Asebter amenzawi

Tasdawit n Tizi Wezzu: tuzwirt tettunefk i unelmad

TIZI WEZZU– Yenna-d uselway n Tesdawit n Mouloud Mammeri n Tizi Wezzu, Sais Ouardane, ass n lexmis, dakken aɣbel ameqran n yimasayen (mas’ulin) n tesdawit-a netta d ferru n wuguren n yinelmaden.

Tasdawit n Tizi Wezzu tewwi-d tiddit aydeg la txeddem akken ad tessali aswir n tɣara-nnes yernu la tessefray ad tefk assileɣ (takwin) yelhan i unelmad akken ad yezmer ad yaf amkan n uxeddim asmi ad d-yawi agerdas-nnes (cahada), ɣef wakken ay d-yenna Mass Ouardane deg yiwen n usarag n tɣemsa aydeg ay d-yessawel ɣef yimussa n tmesbanit ay la ttgen ama d inelmaden, ama d iselmaden, deg wussan-a ineggura.

« Tamuɣli-nneɣ n tesdawit tefka azal i unelmad umi yessefk ad neḍmen assileɣ n tɣara s weḍman n tsensegmit (bidaɣuǧiyya) tamellilt », ɣef wakken ay d-yenna.

Tiddit-a, ɣef wakken ay d-ikemmel, yessefk ad d-tili daɣ deg tegnatin igerrzen akken ad zemren yinelmaden ad zerwen (yadrusun), iselmaden ad nadin yernu inawuren (muwaḍḍafin) n tesdawit ad gen lecɣal-nsen akken iwata.

Deg wayen yerzan imussa n tmesbanit deg tesdawit n Tizi Wezzu, yenna-d uselway n tesdawit dakken atan yewjed i wemciweṛ d yecriken ayyes yesteɛṛef unabaḍ yernu deg ukatar (iṭar) n wemqader ».

Nnig waya, yenna-d dakken ccwal ay d-yettilin seg-a ɣer da deg tesdawit-a ttilin-d daɣ deg tesdawiyin niḍen yernu tikkal, accetki yettili-d ɣef kra n tɣawsiwin d tuzrifin (carɛiyya) ayyes yessefk ad d-lhun yimasayen n tesdawit.