ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵙⵏⴰⵜⵡⵉⵍⵉⵏ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ (ⵜⵉⵛ), ⴷ ⵜⵉⵍⴰⵡⵜ ⵏ ⵢⴰⵍ ⴰⵙⵙ ⴷⴻⴳ ⵜⵡⵉⵍⴰⵢⵜ ⵏ ⴱⴻⵛⵛⴰⵔ

ⴱⴻⵛⵛⴰⵔ - ⵜⵉⵙⵏⴰⵜⵡⵉⵍⵉⵏ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ (ⵜⵉⵛ) ⵓⵖⴰⵍⴻⵏⵜ ⴷ ⵜⵉⵍⴰⵡⵜ ⵏ ⵢⴰⵍ ⴰⵙⵙ ⴷⴻⴳ ⴱⴻⵛⵛⴰⵔ ⵉⴷⴻⴳ ⵓⴳⴰⵔ ⵏ 80% ⵏ ⵢⵉⵎⴻⵣⴷⴰⵖ ⵜⴻⵡⵡⴻⴹ-ⴰⵙⴻⵏ, ⵜⵃⵓⵣⴰ 21 ⵏ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ, ⴰⵢⴰ ⵢⴻⴽⴽⴰ-ⴷ ⵙⴻⴳ ⴷⴷⴻⵇⵙ ⵏ ⵢⵉⵙⴻⵏⴼⴰⵔⴻⵏ ⵉ ⵉⴳⴰ ⵓⵃⵔⵉⵛ-ⴰ.

ⵉⵙⴻⵏⴼⴰⵔⴻⵏ-ⴰ, ⵉⴷⴻⴳ ⴽⵔⴰ ⴷⴻⴳ-ⵙⴻⵏ ⴽⴼⴰⵏ, ⵡⵉⵢⴰⴹ ⵜⴻⴷⴷⵓⵏ ⴰⴷ ⴽⴼⵓⵏ, ⵙⵙⴰⵡⵡⴹⴻⵏ ⵜⵉⵙⵏⴰⵜⵡⵉⵍⵉⵏ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ (ⵜⵉⵛ), ⵙ ⵜⵉⵍⵉⴼⵓⵏ ⴰⴽⴽⴻⴷ ⵉⵏⵜⴻⵔⵏⴻⵜ, ⴷ ⵜⵉⵍⴰⵡ ⵓⵍⴰ ⴷⴻⴳ ⵍⴻⵇⵚⵓⵔ ⵉⴱⴻⵄⴷⴻⵏ ⵖⴻⴼ ⵜⴻⵎⴷⵉⵏⵉⵏ ⵏ ⵜⵡⵉⵍⴰⵢⵜ, ⴰⵢⴰ ⵢⴻⵙⵙⵓⴼⴻⵖ-ⵉⵜⴻⵏ-ⵉⴷ ⵙⴻⴳ ⵓⵄⵣⴰⵍ ⵉⴷⴻⴳ ⵍⵍⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵖⴰⵡⵙⵉⵡⵉⵏ-ⴰ, ⵉ ⴷ-ⵢⴻⵙⵙⴻⴳⵣⵉ ⵓⵎⴰⵙⴰⵢ ⴰⴷⵉⴳⴰⵏ ⵏ ⵍⴱⵓⵙⵟⴰ ⴰⴽⴽⴻⴷ ⵜⴻⵙⵏⴰⵜⵡⵉⵍⵉⵏ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ (ⵜⵉⵛ), ⴰⵀⵎⴻⴷ ⴱⵧⵓⵏⴻⴳⵜⴰ.

ⴰⵃⵔⵉⵛ ⴰⵎⴻⵇⵇⵔⴰⵏ ⵏ ⵜⵙⵓⴷⴰ ⵜⵉⵏⴰⴳⴷⵓⴷⵉⵏ ⴰⴽⴽⴻⴷ ⵜⴱⴰⵏⴽⵉⵡⵉⵏ ⵜⵉⴷⵉⴳⴰⵏⵉⵏ ⵙⴼⴰⵢⴷⵉⵏⵜ-ⴷ ⵙⴻⴳ ⵓⵙⵏⴻⴼⵍⵉ ⵏ ⵜⴻⵙⵏⴰⵜⵡⵉⵍⵉⵏ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ (ⵜⵉⵛ), ⴷⵖⴰ ⵉⵎⴻⵥⵍⴰ ⵏ 21 ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ, ⵉⵛⵓⴷⴷⴻⵏ ⵜⵓⵔⴰ ⵖⴻⵔ ⵓⵍⴻⵎⵎⴰⵙ ⴰⵖⴻⵍⵏⴰⵡ ⵏ ⵜⴻⴷⴱⴻⵍⵜ, ⴰⵢⴰ ⴰⴷ ⵉⵙⵉⵙⵀⴻⵍ ⵜⵉⵡⵉⵏ ⵏ ⵡⴰⵔⵔⴰⵜⴻⵏ ⵉ ⵢⴻⵎⴷⴰⵏⴻⵏ.