Asebter amenzawi

Amulli wis 59 n tmettant n Ben M’hidi : Tanezduɣt-is ad tt-cudden s asalay n Umǧahed (aneɣlaf)

UM LEBWAGI – Tanezduɣt ideg d-ilul umeɣras Larbi Ben M’hidi, deg udewwar n Kouahi, ur yebɛid ara ɣef Ɛin Mlila (Um Lebwagi) ad tt-cudden s asalay n Umǧahed, i d-icar, ass n lexmis, uneɣlaf n Yemǧuhad, Tayeb Zitouni.

Deg yiwet n tseɣrut i Tnegga Telɣut Tazzayrit(APS), ɣer tama n usfugel unṣib n umulli wis 59 n tmettant n umeɣras, yenna-d uneɣlaf dakken aɣtas n ucuddu n wadeg-a n tkatut ɣer usalay n Umǧahed.

Aneɣlaf i yerzan ɣer uxxam ideg d-ilul, deg useggas n 1923, Larbi Ben M’hidi, yefka din iwellihen akken ‘’ad tqelleɛ temhalt tadeblant akken ad yeḍru usenfar-a’’.

Asfugel unṣib n uzemz-a yesɛan azal deg umezruy n Tegrawla tazzayrit(nɣan Ben M’hidi deg yiḍ n 3 ɣer 4 meɣrs 1957) tercem s tẓunẓut, n uneɣlaf n Yimǧuhad, n sin imeḍqan i tkatut n usaḍ n umgaru n uslelli aɣelnaw, amezwaru deg ulemmas n udewar Kouahi akked wis sin deg wul n Ɛin Mlila.