ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ : ⵜⴰⵙⴻⵇⵇⴰⵎⵓⵜⵜ ⵜⴰⵏⴻⵣⵔⴰⴼⴰⵏⵜ ⵜⴻⵙⵍⴰ ⵉ ⵢⵉⵎⵓⵙⵙⵏⴰⵡⴻⵏ ⵖⴻⴼ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵓⵄⴰⵇⴻⴱ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ – ⵜⴰⵙⴻⵇⵇⴰⵎⵓⵜⵜ ⵏ ⵜⵖⴰⵡⵙⵉⵡⵉⵏ ⵜⵉⵣⴻⵔⴼⴰⵏⴰⵢⵉⵏ, ⵜⵉⵏⴻⴷⴱⴰⵍⴰⵢⵉⵏ ⴰⴽⴽ ⴷ ⵜⵍⴻⵍⵍⵉⵢⵉⵏ ⵓⵙⴻⵇⵇⴰⵎⵓ ⵖⴻⵕⴼⴰⵏ ⴰⵖⴻⵍⵏⴰⵡ (ⴰⵒⵏ) ⵜⴻⵙⵙⵓⴷⴻⵙ ⴰⵙⵙ ⵏ ⵍⴻⵜⵏⵉⵢⴻⵏ ⴰⵏⴻⵊⵎⵓⵄ ⵢⴻⵔⵣⴰⵏ ⴰⵣⵔⴰⵡ, ⴰⴽⴽ ⴷ ⵜⵎⴻⵙⵍⵉⵡⵜ ⵉ ⵢⵉⵎⵓⵙⵙⵏⴰⵡⴻⵏ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵓⵄⴰⵇⴻⴱ ⴰⴽⴽ ⴷ ⵡⴰⵢⴻⵏ ⴷ-ⵢⴻⴷⴷⴰⵏ ⴷⴻⴳ-ⵙ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ.
ⵃⴻⴹⵕⴻⵏ ⵉ ⵜⴻⵎⵍⵉⵍⵉⵜ ⵢⴻⵙⵙⴻⵍⵡⵉ ⴰⵎⴰⵔ ⴷⵊⵉⵍⴰⵍⵉ, ⴰⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜⵜ, ⵉⴳⴻⵏⵙⴰⵙⴻⵏ ⵏ ⵡⴻⵖⵍⵉⴼ ⵏ ⵜⴻⵖⴷⴻⵎⵜ ⴰⴽⴽ ⴷ ⵙⵔⴰⴱⴻⵙ ⵏ ⵍⴰⵎⴰⵏ ⴷ ⵢⵉⵎⵓⵏⴰⵡⴻⵏ ⵏ ⵓⵀⴻⴳⴳⵉ ⵏ ⵍⴻⵇⵡⴰⵏⴻⵏ.
ⴷⴻⴳ ⵢⵉⵡⴻⵏ ⵏ ⵡⴰⵡⴰⵍ ⵍⴰⵡⴰⵏ ⵏ ⴱⴻⴷⴷⵓ ⵏ ⵍⴻⵛⵖⴰⵍ ⵉⴽⴻⵎⵎⵍⴻⵏ ⵎⴻⴱⵍⴰ ⵜⴰⵖⴰⵎⵙⴰ, ⵎⴰⵙ ⴷⵊⵉⵍⴰⵍⵉ ⵢⴻⵙⵏⴻⵎⵎⴻⵔ ⴰⵢⴻⵏ ⴰⴽⴽ ⵜⵅⴻⴷⴷⴻⵎ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ, ⵙ ⵓⵡⴻⴽⴽⴻⴷ ⴱⴻⵍⵍⵉ "ⵍⴻⵣⵣⴰⵢⴻⵔ ⵢⴻⵏⵏⴻⵄⵜⴰⴱⴻⵏ ⴰⵟⴰⵚ ⵙⴻⴳ ⵡⴻⵖⴱⴻⵍ-ⴰⴳⵉ, ⵜⴻⵍⵍⴰ ⵜⴻⵜⵜⵡⴰⵃⴱⴻⵙ ⴷⴻⴳ ⵡⴻⵃⵔⵉⵛ-ⴰⴳⵉ ⵏ ⵓⵀⴻⴳⴳⵉ ⵏ ⵍⴻⵇⵡⴰⵏⴻⵏ ⵎⴳⴰⵍ ⵔⵔⴻⴱⵔⴰⴱ".
ⵉⵇⴻⴷⴷⴻⵎ-ⵉⵜ-ⵉⴷ ⵓⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⵜⴰⵢⴻⴱ ⵍⵧⵓⵀ, ⵣⴷⴰⵜ ⵏ ⵉⵄⴰⴳⴳⴰⵍⴻⵏ ⵏ ⵜⵙⴻⵇⵇⴰⵎⵓⵜⵜ ⴰⵙⵙ ⵏ ⵍⴰⵅⵎⵉⵙ ⵢⴻⵣⵔⵉⵏ, ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵡⵡⴻⵜ ⴷⴻⴳ "ⵕⵡⴰⵃ ⵏ ⵢⵉⵣⵣⴰⵢⵔⵉⵢⴻⵏ ⵏⴻⵖ ⵉⴱⴻⵕⵕⴰⵏⵉⵢⴻⵏ ⵢⴻⵜⵜⵉⴷⵉⵔⴻⵏ ⴷⴰⴳⵉ ⵙ ⵡⴻⴱⵔⵉⴷ ⵏ ⵍⵇⴰⵏⵓⵏ ⵏⴻⵖ ⵎⴻⴱⵍⴰ ⵍⵇⴰⵏⵓⵏ ⵖⴻⵔ ⵜⵎⵓⵔⵜ-ⵏⵏⵉⴹⴻⵏ ⴰⴽⴽⴻⵏ ⴰⴷ ⴽⴻⵛⵎⴻⵏ ⴷⵉ ⵜⵔⴻⴱⴱⵓⵢⴻⵄ ⵜⵉⵔⴻⴱⵔⴰⴱⵉⵏ".
