Asebter amenzawi

Seg Tasanayt s tmaziɣt imunen
Tasiwelt n wass 15:00, 11 Meɣres 2016 sɣur Imedyazen (Mmeslay | tikkin)

Neggez ar: ẓer isebtar, anadi

Aseqqamu aɣerfan aɣelnaw: Louh iqeddem asenfar n lqanun n weḥbas

LEZZAYER TAMANAɣT – Aneɣlaf n teɣdemt, aɛessas ixutam, Tayeb Louh, iqeddem-d ass n laxmis asenfar n lqanun yerzan aḥbas d uɛaqeb zdat n tseqqamutt n tɣawsiwin tinazrafin, tinadbalin akk d tlelliyin n useqqamu aɣerfan aɣelnaw (APN).

Aselway n useqqamu aɣerfan aɣelnaw (APN), Mohamed Larbi Ould Khelifa yeḥḍeṛ i kra seg uqeddem-agi, ɣef laḥsab n welɣu n useqqamu (APN).

Lawan unejmuɛ-agi, yerzan aqeddem n usenfar n lqanun yettbeddilen yerna yettkemmilen ṛṛay uṭṭun 66-156 n 08 yunyu 1966 yerzan lqanun uɛaqeb, Mas Ould Khelifa yesnemmer timuɣliwin-agi tizerfanayin d-yersen almend n uciweṛ yexdem uselway n Tegduda, Abdelaziz Bouteflika, d wayen akk yettwaxedmen deg weḥric n teɣdemt "aḥric agejdan deg wayen yerzan tugdut akk d yizerfan n wemdan".

Abrid-agi "iselk-aɣ seg waṭaṣ n tlufa d yiɣeblan yerran timura-nniḍenin ur rkident, u yerna afud d lǧahd i laman akk d tdukkli taɣelnawt di tmurt-nneɣ".