ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵊⵉⵏⵉⵔⴰⵍ ⴰⵎⴻⵇⵇⵔⴰⵏ ⵀⴰⵎⴻⵍ ⵢⴻⵖⵔⴰ-ⴷ ⴰⴽⴽⴻⵏ ⵏⴻⵙⴷⵓⴽⴻⵍ ⵜⵉⵣⵎⴰⵔ ⴰⴽⴽⴻⵏ ⴰⴷ ⵏⴻⵙⵎⴻⵍ ⵉⵣⴻⵔⴼⴰⵏ ⵏ ⵓⵎⴷⴰⵏ

ⵍⴻⵣⵣⴰⵢⴻⵔ – ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵊⵉⵏⵉⵔⴰⵍ ⴰⵎⴻⵇⵇⵔⴰⵏ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⵢⴻⵖⵔⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴽⴽⴻⵏ ⴰⴷ ⵏⴻⵙⴷⵓⴽⴻⵍ ⴰⴽⴽ ⵉⵙⴻⴳⴱⴰⵔ ⵏ ⵜⵎⴻⵜⵜⵉ ⴰⴽⴽⴻⵏ ⴰⴷ ⵏⴻⵙⵙⴻⴹⵔⵓ ‘’ⵜⵉⵖⴰⵡⵙⵉⵡⵉⵏ ⵏⵏⵉⴹⴻⵏ ⴷⴻⴳ ⵜⴰⵖⵓⵍⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ’’.

‘’Asdukel n tezmert n tsuda, n tmetti, n tuddsiwin tunbiḍin akked tuddsiwin ur nelli d tunbiḍin ad aɣ-yessiweḍ s aṣeḍru n tɣawsiwin nniḍen i lfayda n umdan’’, i d-yesseddi ujiniral ameqqran Mamel deg yiwen n yinaw i d-yettwaɣran deg yiwen n usarag i lmend n usfugel n Wass aɛrab n yizerfan n Umdan (16 meɣres), yeɣra-t-id s yisem-is umaswaḍ amatu n Tmahla Tamatut n Tɣellist Taɣelnawt (DGSN), d amaswaḍ n temsulta Mohamed Hachichi.

ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵢⴻⴼⵔⴻⵃ ⵙ ⵡⴰⵢⴻⵏ ⵉ ⴷ-ⵢⴻⵡⵡⵉ ⵓⵛⴻⴳⴳⴻⵔ ⵏ ⵜⵎⴻⵏⴹⴰⵡⵜ ⵢⴻⵙⵄⴰⵏ ⵉⵙⵡⵉ, ⵉ ⴷ-ⵢⴻⵏⵏⴰ, ⴷ ⴰⵃⴰⵔⴻⴱ ⵖⴻⴼ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⴽⴽⴻⴷ ⵜⴻⴽⵛⵉ ⵓⴳⴰⵔ ⵏ ⵓⵣⴰⵍ ⵉ ⵜⵎⴻⵟⵟⵓⵜ ⴰⴽⴽⴻⴷ ⵓⴳⵔⵓⴷ ⴰⴽⴽⴻⵏ ⴰⴷ ⵏⴻⵙⵙⴻⴵⵀⴻⴷ ⵜⴰⴷⵓⴽⵍⵉ ⵜⴰⵖⴻⵍⵏⴰⵡⵜ, ⵜⵓⴳⴷⵓⵜ ⴰⴽⴽⴻⴷ ⵓⵡⴰⵏⴻⴽ ⵏ ⵓⵣⵔⴻⴼ.