ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵇⵚⴻⵏⵟⵉⵏⴰ 2015 : ⴰⴽⵍⵉ ⵢⴰⵀⵉⴰⵜⴻⵏⴻ ⴷ ⴽⴰⴷⴻⵔ ⵜⴰⵍⴻⴱ ⴱⴷⴰⵏ ⵙ ⵛⴱⴰⵃⴰ ⴰⵎⴰⵍⴰⵙ ⴰⴷⴻⵍⵙⴰⵏ ⵏ ⵜⵉⵣⵉ ⵡⴻⵣⵣⵓ

ⵇⵚⴻⵏⵟⵉⵏⴰ – ⵉⵛⴻⵏⵏⴰⵢⴻⵏ ⴰⴽⵍⵉ ⵢⴰⵀⵉⴰⵜⴻⵏⴻ ⴷ ⴽⴰⴷⴻⵔ ⵜⴰⵍⴻⴱ ⵙⴼⴻⵕⵃⴻⵏ ⴰⵙⵙ ⵏ ⵍⴰⵅⵎⵉⵙ ⵜⴰⵎⴻⴷⴷⵉⵜ, ⵙ ⵛⵏⴰⵡⵉ-ⵏⵏⵙⴻⵏ ⵜⵉⵇⴱⴰⵢⵍⵉⵢⵉⵏ ⴰⴽⴽ ⴷ ⵓⵥⴰⵡⴰⵏ ⵉⵡⴰⵜⴰⵏ ⵉⵎⴼⴻⵕⴵⴻⵏ ⵉⵇⵚⴻⵏⵟⵉⵏⵉⵢⴻⵏ ⴷ-ⵢⵓⵙⴰⵏ ⵙ ⵡⴰⵟⴰⵚ ⵖⴻⵔ ⵜⵣⴻⵇⵇⴰ ⴰⵀⵎⴻⴷ-ⴱⴻⵢ ⴰⵏⴷⴰ ⵢⴻⵜⵜⵡⴰⵕⵥⴻⵏ ⵓⵎⴰⵍⴰⵙ ⴰⴷⴻⵍⵙⴰⵏ ⵏ ⵜⵉⵣⵉ ⵡⴻⵣⵣⵓ.

ⵜⴻⵍⵍⴰ-ⴷ ⴷ ⵜⴰⵊⵎⵉⵍⵜ ⵏ ⵓⵏⴰⵥⵓⵕ ⴰⵛⴻⵏⵏⴰⵢ ⵏ ⵜⴰⵏⵜⴰⵍⴰ ⵏ ⵜⴻⵇⴱⴰⵢⵍⵉⵜ ⵔⴰⴱⴰⵀ ⵜⴰⵍⴻⴱ, ⵢⴻⵡⵡⴹⴻⵏ ⵕⵕⴰⵃⵎⴰ ⵏ ⵕⴻⴱⴱⵉ ⴷⵉ ⴷⵓⴵⴰⵎⴱⴻⵔ 2015, ⵜⴰⵎⴻⵖⵕⴰ ⴷ-ⵜⴻⵙⵙⴻⵡⵊⴻⴷ ⵜⵎⴰⵏⴰⵖⵜ ⵏ ⴵⴻⵕⴵⴻⵕ ⴷⵉ ⵛⵉⵔⵜⴰ ⵜⴰⵇⴷⵉⵎⵜ, ⵉⵃⴻⴹⵕ-ⵉⵜⵜ ⵓⵏⴻⵖⵍⴰⴼ ⵏ ⵢⴻⵍⵎⴻⵥⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ.

ⵖⴰⵙ ⴷ ⴰⵎⵖⴰⵕ ⵏ 86 ⵉⵙⴻⴳⴳⴰⵙⴻⵏ ⴰⴽⵍⵉ ⵢⴰⵀⵉⴰⵜⴻⵏⴻ ⵢⴻⴱⴷⴰ ⵜⴰⵎⴻⵖⵕⴰ-ⵢⴰⴳⵉ ⵙ ⵜⴻⵣⵍⵉⵜⵜ-ⵉⵏⴻⵙ ⵢⴻⵜⵜⵡⴰⵙⵙⵏⴻⵏ "ⵜⴰⵎⵓⵔⵜ-ⵉⵡ ⵜⴰⵎⵓⵔⵜ ⵉⴷⵓⵔⴰⵔ", ⵢⴻⵡⵡⵉ ⵉⵎⴼⴻⵕⴵⴻⵏ ⴷⴻⴳ ⵢⵉⵡⴻⵜ ⵏ ⵜⵉⵔⵣⴰ ⵖⴻⵔ ⵢⵉⴷⵓⵔⴰⵔ ⵡⵎⴰⵢⴻⵏ ⵙ ⵡⴰⵛⵓ ⵜⴻⵜⵜⵡⴰⵙⵙⴻⵏ ⵜⴻⵎⵏⴰⴹⵜ ⵜⴰⵇⴱⴰⵢⵍⵉⵜ.

ⴰⵏⴰⵥⵓⵕ, ⵎⵎⵓⴳⴳⵔⴻⵏ-ⵜ ⴰⴽⴽⴻⵏ ⵉⵡⴰⵜⴰ ⵢⴻⵎⴼⴻⵕⴵⴻⵏ ⴷ-ⵉⴱⴻⴳⴳⵏⴻⵏ ⵍⴼⴻⵕⵃ-ⵏⵙⴻⵏ ⵙ-ⵢⴻⵙⵙ , ⵉⴽⴻⵎⵎⴻⵍ ⵛⵏⴰⵡⵉ-ⵉⵏⴻⵙ ⵉⵎⵉ ⵢⴻⵙⵙⴻⴹⴼⴻⵕ "ⴰⵎ ⵉⵏⵉⵖ ⴰⵡⴰⵍ ⴼⴻⵀⵎ-ⵉⵜ" ⴰⴽⴽ ⴷ "ⴻⵍ ⴼⵉⵔⴰⵇ" ⵜⵉⵣⵍⴰⵜⵉⵏ ⵢⴻⵜⵜⵡⴰⵙⵙⵏⴻⵏ ⵙ ⵡⴰⵟⴰⵚ ⴷⵉ ⵢⴰⵍ ⵜⴰⵎⴰ ⵏ ⵜⵎⵓⵔⵜ ⵉⴷ-ⵜⵜⵄⴰⵡⴰⴷⴻⵏ ⵢⴰⴽⴽ ⵢⴻⵎⴼⴻⵕⴵⴻⵏ.

ⵢⴻⵍⵍⴰ-ⴷ ⵢⵉⵡⴻⵏ ⵓⵎⵙⴻⴼⵀⴻⵎ ⴷ ⴰⵎⵓⵇⵇⵕⴰⵏ ⴳⴻⵔ ⵓⵏⴰⵥⵓⵕ ⴷ ⵢⴻⵎⴼⴻⵕⴵⴻⵏ ⵡⵉⵏ ⵓⵎⵉ ⵇⵇⴰⵕⴻⵏ ⵉⵜⵔⵉ ⵏ ⵜⴻⵣⵍⵉⵜ ⵜⴰⵇⴱⴰⵢⵍⵉⵜ ⵏ ⵛⵛⴰⵄⴱⵉ ⵢⴻⵔⵏⴰⵏ ⵜⵉⵣⵍⵉⵜⵜ "ⴰⵜⵜⴰⴹⵚⴰⵏⵜ ⵡⴰⵍⵍⴻⵏ-ⵉⵡ ⵙⴻⴳ ⵢⵉⵓⵎⴻⵟⵟⴰⵡⴻⵏ" ⵉⵎⵉ ⵢⴻⵙⵙⴻⴳⵔⴰ-ⴷ ⵢⴰ ⴻⵍ ⵎⴻⵏⴼⵉ" .