Asebter amenzawi

Akal n uɛawen anmetti: ad asen-d-gen lekwaɣeḍ i 23.000 n twaculin deg Ldzayer Tamaneɣt

LEZZAYER TAMANEɣT, 3 Meɣres 2016 – Yenna-d uwali n Ldzayer, Abdelkader Zoukh, ass n lexmis, dakken sbedden-d seg melmi kan yiwet n tseqqamut ad d-igen lekwaɣeḍ i 23.000 n twaculin ay izedɣen deg wakal anmetti d wesmalan war ma sɛan leɛqed.

Deg yiwen n usarag n tɣemsa ay d-yellan deg yijifeṛ n terzi n ussefqed n wacḥal n tɣiwanin deg twilayt n Ldzayer Tamaneɣt, yenna-d Mass Zoukh dakken ad asen-d-gen lekwaɣeḍ i 23.000 n twaculin ay izedɣen akal n lebni war leɛqed.

Yenna-d daɣ d amaru amatu n twilayt ay d aselway n tseqqamut-a ay d-yettwasbedden seg melmi kan, yernu taseqqamut-a tettemlili yal dduṛt akken ad d-tessukk tiṭ ɣef yikaramen ay as-d-yettunefken yernu lekwaɣeḍ n twaculin-a ad bdun ad ten-id-ssewjaden cwiṭ, cwiṭ, arma d asmi ad faken akk yikaramen ay d-teḍḍef tseqqamut-a.

Yenna-d Mass Zoukh, seg yidis niḍen, dakken la d-tettili tezrawt (dirasa) n yiwen n usenfar amdinan ad yerzun 57 n tɣiwanin. Tazrawt-a telha-d yid-s yiwet n tnarit n tezrawin d tabeṛṛanit yernu ur yettɛeḍḍil ara usenfar-a ad yettwaqbel.

Asenfar-a yerza daɣ ferru n wugur n lbenyanat ay yettwabnan ɣef wakal n tkerrazt, ɣef wakken ay d-yenna.

Nnig waya, yenna-d uwali n Ldzayer dakken Aɣawas n Uheyyi n Tmaneɣt n 2012-2035 yessefk ad yili d tagnit i uɛawed n tukci n ccan i « Ldzayer tamellalt », yernu yenna-d dakken tesfaydi-d twilayt n Ldzayer seg tjellabt n 500 n yimelyaṛen n yisantimen i lmend n waya.