Asebter amenzawi

Iger-d uneɣlaf n yimahilen inagduden tiɣri i teṛmisin n lebni n Cclef akken ad ttekkint deg yisenfaren

CCLEF– Iger-d uneɣlaf n yimahilen inagduden (acɣal ɛumumiyya), Abdelkader Ouali, ass n lexmis deg Cclef, i yiṛemmasen (muqawilin) n twilayt-a akken ad d-ttekkin ugar deg lebni n yisenfaren d-yettwassefran ad d-ilinn deg twilayt-a, yernu iḥettet-d dakken yessefk ad ttwasxedmen yixeddamen yessnen ṣṣenɛa, am wakken ay yessefk ad iɣiwel umahil deg yicanṭiyen ay werɛad fuken.

Deffir ma yessefqed asenfar n webrid imadaf yeqqnen asagen (mina’) n Tnes ɣer webrid amazzal Agmuḍ-Ataram (ɣezzif 48 n yikilumitren) yettwawekklen i yiwen n wemsegraw n teṛmisin tipuṛtugaliyin, yufa-d uneɣlaf dakken asenfar-a iɛeḍḍel deg wayen yerzan aḥric-nnes amezwaru, yernu iḥettet-d dakken yessefk ad ttwasxedmen yixeddamen yessnen ṣṣenɛa akken ur d-yettili ara uɛeḍḍel deg ufaki n yisenfaren.

I lmend n waya, yumeṛ uneɣlaf amsegraw-nni n teṛmisin (carikat) tipuṛtugaliyin akken ad qadrent tallitn n ufaki n usenfar, yernu iwala-d dakken ala 7% seg umahil (ɛamal) ay ifuken. Aɛeḍḍel-a ameqran yella-d ladɣa ɣef lǧal n uɛeḍḍel deg ussewjed n tezrawin titwilanin.

Nnig waya, yenna-d uneɣlaf dakken asseṛced n uṣerref « ad d-yebdu s uqader n tallit n lebni n usenfar ay yessefken ad d-yewjed deg Meɣres n 2017 ».

Sfehmen-as-d daɣ i uneɣlaf dakken yella usenfar n lebni n webrid n ussinef n Wlad Fares, dɣa iweṣṣa-d akken ad ifak usenfar-a uqbel unebdu.

Seg yidis niḍen, yessefqed uneɣlaf asenfar n webrid n ussinef n temdint n Tnes (ɣezzifen 12 n yikilumitren) yernu, ɣef leḥsab n Mass Latrache Zoheir, anemhal n yimahilen inagduden n Cclef, abrid-a ad yeǧǧ medden ad ttawḍen s tefses ɣer teftisin (cawaṭi’) n utaram (ɣarb) n temdint-a.

Yerza daɣ uneɣlaf ɣef ucanṭi n usenfar n ussisleg n webrid n twilayt 132 yeqqnen taɣiwant n Lekrimeyya ɣer webrid aɣelnaw wis 11 (12 n yikilumitren n teɣzef) d usenfar n ubeddal n tɣiwant n Ḥeṛcun.