Asebter amenzawi

Asedrem n yiwet n tnaffart n rrebrab akked kraḍ (3) lbumbat ufus di Tubiret (Tamḥaddit)

LEZZAYER TAMANEɣT- Yella-d uhuddu n yiwet n tnaffart (Lkaẓma), kraḍ (3) n lbumbat yettwaxedmen s ufus akked kra n wallalen n usṭerḍeq, ass n Larebɛa deg Tubiret, seg tama n tsensirt n yigen aɣelnaw aɣerfan, ɣef akken i d-iwekked weɣlif n temḥaddit taɣelnawt (MDN) deg yiwen n wulɣu.

« Deg ukatar n umennuɣ mgal rrebrab, tessaweḍ ass n 02 seg Meɣres 2016 yiwet n tsensirt n yigen aɣelnaw aɣerfan di Tubiret ( Tama taserdasant tamenzut) , ad tessedrem tanaffart , 3 lbumbat yettwaxedmen s ufus, akked ttawilat n usṭeṛḍeq » i d-yenna uɣlif n tmaḥaddit.

Seg tama nniḍen, ṭṭfen yiferdisen n temsetla taɣelnawt (iǧadaṛmiyen) deg Tlemsen akked Msetɣanem (Tama taserdasant tis 2) 777 kilu n lkif ».

ɣer tama n waya, twekked-d teɣbalut-a dakken tisensirin tuddisin n yigen aɣelnaw di Tmenɣest akked Burǧ baǧi Muxṭaṛ ( itebɛen ɣer tama taserdasant tis 6) ssḥebsent (19) n yimsettiyen, akken i ṭṭfent sin n yikamyunen, takerrust , 13 n yimnadiyen n umɣuz, 28.7 n yiṭunen n yifarisen n tuččit akked 1.160 n llitrat n uṣeṛɣu » .