ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵜⵜⵡⴻⵏⵖ ⵢⵉⵡⴻⵏ ⵏ ⵓⵚⴻⵃⵔⴰⵡⵉ: ⵢⴻⵙⵙⴻⴼⴽ ⴰⴷ ⴷ-ⵉⴳⴻⵔ ⵉⵎⴰⵏ-ⵏⵏⴻⵙ ⵡⴻⵎⵖⵉⵡⴰⵏ ⴰⴳⵔⴰⵖⵍⴰⵏ
ⵛⵀⴰⵀⵉⴷ ⴻⵍ ⵀⴰⴼⴻⴷ (ⵉⴳⵔⵉⵔⴻⵏ ⵏ ⵢⴻⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ), 3 ⵎⴻⵖⵔⴻⵙ 2016 – ⵉⵡⴻⵜ-ⴷ ⵓⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ ⵜⴰⵚⴻⵃⵔⴰⵡⵉⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ, ⴰⴱⴰ ⴻⵍ-ⵀⴻⵢⵙⵙⴻⵏ, ⵙ ⵍⴵⴻⵀⴷ ⴷⴻⴳ ⵜⵎⴻⵜⵜⴰⵏⵜ ⵏ ⵓⵖⴻⵔⵎⴰⵏ (ⵎⵓⵡⴰⵟⵉⵏ) ⴰⵚⴻⵃⵔⴰⵡⵉ ⵛⵀⵧⵓⵎⵎⴰⴷ ⴰⴱⴰⵜ ⵊⵧⵓⵍⵉ ⴰⵢ ⵏⵖⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ, ⵢⴻⵔⵏⵓ ⵢⴻⵙⵙⴰⵔⴰⵎ ⵜⵉⵔⵣⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵎⵏⴰⴹⵜ ⴰⴷ ⴷ-ⵜⵉⵍⵉ ⴷ ⵜⴰⵣⵡⴰⵔⴰ ⵏ ⴼⴻⵔⵔⵓ ⵏ ⵜⵉⴷⴻⵜ ⵏ ⵜⴻⵎⵙⴰⵍⵜ ⵜⴰⵚⴻⵕⵀⴰⵡⵉⵜ.
ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵢⴻⴳⵔⵉⵔⴻⵏ (ⵎⵓⵅⴰⵢⵢⴰⵎⴰⵜ) ⵏ ⵢⴻⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ, ⵛⵀⴰⵀⵉⴷ ⴻⵍ-ⵀⴰⴼⴻⴷ, ⵢⴻⵏⵏⴰ-ⴷ ⵎⴰⵙⵙ ⴻⵍ-ⵀⴻⵢⵙⵙⴻⵏ ⴷⴰⴽⴽⴻⵏ « ⵜⵉⵎⴻⵏⵖⵉⵡⵜ ⵏ ⵓⵖⴻⵔⵎⴰⵏ ⴰⵚⴻⵃⵔⴰⵡⵉ ⵛⵀⵧⵓⵎⵎⴰⴷ ⴰⴱⴰⵜ ⵊⵧⵓⵍⵉ ⵙ ⵔⵔⵚⴰⵚ ⵏ ⵢⵉⵖⴰⵍⵍⴻⵏ ⵉⵎⴻⵕⵕⵓⴽⵉⵢⴻⵏ ⴷ ⵜⴰⵊⵔⵉⵎⵜ ⴰⴷ ⵢⴻⵔⵏⵓⵏ ⵖⴻⵔ ⵜⴻⵊⵔⵉⵎⵉⵏ ⵜⵓⵛⵎⵉⵜⵉⵏ ⴰⵢ ⴳⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵢⴻⵔⵏⵓ ⵢⴻⵃⵡⴰⴵ ⵡⴰⵢⴰ ⵜⴰⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⵜⵓⵄⵊⵉⵍⵜ ⵙⵖⵓⵔ ⵡⴻⵎⵖⵉⵡⴰⵏ ⴰⴳⵔⴰⵖⵍⴰⵏ ».
ⵢⴻⵏⵏⴰ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵚⴻⵃⵔⴰⵡⵉ ⴷⴰⴽⴽⴻⵏ ⵜⴰⵙⴻⵇⵇⴰⵎⵓⵜ ⵜⴰⵚⴻⵃⵔⴰⵡⵉⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵜⵏⴻⵔⵎⴻⵙ (ⵉⵜⵜⴰⵚⴰⵍⴰⵜ) ⴷ ⵡⴰⵟⴰⵙ ⵏ ⵜⵙⵓⴷⴰ ⵜⵉⴳⵔⴰⵖⵍⴰⵏⵉⵏ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴰⴽⴽⴻⵏ ⴰⴷ ⴳⴻⵏⵜ ⴽⵔⴰ ⵎⴳⴰⵍ ⵡⴻⵅⵚⴰⵔ-ⴰ ⵏ ⵜⴻⴳⵏⵉⵜ ⵢⴻⵙⵙⴰⴳⴰⴷⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⵉⵎⴻⵜⵜⵉ ⵜⴰⵖⴰⵔⵉⵎⵜ ⵜⴰⵚⴻⵃⵔⴰⵡⵉⵜ ⴰⴷ ⴰⵙ-ⵜⴻⴼⴽ ⵉ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽ ⵉⵕⴰⴱⵓⵍⴻⵏ ⵢⴻⵇⵇⵏⴻⵏ ⵖⴻⵔ ⵢⵉⵣⴻⵔⴼⴰⵏ ⵉⴷⴰⵎⵙⴰⵏⴻⵏ, ⵉⵖⴰⵔⵉⵎⴻⵏ, ⵉⵙⴻⵔⵜⴰⵏⵉⵏ ⴷ ⵢⴻⵏⵎⴻⵜⵜⵉⵢⴻⵏ ⵢⴻⵔⵣⴰⵏ ⵉⵚⴻⵕⵀⴰⵡⵉⵢⴻⵏ.
« ⴰⴷ ⵏⴻⵙⵙⵓⵜⴻⵔ ⵉ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵜⴻⴳ ⵍⵡⴰⵊⴻⴱ-ⵏⵏⴻⵙ ⵢⴻⵔⵏⵓ ⵓⵔ ⵜⴻⵙⵄⵓⵥⵥⵓⴳ ⴰⵔⴰ ⴷⴻⴳ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵏⴻⵙⵙⴰⵔⴰⵎ ⴰⴷ ⵜⵉⵍⵉ ⵜⴻⵔⵣⵉ-ⴰ (ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) ⴷ ⵜⴰⵣⵡⴰⵔⴰ ⵏ ⵛⵛⵖⴻⵍ ⴰⵢⴷⴻⴳ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⴳⴻⵏ ⵍⵡⴰⵊⴻⴱ-ⵏⵙⴻⵏ ⴰⴽⴽⴻⵏ ⵢⴻⵎⵎⴻⴷ ⵉ ⵍⵎⴻⵏⴷ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴰⴽⴽⴻⵏ ⴰⴷ ⵉⴼⴰⴽ ⵍⵇⴻⵔⵃ ⴰⵢⴷⴻⴳ ⵢⴻⵍⵍⴰ ⵡⴻⵖⵔⴻⴼ ⴰⵚⴻⵃⵔⴰⵡⵉ ⵢⴻⵜⵜⵡⴰⴱⴹⴰⵏ ⵙ ⵡⴻⵖⵔⴰⴱ ⵏ ⵍⵄⴰⵕ ⴰⵢ ⵜⴻⴱⵏⴰ ⵎⴻⵕⵕⵓⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵎⴰⵙⴰⵢ-ⴰ.
