ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ : ⴰⵙⵙⴻⵎⵢⵓⴷⴷⴻⵙ ⴰⵖⴻⵍⵍⵉⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵍⵓⵎⵓⵕ ⵏ ⴷⴰⵅⴻⵍ ⴰⴽⴽⴻⴷ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ ⵎⴰⵙⵙ ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⴻⵅⵎⵉⵙ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵢⴻⵍⵍⴰ ⵓⵙⵙⴻⵎⵢⵓⴷⴷⴻⵙ ⴰⵖⴻⵍⵍⵉⵙⴰⵏ ⵉⴷⵓⵎⵎⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⴷⴻⴳ ⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⴷⴻⴳ ⵡⴰⴽⵓⴷ ⵉⴷⴻⴳ ⵉⵣⵓⵍ ⵓⵏⴻⵖⵍⴰⴼ, ⵜⴰⵎⵍⵉⵍⵜ (ⴷⴷⵓⵕ) ⵉ ⵢⵓⵔⴰⵔⴻⵏⵜ ⵜⵙⵓⴷⴷⴰ ⵜⵉⵖⴻⵍⵍⵉⵙⴰⵏⵉⵏ ⵏ ⵜⵎⵓⵔⵜ ⵏ ⵜⵓⵏⴻⵙ ⴷⴻⴳ ⵡⵓⴷⴻⵎ ⵏ ⵜⴻⵏⵟⴰⴳⵜ ⵜⴰⵔⴻⴱⵔⴰⴱⴰⵏⵜ ⵉ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⵢⴻⵣⵔⵉⵏ ⴷⵉ ⵜⴻⵎⴷⵉⵏⵜ ⵏ ⴱⴻⵏⴳⴻⵔⴷⴰⵏ ( ⴷⴻⴳ ⵓⵏⵥⵓⵍ ⵏ ⵜⵓⵏⴻⵙ ).
« ⵢⴻⵍⵍⴰ ⵢⵉⵡⴻⵏ ⵏ ⵓⵙⵙⴻⵎⵢⵓⴷⴷⴻⵙ ⴷ ⵡⴻⵎⴱⵉⴷⴷⴻⵍ ⵏ ⵜⵉⵍⵖⴰ ⵙ ⵡⴰⵣⴰⵍ-ⵉⵙ ⴳⴰⵔ ⵙⵔⴰⴱⴻⵙ ⵏ ⵜⵖⴻⵍⵍⵉⵙⵜ ⵉⵣⵣⴰⵢⵔⵉⵢⴻⵏ ⴷ ⵡⵉⴷ ⵏ ⵜⵓⵏⴻⵙ; ⵉⵍⵎⴻⵏⴷ ⵏ ⵓⵃⴰⴷⴻⵔ ⵖⴻⴼ ⵙⵏⴰⵜ ⵜⵎⵓⵔⴰ-ⴰⵢⵉ ⴰⴽⴽⴻⴷ ⵢⵉⵖⴻⵔⴼⴰⵏ-ⵏⵙⴻⵏ ⵙⴻⴳ ⵓⵎⵉⵀⵉ ⵏ ⵔⵔⴻⴱⵔⴰⴱ » ⵉ ⴷ-ⵢⴻⵏⵏⴰ ⵎⴰⵙⵙ ⴱⴻⴷⵧⵓⵉ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵓⵙⴰⵔⴰⴳ ⴰⵖⴻⵍⵏⴰⵡ ⵖⴻⴼ ⵜⴷⴰⵎⵙⴰ, ⵜⴰⵏⴻⵣⵣⵓⵜ ⵏ ⴷⴰⵅⴻⵍ, ⵜⵉⵡⵙⵉⵢⵉⵏ ( ⴹⴰⵕⴰ’ⵉⴱ) ⴰⴽⴽⴻⴷ ⴹⵎⴰⵏⴰ ⵜⴰⵏⵎⴻⵜⵜⴰⵏⵜ , ⵓⵇⴱⴻⵍ ⴰⴷ ⴷ-ⵉⵃⴻⵜⵜⴻⵜ ⵖⴻⴼ ⵡⴰⵣⴰⵍ ⴰⵎⴻⵇⵕⴰⵏ ⵉ ⵢⴻⵙⵄⴰ « ⵓⴽⴻⵎⵎⴻⵍ ⴷⴻⴳ ⵡⴻⴱⵔⵉⴷ ⵏ ⵓⵙⵙⴻⵎⵢⵓⴷⴷⴻⵙ-ⴰ ».
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⵖ ⴷⴻⴳ ⴰⵡⴰⵍ-ⵉⵙ ⵖⴻⴼ ⵜⴻⵏⵟⴰⴳⵜ ⵜⴰⵔⴻⴱⵔⴰⴱⴰⵏⵜ ⵏ ⴱⴻⵏⴳⴻⵔⴷⴰⵏ, ⴷⴰⴽⴽⴻⵏ « ⵜⴰⵖⴻⵍⵍⵉⵙⵜ ⵏ ⵜⵓⵏⴻⵙ ⴰⴽⴽⴻⴷ ⵜⵍⵉⵙⴰ-ⵉⵏⴻⵙ, ⴷ ⵏⴻⵜⵜⴰⵜ ⵙ ⵜⵉⵎⵎⴰⴷ-ⵉⵙ ⵉ ⴷ ⵜⴰⵖⴻⵍⵍⵉⵙⵜ ⵏ ⵍⴻⵣⵣⴰⵢⴻⵔ, ⴰⴽⴽⴻⵏ ⴷⴰⵖ ⵉ ⵜⴻⵍⵍⴰ ⵜⵖⴻⵍⵍⵉⵙⵜ ⵏ ⵍⴻⵣⵣⴰⵢⴻⵔ ⴰⴽⴽⴻⴷ ⵜⵍⵉⵙⴰ-ⵉⵏⴻⵙ ⴷ ⴰⵢⵍⴰ ⵏ ⵜⵓⵏⴻⵙ » ; ⵓⵇⴱⴻⵍ ⴰⴷ ⵉⵣⵓⵍ ⵜⵉⵙⵓⴷⴷⴰ ⵜⵉⵖⴻⵍⵍⵉⵙⴰⵏⵉⵏ ⵜⵉⵜⵓⵏⵙⵉⵢⵉⵏ ⵖⴻⴼ ⵍⴻⵇⴷⵉⵛ-ⵏⵙⴻⵏⵜ ⴰⴽⴽⴻⵏ ⴰⴷ ⴱⴻⴷⴷⴻⵏⵜ ⴷⴻⴳ ⵡⵓⴷⴻⵎ ⵏ ⵜⴻⵏⵟⴰⴳⵜ-ⴰ.
