ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⴳⵣⴰⵡⴰⵍ ⴰⵢⵏⵓⵜⵍⴰⵢⴰⵏ ⴰⵎⴰⵣⵉⵖ : ⵙⵎⴻⵜⵔⴻⵏ-ⴷ ⵉⴼⴻⵛⴽⴰ ⵉⵎⴰⵢⵏⵓⵜⴻⵏ ⵏ ⵓⵏⴰⴷⵉ ⴷⴻⴳ ⴱⴳⴰⵢⴻⵜ
ⴱⴳⴰⵢⴻⵜ – ⵉⵎⵓⵀⴰⵍ ⵏ ⵓⵎⵢⵉⴳⴻⵔ ⵓⵙⵙⵏⴰⵏ ⵖⴻⴼ ⵓⵙⴻⴹⵔⵓ ⵏ ⵢⵉⵙⴻⴳⵣⴰⵡⴰⵍⴻⵏ ⵉⵢⵏⵓⵜⵍⴰⵢⴰⵏⴻⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵔⵏⴰⵏ ⴷⴷⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⴱⴳⴰⵢⴻⵜ ⵙ ⵓⵎⴰⵀⴻⵍ ⵏ ⵢⵉⵙⴰⵔⴰⴳⴻⵏ ⵓⵙⵙⵏⴰⵏⴻⵏ ⴰⴽⴽⴻⴷ ⵙⵏⴰⵜ ⵜⵏⴻⵎⵙⴰⵍ ⵖⴻⴼ ⵓⵙⴻⵎⵔⴻⵙ ⵏ ⵢⵉⴼⴻⵛⴽⴰ ⵏ ⵜⵙⴻⵏⵙⴻⵍⴽⵉⵎⵜ ⴷⴻⴳ ⵜⵙⴻⴽⵏⴰⵡⴰⵍⵜ ⵜⴰⵎⴰⵣⵉⵖⵜ ⴰⴽⴽⴻⴷ ⵓⵙⴻⵖⵏⴻⵡ, ⵙⵢⴰ ⵖⴻⵔ ⵙⴷⴰⵜ, ⵏ ⵢⵉⵡⴻⵏ ⵏ ⵓⵍⴻⵎⵎⴰⵙ ⵏ ⵜⴻⴳⵎⵉ ⵖⴻⴼ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷⴻⴳ ⵜⴻⵙⴷⴰⵡⵉⵜ ⵏ ⴱⴳⴰⵢⴻⵜ.
ⴷⴻⴳ ⵓⵎⵢⵉⴳⴻⵔ-ⴰ ⵓⵙⵙⵏⴰⵏ ⵉ ⴷ-ⵢⴻⵙⵙⵓⴷⴷⴻⵙ ⵓⵙⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ (ⵀⵛⴰ), ⵜⴰⵙⴷⴰⵡⵉⵜ ⴰⴱⴷⴻⵔⵔⴰⵀⵎⴰⵏⴻ ⵎⵉⵔⴰ ⴰⴽⴽⴻⴷ ⵜⵏⴰⵔⴻⵎⵜ ⵏ ⵓⵚⴻⴳⴳⴻⵎ ⴰⴽⴽⴻⴷ ⵓⵙⴻⵍⵎⴻⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ (ⵍⴰⴻⵍⴰ, ⵜⵉⵣⵉ ⵡⴻⵣⵣⵓ), ⵏⵓⴼⴰ ⴽⴽⵉⵏ ⴷⴰⵖⴻⵏ ⵢⵉⵎⴰⵣⵣⴰⵢⴻⵏ ⵉⵖⴻⵍⵏⴰⵡⴻⵏ ⴰⴽⴽⴻⴷ ⵢⵉⴱⴻⵔⵔⴰⵏⵉⵢⴻⵏ ⵉ ⴷ-ⵢⵓⵙⵙⴰⵏ ⴷⴰⵖⴻⵏ ⵙⴻⴳ ⵎⴻⵕⵕⵓⴽ, ⴼⵔⴰⵏⵙⴰ ⴰⴽⴽⴻⴷ ⵙⵡⵉⵙ.
ⴰⵙⴰⵔⴰⴳ ⵏ ⵎⴰⵙⵙ ⵒⵀⵉⵍⵉⵒⵒⴻ ⵎⴰⵔⵜⵉⵏ, ⴷ ⴰⵒⵔⵓⴼⵉⵙⵓⵔ ⵏ ⵜⴻⵙⵏⵉⵍⵙⵉⵜ ⴷⴻⴳ ⵜⴻⵙⴷⴰⵡⵉⵜ ⵏ ⵒⴰⵔⵉⵙ (ⴷⵉⴷⴻⵔⵧⵜ), ⵉⴳⴻⵍⵍⴻⵙ ⵖⴻⴼ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵎⴰⵢⵏⵓⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⴹⵔⵓ ⵏ ⵓⵙⴻⴳⵣⴰⵡⴰⵍ ⵏ ⵜⵎⴰⵣⵉⵖⵜ ⴰⴳⵜ-ⵎⵉⴷⵢⴰ ⵉ ⵢⴻⵔⵙⴻⵏ ⵖⴻⴼ ⵓⵣⴰⴷⵓⵔ ⵉ ⵓⵎⵉ ⵜⵜⵉⵏⵉⵏ ‘’ⵍⴻⵅⵉⵛⵧⵒⵀⵧⵏⵉⴻ’’, ⴷ ⴰⵙⴻⴷⴷⵓ ⵏ ⵓⵙⵓⵙⵔⵓ ⵏ ⵡⴰⵡⴰⵍⴻⵏ ⴷⴻⴳ ⵢⵉⵡⴻⵜ ⵏ ⵍⵉⵃⴰⵍⴰ ⴷⴰⵅⴻⵍ ⵏ ⵓⵙⴻⴳⵣⴰⵡⴰⵍ ⴰⴳⵜ-ⵎⵉⴷⵢⴰ, ⴰⵢⴰ ⴷ ⴰⵢⴻⵏ ⴰⵔⴰ ⵉⵙⵉⵙⵀⵉⵍⴻⵏ ⴰⵍⵎⴰⴷ ⵏ ⵜⵓⵜⵍⴰⵢⵜ-ⴰ ⵉ ⴷ-ⵉⵜⴻⴼⴼⵖⴻⵏ ⵙⴻⴳ ⵜⵉⵎⴰⵡⵜ.
ⵎⴰⵙⵙⴰ ⵏⵧⵓⵔⴰ ⵜⵉⴳⵣⵉⵔⵉ, ⴷ ⵜⴰⵒⵔⵓⴼⵉⵙⵓⵔⵜ ⴷⴻⴳ ⵓⴳⴻⵣⴷⵓ ⵏ ⵜⵓⵜⵍⴰⵢⵜ ⴰⴽⴽⴻⴷ ⵢⵉⴷⵍⴻⵙ ⴰⵎⴰⵣⵉⵖ ⵏ ⵜⵉⵣⵉ ⵡⴻⵣⵣⵓ, ⵜⴻⵙⵙⴰⵙⵙⴻⵏ-ⴷ, ⴷⴻⴳ ⵓⵙⴰⵔⴰⴳ-ⵉⵙ, ⴰⵣⴰⴷⵓⵔ ⵏ ⵢⵉⵙⴻⴼⴽⴰ ⵓⵎⴹⵉⵏⴻⵏ ⵏ ⵜⴻⵙⵏⵉⵔⴻⵎⵜ ⵏ ⵜⵎⴻⵣⵣⵓⴳⵉⵏ ⴷⴻⴳ ⵜⵎⴰⵣⵉⴳⵀⵜ ⵉ ⵢⴻⵙⵏⴻⴼⵍⵉ ⵍⴰⴻⵍⴰ.
ⴰⴼⴻⵛⴽⵓ-ⴰ ⵉ ⵎⴰⵣⴰⵍ ⴷⴻⴳ ⵍⴻⴱⵏⵉ ⴷⴻⴳ ⵜⴻⵙⴷⴰⵡⵉⵜ ⵏ ⵜⵉⵣⵉ ⵡⴻⵣⵣⵓ, ⵉⵙⵡⵉ-ⵙ ⴷ ⴰⵙⴻⴳⵔⴻⵡ ⵏ ⵡⴰⵡⴰⵍⴻⵏ ⵉⵜⵡⵉⵍⴰⵏⴻⵏ ⵉⵣⴻⴱⵍⴻⵏ ⴷⴻⴳ ⴷⴷⴻⵇⵙ ⵏ ⵢⵉⴷⵍⵉⵙⴻⵏ ⴰⴽⴽⴻⵏ ⴰⴷ ⵔⵙⴻⵏ ⴷⴻⴳ ⵓⵣⴰⴷⵓⵔ ⵏ ⵢⵉⵙⴻⴼⴽⴻⵏ ⴰⵔⴰ ⵙⴼⴻⵔⴽⴻⵏ ⵢⵉⵎⴰⵣⵣⴰⵢⴻⵏ.
ⴰⵟⴰⵙ ⵏ ⵏ ⵢⵉⵙⵎⴰⴳⵍⴻⵏ ⵉ ⵢⴻⵜⵜⵡⴰⵏⵏⴰⵏ ⴷⴻⴳ ⵜⴰⴳⴳⴰⵔⴰ ⵏ ⵙⵏⴰⵜ ⵜⵏⴻⵎⵙⴰⵍ-ⵏⵏⵉ, ⵉⴷⴻⴳ, ⴷⵖⴰ, ⴰⵙⵓⵎⴻⵔ ⵏ ⵜⵔⵓⵙⵉ ⵏ ⵢⵉⵎⴰⵡⴰⵍⴻⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉ ⴷ-ⵢⴻⵥⵔⴻⴳ ⵓⵙⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ ⴳⴰⵔ ⵉⴼⴰⵙⵙⴻⵏ ⵏ ⵢⵉⵏⴰⴳⵎⴰⵢⴻⵏ.
