ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙ ⵎⴻⵙⵙⴰⵀⴻⵍ ⵢⴻⵙⵎⴻⴽⵜⴰ-ⴷ ⵕⵕⴰⵢ ⵏ ⵍⴻⵣⵣⴰⵢⴻⵔ ⵢⴻⵔⵣⴰⵏ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⵏ ⵜⴰⵍⵓⴼⵜ ⵜⴰⵍⵉⴱⵉⵜ
ⵍⵇⴰⵀⵉⵕⴰ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵖⵔⵉⴱⵉⵢⵉⵏ, ⵏ ⵜⴷⵓⴽⴽⵍⵉ ⵜⴰⴼⵔⵉⵇⵉⵜ ⴰⴽⴽ ⴷ ⵓⵊⴻⵔⵔⵉⴷ ⵏ ⵢⵉⵡⵓⵏⴰⴽ ⴰⵄⵕⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵢⴻⵙⵎⴻⴽⵜⴰ-ⴷ ⴷⵉ ⵍⵇⴰⵀⵉⵕⴰ ⵕⵕⴰⵢ ⵏ ⵍⴻⵣⵣⴰⵢⴻⵔ ⵢⴻⵔⵣⴰⵏ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⵏ ⵜⴰⵍⵓⴼⵜ ⵜⴰⵍⵉⴱⵉⵜ.
ⵢⴻⵎⵎⴻⵙⵍⴰⵢ-ⴷ ⵍⴰⵡⴰⵏ ⵏ ⵜⴻⵎⵍⵉⵍⵉⵜ-ⵉⵏⴻⵙ ⴰⴽⴽ ⴷ ⵓⵏⴻⵖⵍⴰⴼ ⴰⵍⵉⴱⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴰⵍⵉⴱⵉ, ⵎⵧⵀⴰⵎⴻⴷ ⴷⴰⵉⵔⵉ, ⵖⴻⵔ ⵢⵉⴷⵉⵙ ⵏ ⵜⴻⴷⵡⵉⵍⵜ ⵜⵉⵙ 145 ⵏ ⵓⵙⴻⵇⵇⴰⵎⵓ ⵏ ⵢⵉⵡⵓⵏⴰⴽ ⴰⵄⵕⴰⴱⴻⵏ, ⵎⴰⵙ ⵎⴻⵙⵙⴰⵀⴻⵍ ⵢⴻⵙⵎⴻⴽⵜⴰ-ⴷ ⵕⵕⴰⵢ ⵏ ⵍⴻⵣⵣⴰⵢⴻⵔ ⵢⴻⵔⵣⴰⵏ ⴼⴻⵔⵔⵓ ⵏ ⵜⴰⵍⵓⴼⵜ ⵜⴰⵍⵉⴱⵉⵜ ⵓ ⵢⴻⵙⵙⵓⵜⴻⵔ ⴷⵉ "ⵢⴰⴽⴽ ⴰⵜⵎⴰⵜⴻⵏ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵔⵏⵓⵏ ⵉⵖⴻⴱⵍⴰⵏ-ⵏⵙⴻⵏ ⵙ ⵡⴻⵎⵜⴰⵡⵉ ⵏ ⵢⴻⵎⵅⴰⵍⵍⴰⴼⴻⵏ ⴳⴰⵔ-ⴰⵙⴻⵏ ⴰⴽⴽⴻⵏ ⴰⴷ ⴼⵔⵓⵏ ⵜⴰⵍⵓⴼⵜ ⵢⵓⵖⴰⵍⴻⵏ ⴷ ⵓⴳⵓⵔ ⵖⴻⴼ ⵜⴻⵎⵏⴰⴹⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵔⴽⴰⴷ ⴰⴽⴽ ⴷ ⵍⴰⵎⴰⵏ".
ⴰⵍⵎⴻⵏⴷ ⵏ ⵜⴻⴳⵏⵉⵜⵜ-ⴰⴳⵉ, ⵉⵙⵉⵏ ⵉⵏⴻⵖⵍⴰⴼⴻⵏ ⵎⵎⴻⵙⵍⴰⵢⴻⵏ ⵖⴻⴼ ⵡⴰⵢⴻⵏ ⴰⴽⴽ ⵢⴻⴹⵕⴰⵏ ⴷⵉ ⵍⵉⴱⵢⴰ ⵓⵙⵙⴰⵏ-ⴰⴳⵉ ⴷ ⵡⴰⵢⴻⵏ ⵢⴻⵜⵜⵡⴰⵅⴷⴰⵎⴻⵏ ⴰⴽⴽⴻⵏ ⴰⴷ ⵢⵉⵍⵉ ⵓⵟⴻⴱⴱⴰⵇ ⵏ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⴷⴻⴳ ⵓⵙⵓⵔⵔⵉⴼ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ.
