ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵓⵍⵍⵉ ⵡⵉⵙ 59 ⵏ ⵜⵎⴻⵜⵜⴰⵏⵜ ⵏ ⴱⴻⵏ ⵎ’ⵀⵉⴷⵉ : ⵜⴰⵏⴻⵣⴷⵓⵖⵜ-ⵉⵙ ⴰⴷ ⵜⵜ-ⵛⵓⴷⴷⴻⵏ ⵙ ⴰⵙⴰⵍⴰⵢ ⵏ ⵓⵎⴵⴰⵀⴻⴷ (ⴰⵏⴻⵖⵍⴰⴼ)

ⵓⵎ ⵍⴻⴱⵡⴰⴳⵉ – ⵜⴰⵏⴻⵣⴷⵓⵖⵜ ⵉⴷⴻⴳ ⴷ-ⵉⵍⵓⵍ ⵓⵎⴻⵖⵔⴰⵙ ⵍⴰⵔⴱⵉ ⴱⴻⵏ ⵎ’ⵀⵉⴷⵉ, ⴷⴻⴳ ⵓⴷⴻⵡⵡⴰⵔ ⵏ ⴽⵧⵓⴰⵀⵉ, ⵓⵔ ⵢⴻⴱⵄⵉⴷ ⴰⵔⴰ ⵖⴻⴼ ⵄⵉⵏ ⵎⵍⵉⵍⴰ (ⵓⵎ ⵍⴻⴱⵡⴰⴳⵉ) ⴰⴷ ⵜⵜ-ⵛⵓⴷⴷⴻⵏ ⵙ ⴰⵙⴰⵍⴰⵢ ⵏ ⵓⵎⴵⴰⵀⴻⴷ, ⵉ ⴷ-ⵉⵛⴰⵔ, ⴰⵙⵙ ⵏ ⵍⴻⵅⵎⵉⵙ, ⵓⵏⴻⵖⵍⴰⴼ ⵏ ⵢⴻⵎⴵⵓⵀⴰⴷ, ⵜⴰⵢⴻⴱ ⵣⵉⵜⵧⵓⵏⵉ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⵜⴻⵍⵖⵓⵜ ⵜⴰⵣⵣⴰⵢⵔⵉⵜ(ⴰⵒⵙ), ⵖⴻⵔ ⵜⴰⵎⴰ ⵏ ⵓⵙⴼⵓⴳⴻⵍ ⵓⵏⵚⵉⴱ ⵏ ⵓⵎⵓⵍⵍⵉ ⵡⵉⵙ 59 ⵏ ⵜⵎⴻⵜⵜⴰⵏⵜ ⵏ ⵓⵎⴻⵖⵔⴰⵙ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵖⵜⴰⵙ ⵏ ⵓⵛⵓⴷⴷⵓ ⵏ ⵡⴰⴷⴻⴳ-ⴰ ⵏ ⵜⴽⴰⵜⵓⵜ ⵖⴻⵔ ⵓⵙⴰⵍⴰⵢ ⵏ ⵓⵎⴵⴰⵀⴻⴷ.

ⴰⵏⴻⵖⵍⴰⴼ ⵉ ⵢⴻⵔⵣⴰⵏ ⵖⴻⵔ ⵓⵅⵅⴰⵎ ⵉⴷⴻⴳ ⴷ-ⵉⵍⵓⵍ, ⴷⴻⴳ ⵓⵙⴻⴳⴳⴰⵙ ⵏ 1923, ⵍⴰⵔⴱⵉ ⴱⴻⵏ ⵎ’ⵀⵉⴷⵉ, ⵢⴻⴼⴽⴰ ⴷⵉⵏ ⵉⵡⴻⵍⵍⵉⵀⴻⵏ ⴰⴽⴽⴻⵏ ‘’ⴰⴷ ⵜⵇⴻⵍⵍⴻⵄ ⵜⴻⵎⵀⴰⵍⵜ ⵜⴰⴷⴻⴱⵍⴰⵏⵜ ⴰⴽⴽⴻⵏ ⴰⴷ ⵢⴻⴹⵔⵓ ⵓⵙⴻⵏⴼⴰⵔ-ⴰ’’.

ⴰⵙⴼⵓⴳⴻⵍ ⵓⵏⵚⵉⴱ ⵏ ⵓⵣⴻⵎⵣ-ⴰ ⵢⴻⵙⵄⴰⵏ ⴰⵣⴰⵍ ⴷⴻⴳ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ ⵜⴰⵣⵣⴰⵢⵔⵉⵜ(ⵏⵖⴰⵏ ⴱⴻⵏ ⵎ’ⵀⵉⴷⵉ ⴷⴻⴳ ⵢⵉⴹ ⵏ 3 ⵖⴻⵔ 4 ⵎⴻⵖⵔⵙ 1957) ⵜⴻⵔⵛⴻⵎ ⵙ ⵜⵥⵓⵏⵥⵓⵜ, ⵏ ⵓⵏⴻⵖⵍⴰⴼ ⵏ ⵢⵉⵎⴵⵓⵀⴰⴷ, ⵏ ⵙⵉⵏ ⵉⵎⴻⴹⵇⴰⵏ ⵉ ⵜⴽⴰⵜⵓⵜ ⵏ ⵓⵙⴰⴹ ⵏ ⵓⵎⴳⴰⵔⵓ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⴰⵎⴻⵣⵡⴰⵔⵓ ⴷⴻⴳ ⵓⵍⴻⵎⵎⴰⵙ ⵏ ⵓⴷⴻⵡⴰⵔ ⴽⵧⵓⴰⵀⵉ ⴰⴽⴽⴻⴷ ⵡⵉⵙ ⵙⵉⵏ ⴷⴻⴳ ⵡⵓⵍ ⵏ ⵄⵉⵏ ⵎⵍⵉⵍⴰ.