ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ-ⴼⵔⴰⵏⵙⴰ : ⵙⴻⵎⵎⵓⵙ ⵏ ⵢⵉⵙⴻⵏⴼⴰⵔⴻⵏ ⵏ ⵜⵉⵛⵛⵓⵔⴽⴰ ⴰⵔⴰ ⵢⴻⵜⵜⵡⴰⵙⵜⴻⵏⵢⵉⵏ ⵙⵢⴰ ⴷ ⴰⴼⴻⵍⵍⴰ ⴷⴻⴳ ⵍⴻⵣⵣⴰⵢⴻⵔ
ⵜⵍⴻⵎⵙⴰⵏ - ⵙⴻⵎⵎⵓⵙ ⵏ ⵢⵉⵙⴻⵏⴼⴰⵔⴻⵏ ⵏ ⵜⵉⵛⵛⵓⵔⴽⴰ ⵜⴰⴷⴰⵎⵙⴰⵏⵜ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⴼⵔⴰⵏⵙⴰ ⴰⵔⴰ ⵢⴻⵜⵜⵡⴰⵙⵜⴻⵏⵢⵉⵏ ⵙⵢⴰ ⴷ ⴰⴼⴻⵍⵍⴰ ⴷⴻⴳ ⵜⵎⴰⵏⴻⵖⵜ, ⵉ ⴰⵖ-ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵍⴻⵎⵙⴰⵏ ⵓⵙⴻⵍⵡⴰⵢ ⵏ ⵜⴻⵅⵅⴰⵎⵜ ⵜⴰⵣⵣⴰⵢⵔⵉⵜ ⵏ ⵜⵏⴻⵣⵣⵓⵜ ⴰⴽⴽⴻⴷ ⵜⴻⵎⴳⵓⵔⵉ (ⵛⴰⵛⵉ).
ⵢⴻⵎⵎⴰⵀⴻⵍ ⵢⵉⵡⴻⵏ ⵏ ⵓⵙⴰⵔⴰⴳ ⴷⴷⴰⵡ ⵏ ⵓⵣⵡⴻⵍ ‘’ⵍⴻⵣⵣⴰⵢⴻⵔ-ⴼⵔⴰⵏⵙⴰ : ⵢⵉⵡⴻⵜ ⵏ ⵜⵉⵛⵛⵓⵔⴽⴰ ⵜⵉⵎⴳⴻⵔⵔⴻⵣⵜ’’, ⴽⴰⵛⵉ ⴰⵉⵜ ⵢⴰⵍⵍⴰ, ⴷ ⴰⵏⴻⵙⵎⵉⴳⴰⵍ ⵏ ⵓⵎⵢⵉⴳⴻⵔ ⵏ ⵢⵉⵖⴻⵍⵍⴰ ⵏ ⵜⴻⵕⵎⵉⵙⵉⵏ (ⴼⵛⴻ) ⴷⴻⴳ ⴼⵔⴰⵏⵙⴰ ⵉⵛⴰⵔ-ⴷ ⴷⴰⴽⴽⴻⵏ ⴳⴰⵔ 32 ⵉⵙⴻⵏⴼⴰⵔⴻⵏ ⵉ ⴷ-ⵉⴱⴰⵏⴻⵏ ⴷⴻⴳ ⵓⴽⴰⵜⴰⵔ ⵏ ⵜⵉⵛⵛⵓⵔⴽⴰ, ⴰⴷ ⵜⵜⵡⴰⵙⵜⴻⵏⵢⴰⵏ ⵙⴻⵎⵎⵓⵙ ⴷⴻⴳ ⵡⴰⵢⵢⵓⵔ ⵏ ⵢⴻⴱⵔⵉⵔ ⴷⴻⴳ ⵜⵎⴰⵏⴻⵖⵜ, ⵉ ⵍⵎⴻⵏⴷ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴼⵔⴰⵏⵙⵉ, ⵎⴰⵏⵓⴻⵍ ⵠⴰⵍⵍⵙ.
ⵉⵎⵉⵏⵉⴳⴻⵏ ⵉⵣⵣⴰⵢⵔⵉⵢⴻⵏ ⴷⴻⴳ ⴼⵔⴰⵏⵙⴰ ⵙⵙⵓⴷⴷⵙⴻⵏ ⵉⵎⴰⵏ-ⵉⵙ ⴰⴽⴽⴻⵏ ⴰⴷ ⵄⵉⵡⵏⴻⵏ ⵜⴰⵎⵓⵔⵜ-ⵏⵙⴻⵏ ⵜⴰⵏⴰⵚⵍⵉⵜ, ⵍⴻⵣⵣⴰⵢⴻⵔ, ⵖⴰⵙ ⴰⴽⴽⴻⵏ ⴰⴷ ⴽⴻⵎⵍⴻⵏ ⵜⵓⴷⴻⵔⵜ-ⵏⵙⴻⵏ ⴷⴻⴳ ⵜⵎⵓⵔⵜ ⵏ ⴼⵔⴰⵏⵙⴰ’’, ⵉ ⴷ-ⵉⴷⴻⵔⵔⴻⵔ.
