ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵡⴰⵔⴻⴳⵍⴰ: ⵊⴻⵔⵃⴻⵏ 8 ⴷⴻⴳ ⵢⵉⵡⴻⵏ ⵏ ⵓⵎⵎⴻⵛⵞⴻⵡ ⴷⴻⴼⴼⵉⵔ ⵜⵎⴻⵜⵜⴰⵏⵜ ⵏ ⵢⵉⵡⴻⵏ ⵏ ⵢⵉⵍⴻⵎⵥⵉ
ⵡⴰⵔⴻⴳⵍⴰ– 8 ⵏ ⵢⵉⵎⵉⵏⵉⴳⴻⵏ ⴷ-ⵢⵓⵙⴰⵏ ⵙⴻⴳ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴰⵢ ⵉⵊⴻⵔⵃⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵢⵉⵡⴻⵏ ⵏ ⵓⵎⵎⴻⵛⵞⴻⵡ ⴰⵢ ⵉⵏⴻⴽⵔⴻⵏ ⴷⴻⴼⴼⵉⵔ ⵜⵎⴻⵏⵖⵉⵡⵜ ⵏ ⵢⵉⵡⴻⵏ ⵏ ⵓⵎⴻⵣⴷⴰⵖ ⵏ ⵡⴻⴳⵎⴰⵎ ⵏ ⵙⴰⵉⴷ-ⵧⵜⴱⴰ ⴷⴻⴳ ⵡⴰⵔⴻⴳⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵖⴻⵍⵍⵉⵙⵜ (ⴰⵎⵏ) ⵏ ⵜⵡⵉⵍⴰⵢⵜ-ⴰ.
ⵙⵉⵏ ⵙⴻⴳ ⵢⵉⵎⴻⵊⵔⴰⵃ-ⴰ ⴼⴼⵖⴻⵏ ⵙⴻⴳ ⵡⴻⵙⴱⵉⵟⴰⵔ ⴷⴻⴼⴼⵉⵔ ⵎⴰ ⵜⵜⵡⴰⴷⵉⵡⴰⵏ, ⵎⴰ ⴷ 6 ⵏⵉⴹⴻⵏ ⵎⴰⵣⴰⵍ ⵍⴰ ⵜⴻⵏ-ⵜⵜⴷⴰⵡⵉⵏ ⵖⴻⴼ ⵍⴻⵊⵔⵓⵃ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.
ⵉⵎⴻⵏⵖⵉ-ⴰ ⵢⴻⴱⴷⴰ-ⴷ ⴳⴰⵔ ⵢⵉⵎⴻⵣⴷⴰⵖⴻⵏ ⵏ ⵡⴻⴳⵎⴰⵎ (ⵃⴰⵢⵢ) ⵏ ⵙⴰⵉⴷ-ⵧⵜⴱⴰ ⴷ ⵢⵉⵎⵉⵏⵉⴳⴻⵏ ⴷ-ⵢⵓⵙⴰⵏ ⵙⴻⴳ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⵏ ⵜⴻⴼⵔⵉⵇⵜ ⵢⴻⵔⵏⵓ ⵣⴻⴷⵖⴻⵏ ⵙⴻⴳ ⵍⴻⵄⴹⵉⵍ ⴷⴻⴳ ⵡⴻⴳⵎⴰⵎ-ⴰ.
ⵡⵉⵏ ⴰⵢⴷⴻⴳ ⵛⵉⴽⴽⴻⵏ ⵢⴻⵏⵖⴰ ⵉⵍⴻⵎⵥⵉ-ⵏⵏⵉ ⵏ ⵙⴰⵉⴷ-ⵧⵜⴱⴰ ⴷ ⵢⵉⵡⴻⵏ ⵏ ⵓⵏⵉⵊⵉⵔⵢⴰⵏ ⵏ 22 ⵏ ⵢⵉⵙⴻⴳⴳⴰⵙⴻⵏ. ⵜⵉⵎⴻⵏⵖⵉⵡⵜ-ⴰ ⵜⴻⵍⵍⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⵜⴰⵚⴻⴱⵃⵉⵜ ⴷⴻⴳ ⵙⴰⵉⴷ-ⵧⵜⴱⴰ ⵢⴻⵔⵏⵓ ⵡⵉⵏ ⴰⵢⴷⴻⴳ ⵛⵉⴽⴽⴻⵏ ⵜⴻⴹⴹⴻⴼ-ⵉⵜ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ (ⵛⵓⵔⵟⴰ ⵇⴰⴹⴰ’ⵉⵢⵢⴰ) ⵏ ⵜⵡⵉⵍⴰⵢⵜ ⵏ ⵡⴰⵔⴻⴳⵍⴰ ⵙⵏⴰⵜ ⵏ ⵜⵙⴰⵄⵜⵉⵏ ⴷⴻⴼⴼⵉⵔ ⵜⵎⴻⵏⵖⵉⵡⵜ-ⵏⵏⵉ.
ⵜⴰⴷⵢⴰⵏⵜ-ⴰ ⵜⴻⵙⵙⴻⵔⴼⴰ ⵢⴻⵔⵏⵓ ⵜⴻⵙⵙⴻⵃⵣⴻⵏ ⵉⵎⴻⵣⴷⴰⵖⴻⵏ ⵏ ⵡⴻⴳⵎⴰⵎ-ⴰ.
ⵖⴻⴼ ⵍⴵⴰⵍ ⵏ ⵜⴻⴳⵏⵉⵜ-ⴰ, ⵍⴰ ⵙⵙⴻⴼⵔⴰⵢⴻⵏ ⵢⵉⴷⵓⴱⴰ ⵉⴷⵉⴳⴰⵏⴻⵏ (ⵙⵓⵍⵓⵟⴰⵜ ⵎⴰⵃⴰⵍⵍⵉⵢⵢⴰ) ⴰⴷ ⵙⵜⵉⵅⵔⴻⵏⵜ ⵉⵎⴻⵣⴷⴰⵖⴻⵏ-ⴰ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⵖⴻⵔ ⴽⵔⴰ ⵏ ⵡⴻⵎⴽⴰⵏ ⵏⵉⴹⴻⵏ ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ ⵏ ⵡⴰⵔⴻⴳⵍⴰ, ⵙⴻⴳ ⵍⴻⵄⴹⵉⵍ ⴰⴷ ⵜⴻⵏ-ⴰⵡⵉⵏ, ⴰⵙⵙ ⵏ ⵍⴻⵅⵎⵉⵙ, ⵖⴻⵔ ⵡⴰⵎⵎⴰⵙ ⵏ ⵡⴻⵔⵎⴰⵙ ⵏ ⵜⵎⴻⵏⵖⴻⵙⵜ ⴰⴽⴽⴻⵏ ⴰⴷ ⵜⴻⵏ-ⵔⵔⴻⵏ ⵖⴻⵔ ⵜⵎⵓⵔⴰ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵜⵖⴻⵍⵍⵉⵙⵜ.
