Asebter amenzawi

Yessefk ad nnernin wassaɣen ucriken gar Ldzayer d Finland

LEzZAYER TAMANEɣT– Yenna-d yiwen n welɣu (bayan) n Wegraw Aɣerfan Aɣelnaw dakken adiwenni ay d-yellan ass n lexmis gar tenmazult n uselway n Wegraw Aɣerfan Aɣelnaw, Eddalia Ghania, d tenmahalt (safir) n Finland deg Ldzayer, Massa Tuula Svinhufvud, yerza-d ladɣa asnerni n wassaɣen gar Ldzayer d Finland.

I lmend n waya, tfuṛes Massa Eddalia tagnit-a akken ad d-tebder « tisemmeskal (iṣlaḥat) ay tga Ldzayer ddaw ṛṛay n uselway n tegduda, Abdelaziz Bouteflika » d « ubeddel n tmenḍawt (dustur) yerzan asseǧhed n uwanak n lqanun d Urkawal i talwit d wemsuɣal aɣelnaw », yernu aya akk yessaki-d aɣref adzayri ɣef yimihiten n wayen umi semman « tafsut n Waɛṛaben » ɣef wakken ay d-yenna welɣu-a.

Seg yidis-nnes, tenna-d tenmahalt n tegduda n Finland dakken teɛjeb-as tefrit (waɛy) ay tesɛa Ldzayer deg wayen yerzan timsal tigraɣlanin yemgerraden, am wakken ay d-twekked azal n wemɛawen gar snat-a n tmura deg yinurar yemgerraden i ussebded n ticcurka tadamsant ad d-yawin lfayda, ɣef wayyen ay tt-id-yextem welɣu-nni.