 28 ⵏ ⵡⵓⵔⴰⵔ ⵏ ⵒⵔⴻⵎⵉⴻⵔ ⵍⴻⴰⴳⵓⴻ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵍⴰⵏⴳⵍⵉⵣ ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ.
ⵢⵓⵖ ⵍⵃⴰⵍ, ⵙⴻⴳ ⵡⴰⵙⵎⵉ ⴰⵢ ⵜⴻⴱⴷⴰ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⴰⵢ ⵍⵍⴰⵏ ⵙⵉⵏ-ⴰ ⵏ ⵢⵉⵎⴰⵔⵉⵔⴻⵏ ⵉⴳⵔⴰⵖⵍⴰⵏⴻⵏ ⴷⴻⴳ ⵢⵉⵔ ⵜⴰⴳⵏⵉⵜ, ⵢⴻⵔⵏⵓ ⴷⵔⵓⵙ ⴰⵟⴰⵙ ⵡⴰⵏⴷⴰ ⴰⵢ ⵜⵜⴻⴽⴽⴰⵢⴻⵏ ⴷⴻⴳ ⵜⴻⵎⵍⵉⵍⵉⵢⵉⵏ ⵏ ⵜⴻⵖⵍⴰⵎⵉⵏ-ⵏⵙⴻⵏ.
ⵓⵍⴰ ⵎⴰ ⴱⴻⵏⵜⴰⵍⴻⴱ (21 ⵏ ⵢⵉⵙⴻⴳⴳⴰⵙⴻⵏ) ⵢⴻⵍⵍⴰ ⴷ ⴰⵎⴰⵔⵉⵔ ⵓⵎⵎⵉⴷ ⴷⴻⴳ ⵜⴻⵖⵍⴰⵎⵜ ⵏ ⵜⵧⵜⵜⴻⵏⵀⴰⵎ, ⵢⴻⵙⵕⵓⵃ ⵜⴰⵎⴽⴰⵏⵜ-ⵏⵏⴻⵙ ⴰⵙⵎⵉ ⴰⵢ ⵜⴻⵏⵜ-ⵢⵓⵖ ⴷⴻⴳ ⵜⴽⴻⵄⴱⵓⵕⵜ ⵏ ⵓⴹⴰⵔ ⴷⴻⴳ ⵜⴻⵣⵡⴰⵔⴰ ⵏ ⵜⵙⴻⵎⵀⵓⵢⵜ-ⴰ.
ⵎⴰ ⴷ ⴳⵓⴻⴷⵉⵧⵓⵔⴰ (29 ⵏ ⵢⵉⵙⴻⴳⴳⴰⵙⴻⵏ) ⵓⵔ ⵢⴻⵕⵊⵉ ⴰⵔⴰ ⴰⴷ ⴷ-ⵢⴻⵖⵍⵉ ⴷⴻⴳ ⵜⴻⴳⵏⵉⵜ-ⴰ ⵍⴰⴷⵖⴰ ⵉⵎⵉ ⴰⵢ ⵢⴻⵜⵜⴻⴽⴽⴰ ⴷⴻⴳ ⵓⵙⵙⴰⵍⵉ ⵏ ⵡⴰⵜⴼⵧⵔⴷ ⴰⵙⵎⵉ ⴰⵢ ⵜ-ⵉⴷ-ⵜⴻⵔⴹⴻⵍ ⵛⵔⵢⵙⵜⴰⵍ ⵒⴰⵍⴰⵛⴻ ⵉ ⵜⴻⵖⵍⴰⵎⵜ-ⴰ ⴷⴻⴳ ⵜⵙⴻⵎⵀⵓⵢⵜ ⵢⴻⵣⵔⵉⵏ.
ⴳⵓⴻⴷⵉⵧⵓⵔⴰ ⵢⴻⵙⵄⴻⴷⴷⴰ ⵜⵜⴻⵊⵕⵉⴱⴰ ⵢⴻⵍⵀⴰⵏ ⴷ ⵡⴰⵜⴼⵧⵔⴷ ⴷⴻⴳ ⵜⴻⵍⵖⵓⵖⴰ ⵜⴰⵏⴳⵍⵉⵣⵉⵜ ⵢⴻⵔⵏⵓ ⴷ ⴰⵢⴰ ⴰⵢ ⵜ-ⵢⴻⵙⴱⴻⵖⵙⴻⵏ (ⵛⴰⴵⴵⴰⵄⴰ) ⴰⴽⴽⴻⵏ ⴰⴷ ⵢⴻⴼⵔⴻⵏ ⴰⴷ ⵢⵓⵔⴰⵔ ⴷ ⵜⴻⵖⵍⴰⵎⵜ-ⴰ. ⴷ ⴰⵛⵓ ⴽⴰⵏ, ⵓⵔ ⵉⵄⴻⴹⴹⴻⵍ ⴰⵔⴰ ⵢⴻⵜⵜⵡⴰⵅⴻⵢⵢⴻⴱ ⵎⵉ ⵉⵡⴰⵍⴰ ⴷⴰⴽⴽⴻⵏ ⴷⵔⵓⵙ ⴰⵏⴷⴰ ⴰⵢ ⵜ-ⵉⴷ-ⵉⴼⴻⵔⵔⴻⵏ ⵡⴻⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵡⴻⵙⵍⴻⵖⵎⵓ.
ⵉⵥⵓⵢⴰⵔ ⵉⵎⴰⵢⵏⵓⵜⴻⵏ ⵏ ⴱⴻⵏⵜⴰⵍⴻⴱ ⵏ ⴳⵓⴻⴷⵉⵧⵓⵔⴰ ⵎⴰⵛⵉ ⴰⵍⴰ ⴷ ⵏⵉⵜⵏⵉ ⴽⴰⵏ ⴰⵢ ⴹⵓⵔⵔⴻⵏ, ⵉⵎⵉ ⵓⵍⴰ ⴷ ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⴷⵣⴰⵢⵔⵉⵜ ⵜⴻⵣⵎⴻⵔ ⴰⴷ ⵜⴻⵏⴹⴻⵔⵔ ⵙⴻⴳ ⵡⴰⵢⴰ. ⵙⵉⵏ-ⴰ ⵏ ⵢⵉⵎⴰⵔⵉⵔⴻⵏ ⵙⵄⴰⵏ ⴰⵣⴰⵍ ⴷⴻⴳ ⵢⵉⵖⴰⵡⴰⵙⴻⵏ (ⵎⵓⵅⴰⵟⵟⴰⵟⴰⵜ) ⵏ ⵡⴻⵙⵍⴻⵖⵎⴰⵢ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵛⵀⵔⵉⵙⵜⵉⴰⵏ ⴳⵧⵓⵔⵛⵓⴼⴼ, ⵎⴰⵛⴰ ⵎⴰ ⵡⴻⵣⵣⵉⵍ ⵡⴰⴽⵓⴷ-ⵏⵙⴻⵏ ⵏ ⵡⵓⵔⴰⵔ, ⴰⵢⴰ ⵓⵔ ⵢⴻⵣⵎⴻⵔ ⵓⵔ ⵢⴻⵜⵜⴻⴼⴼⴻⵖ ⴰⵔⴰ ⵖⴻⴼ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ.
