Asebter amenzawi

Yebda umaru amatu n Yeɣlanen Yeddukklen tirzi-nnes ɣef Muriṭanya

NWAQCUṬ, 3 Meɣres 2016 – Yewweḍ umaru amatu n Yeɣlanen Yeddukklen, Ban Ki-moon, ass n lexmis tameddit, ɣer Nwaqcuṭ deg terzi n umahil (ɛamal) n sin n wussan, yernu tirzi-a d asurif-nnes amezwaru deg tuzzya ad yeg ɣef temnaḍt, imi ay mazal ad d-ikemmel ɣer Ldzayer yernu ad yerzu daɣ igriren (muxayyamat) n yezrzaɣen iṣeḥrawiyen.

Deg terzi-a, ad yemlil umaru amatu n Yeɣlanen Yeddukklen d uselway amuriṭani Mohamed Ould Abdel Aziz d waṭas n yemḍebbren n uwanak ɣef wudmawen yemgerraden yeqqnen amɛawen gar Muriṭanya d Yeɣlanen Yeddukklen d dduṛ yuɣalen meɣɣer n tmurt-a deg uttekki deg weḥraz n tɣellist d werkad deg umaḍal, ladɣa deg Tefriqt d temnaḍt n Uneẓruf Ameqran d Ssaḥel.