ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⴹⵔⵓ ⵏ ⵢⵉⵙⴻⴳⵣⴰⵡⴰⵍⴻⵏ ⵉⵢⵏⵓⵜⵍⴰⵢⴰⵏⴻⵏ ⵙ ⵜⵎⴰⵣⵉⵖⵜ ⴷ ’’ⴰⵣⴰⴷⵓⵔ’’ ⵉ ⵓⵙⴷⵓⴽⴻⵍ ⵏ ⵜⵓⵜⵍⴰⵢⵜ-ⴰ (ⴰⵏⴻⵖⵍⴰⴼ)

ⴱⴳⴰⵢⴻⵜ – ⴰⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵏⵉⴳ ⴰⴽⴽⴻⴷ ⵜⴻⴳⵎⵉ ⵜⵓⵙⵙⵏⴰⵏⵜ, ⵜⴰⵀⴰⵔ ⵀⴰⴷⵊⴰⵔ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⵢⵉⴳⴻⵔ-ⴰ ⵓⵙⵙⵏⴰⵏ ⴰⴳⵔⴰⵖⵍⴰⵏ ⵉ ⵓⵙⴻⴹⵔⵓ ⵏ ⵢⵉⵙⴻⴳⵣⴰⵡⴰⵍⴻⵏ ⵉⵢⵏⵓⵜⵍⴰⵢⴰⵏⴻⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏ ⴱⴳⴰⵢⴻⵜ ⵢⴻⵔⵙ ⴷⴻⴳ ⵜⵎⵓⵖⵍⵉ ⵏ ⵓⵚⴻⴳⴳⴻⵎ ⵏ ⵜⵎⴰⵣⵉⵖⵜ ⵢⴻⵔⵏⴰ ⴷ ’’ⴰⵣⴰⴷⵓⵔⴰⵏ’’ ⴰⴽⴽⴻⵏ ⴰⴷ ⵜⴻⴷⴷⵓⴽⴻⵍ ⵜⵓⵜⵍⴰⵢⵜ-ⴰ, ⵜⵓⵔⴰ ⵙⴻⴳ ⵜⴰⵎⴰ ⵏ ⵜⵎⴻⵏⴹⴰⵡⵜ ⴷ ⵜⵓⵏⵚⵉⴱⵜ.

ⵢⴻⵜⵜⵡⴰⵍⵉ ⴷⴰⴽⴽⴻⵏ ⴰⵎⵢⵉⴳⴻⵔ-ⴰ ⵓⵙⵙⵏⴰⵏ, ⵢⴻⴱⴷⴰⵏ ⴰⵎⴰⵀⵉⵍ-ⵉⵙ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⴻⵙⴷⴰⵡⵉⵜ ⵏ ⴰⴱⴷⴻⵔⵔⴰⵀⵎⴰⵏⴻ ⵎⵉⵔⴰ ⵏ ⴱⴳⴰⵢⴻⵜ, ⴰⴷ ⵢⴻⵍⴷⵉ ⵉⴱⴻⵔⴷⴰⵏ ⵏⵏⵉⴹⴻⵏ ⵉ ⵓⵙⵏⴻⴼⵍⵉ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵉ ⴷ-ⵉⵛⴰⵔ, ⵉ ⵍⵎⴻⴷ ⵏ ⵡⴰⵢⴰ, ⴰⵙⴻⵖⵏⴻⵡ ⵙⵢⴰ ⴷ ⴰⴼⴻⵍⵍⴰ ⵏ ⵢⵉⵡⴻⵏ ⵏ ⵓⵍⴻⵎⵎⴰⵙ ⵏ ⵜⴻⴳⵎⵉ ⵖⴻⵔ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷⴻⴳ ⵜⴻⵙⴷⴰⵡⵉⵜ-ⵏⵏⵉ.

ⵙⴻⴳ ⵜⴰⵎⴰ-ⵙ, ⴰⵏⴻⵎⵀⴰⵍ ⵏ ⵜⴻⵙⴷⴰⵡⵉⵜ ⴰⴱⴷⴻⵔⵔⴰⵀⵎⴰⵏⴻ ⵎⵉⵔⴰ, ⵒⵔ ⴱⵧⵓⴰⵍⴻⵎⴻ ⵙⴰⵉⴷⴰⵏⵉ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⵢⵉⴳⴻⵔ-ⴰ ⵓⵙⵙⵏⴰⵏ ⴷ ⵢⵉⵡⴻⵜ ⵏ ⵜⴻⴳⵏⵉⵜ ⵏ ⵓⴼⴰⵔⴻⵚ ‘’ⵜⴰⵢⵉⵡⵏⴰⵏⵜ’’ ⵉ ⵢⵉⵏⴰⴳⵎⴰⵢⴻⵏ ⵉ ⴷ-ⵢⵓⵙⴰⵏ ⵙⴻⴳ ⵙⴻⴳ ⵜⵎⵓⵔⴰ ⵢⴻⵎⵎⴻⵥⵍⴻⵏ (ⵍⴻⵣⵣⴰⵢⴻⵔ, ⵎⴻⵕⵕⵓⴽ, ⵙⵡⵉⵙ, ⴼⵕⴰⵏⵙⴰ ⴰⴽⴽⴻⴷ ⵟⴰⵍⵢⴰⵏ) ⴰⴽⴽⴻⵏ ⴰⴷ ⵎⴱⵉⴷⴷⴰⵍⴻⵏ ⵜⵉⵎⵓⵙⵏⵉⵡⵉⵏ ⴰⴽⴽⴻⴷ ⵜⴻⵔⵎⵉⵜⵉⵏ-ⵏⵙⴻⵏ ⴷⴻⴳ ⵜⴰⵖⵓⵍⵜ ⵏ ⵜⵙⴻⴽⵏⴰⵡⴰⵍⵜ.

ⵏⵧⵓⵔⴰ ⵜⵉⴳⵣⵉⵔⵉ, ⴷ ⵜⴰⵄⴻⴳⴳⴰⵍⵜ ⵏ ⵜⵏⴰⵔⴻⵎⵜ ⵏ ⵓⵙⴻⴳⴳⴻⵎ ⴰⴽⴽⴻⴷ ⵓⵙⴻⵍⵎⴻⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ (ⵍⴰⴻⵍⴰ), ⵜⴻⵏⵏⴰ-ⴷ ⴷⴰⴽⴽⴻⵏ ⴰⵟⴰⵙ ⵏ ⵢⵉⵙⴻⴳⵣⴰⵡⴰⵍⴻⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵥⴻⵔⴳⴻⵏ-ⴷ ⵢⴰⴽⴰⵏ, ⵜⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ ‘’ⵜⵓⵔⴰ ⵢⴻⵙⵙⴻⴼⴽ ⴰⴷ ⵏⴻⵜⵜⵡⴰⵍⵉ ⵖⴻⵔ ⵓⵎⴰⵀⵉⵍ ⵢⴻⵍⵀⴰⵏ ⵎⴰⵞⵞⵉ ⴷ ⴰⵙⵟⵓⵇⵇⴻⵜ ⵏ ⵓⵥⵔⴰⴳ ⵏ ⵢⵉⴷⵍⵉⵙⴻⵏ’’.

ⵜⴻⵏⵏⴰ-ⴷ ⴷⴰⴽⴽⴻⵏ, ⴷⴻⴳ ⵓⴱⵔⵉⴷ-ⴰ ⵉⵜⴻⵜⵜⴻⴷⴷⵓ ⵜⵏⴰⵔⴻⵎⵜ ⵉ ⵜⴻⵙⵙⴻⴼⵔⴰⴽ ⴷⴻⴳ ⵜⴻⵙⴷⴰⵡⵉⵜ ⵏ ⵜⵉⵣⵉ ⵡⴻⵣⵣⵓ, ⴷ ⴰⵀⴻⵢⵢⵉ ⵏ ⵓⵙⴻⴳⵣⴰⵡⴰⵍ ⴰⵍⵉⴽⵜⵔⵓⵏⴰⵏ ⵏ ⵜⵎⴰⵣⵉⵖⵜ.