Asebter amenzawi

Qṣenṭina 2015 : Akli Yahiatene d Kader Taleb bdan s cbaḥa amalas adelsan n Tizi Wezzu

QṢENṬINA – Icennayen Akli Yahiatene d Kader Taleb sfeṛḥen ass n laxmis tameddit, s cnawi-nnsen tiqbayliyin akk d uẓawan iwatan imfeṛǧen iqṣenṭiniyen d-yusan s waṭaṣ ɣer tzeqqa Ahmed-Bey anda yettwaṛẓen umalas adelsan n Tizi Wezzu.

Tella-d d tajmilt n unaẓuṛ acennay n tantala n teqbaylit Rabah Taleb, yewwḍen ṛṛaḥma n Ṛebbi di duǧamber 2015, tameɣṛa d-tessewjed tmanaɣt n Ǧeṛǧeṛ di Cirta taqdimt, iḥeḍṛ-itt uneɣlaf n yelmeẓyen d waddal, El Hadi Ould Ali.

ɣas d amɣaṛ n 86 iseggasen Akli Yahiatene yebda tameɣṛa-yagi s tezlitt-ines yettwassnen "Tamurt-iw tamurt Idurar", yewwi imfeṛǧen deg yiwet n tirza ɣer yidurar wmayen s wacu tettwassen temnaḍt taqbaylit.

Anaẓuṛ, mmuggren-t akken iwata yemfeṛǧen d-ibeggnen lfeṛḥ-nsen s-yess , ikemmel cnawi-ines imi yesseḍfeṛ "Am iniɣ awal fehm-it" akk d "El Firaq" tizlatin yettwassnen s waṭaṣ di yal tama n tmurt id-ttɛawaden yakk yemfeṛǧen.

Yella-d yiwen umsefhem d amuqqṛan ger unaẓuṛ d yemfeṛǧen win umi qqaṛen itri n tezlit taqbaylit n ccaɛbi yernan tizlitt "attaḍṣant wallen-iw seg yiumeṭṭawen" imi yessegra-d Ya el Menfi" .