ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵊⵉⵏⵉⵔⴰⵍ ⴰⵎⴻⵇⵇⵔⴰⵏ ⵀⴰⵎⴻⵍ ⵢⴻⵖⵔⴰ-ⴷ ⴰⴽⴽⴻⵏ ⵏⴻⵙⴷⵓⴽⴻⵍ ⵜⵉⵣⵎⴰⵔ ⴰⴽⴽⴻⵏ ⴰⴷ ⵏⴻⵙⵎⴻⵍ ⵉⵣⴻⵔⴼⴰⵏ ⵏ ⵓⵎⴷⴰⵏ

ⵍⴻⵣⵣⴰⵢⴻⵔ – ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵊⵉⵏⵉⵔⴰⵍ ⴰⵎⴻⵇⵇⵔⴰⵏ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⵢⴻⵖⵔⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴽⴽⴻⵏ ⴰⴷ ⵏⴻⵙⴷⵓⴽⴻⵍ ⴰⴽⴽ ⵉⵙⴻⴳⴱⴰⵔ ⵏ ⵜⵎⴻⵜⵜⵉ ⴰⴽⴽⴻⵏ ⴰⴷ ⵏⴻⵙⵙⴻⴹⵔⵓ ‘’ⵜⵉⵖⴰⵡⵙⵉⵡⵉⵏ ⵏⵏⵉⴹⴻⵏ ⴷⴻⴳ ⵜⴰⵖⵓⵍⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ’’.

‘’ⴰⵙⴷⵓⴽⴻⵍ ⵏ ⵜⴻⵣⵎⴻⵔⵜ ⵏ ⵜⵙⵓⴷⴰ, ⵏ ⵜⵎⴻⵜⵜⵉ, ⵏ ⵜⵓⴷⴷⵙⵉⵡⵉⵏ ⵜⵓⵏⴱⵉⴹⵉⵏ ⴰⴽⴽⴻⴷ ⵜⵓⴷⴷⵙⵉⵡⵉⵏ ⵓⵔ ⵏⴻⵍⵍⵉ ⴷ ⵜⵓⵏⴱⵉⴹⵉⵏ ⴰⴷ ⴰⵖ-ⵢⴻⵙⵙⵉⵡⴻⴹ ⵙ ⴰⵚⴻⴹⵔⵓ ⵏ ⵜⵖⴰⵡⵙⵉⵡⵉⵏ ⵏⵏⵉⴹⴻⵏ ⵉ ⵍⴼⴰⵢⴷⴰ ⵏ ⵓⵎⴷⴰⵏ’’, ⵉ ⴷ-ⵢⴻⵙⵙⴻⴷⴷⵉ ⵓⵊⵉⵏⵉⵔⴰⵍ ⴰⵎⴻⵇⵇⵔⴰⵏ ⵎⴰⵎⴻⵍ ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ ⵉ ⴷ-ⵢⴻⵜⵜⵡⴰⵖⵔⴰⵏ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⴰⵄⵔⴰⴱ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (16 ⵎⴻⵖⵔⴻⵙ), ⵢⴻⵖⵔⴰ-ⵜ-ⵉⴷ ⵙ ⵢⵉⵙⴻⵎ-ⵉⵙ ⵓⵎⴰⵙⵡⴰⴹ ⴰⵎⴰⵜⵓ ⵏ ⵜⵎⴰⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ (ⴷⴳⵙⵏ), ⴷ ⴰⵎⴰⵙⵡⴰⴹ ⵏ ⵜⴻⵎⵙⵓⵍⵜⴰ ⵎⵧⵀⴰⵎⴻⴷ ⵀⴰⵛⵀⵉⵛⵀⵉ.

ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵢⴻⴼⵔⴻⵃ ⵙ ⵡⴰⵢⴻⵏ ⵉ ⴷ-ⵢⴻⵡⵡⵉ ⵓⵛⴻⴳⴳⴻⵔ ⵏ ⵜⵎⴻⵏⴹⴰⵡⵜ ⵢⴻⵙⵄⴰⵏ ⵉⵙⵡⵉ, ⵉ ⴷ-ⵢⴻⵏⵏⴰ, ⴷ ⴰⵃⴰⵔⴻⴱ ⵖⴻⴼ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⴽⴽⴻⴷ ⵜⴻⴽⵛⵉ ⵓⴳⴰⵔ ⵏ ⵓⵣⴰⵍ ⵉ ⵜⵎⴻⵟⵟⵓⵜ ⴰⴽⴽⴻⴷ ⵓⴳⵔⵓⴷ ⴰⴽⴽⴻⵏ ⴰⴷ ⵏⴻⵙⵙⴻⴵⵀⴻⴷ ⵜⴰⴷⵓⴽⵍⵉ ⵜⴰⵖⴻⵍⵏⴰⵡⵜ, ⵜⵓⴳⴷⵓⵜ ⴰⴽⴽⴻⴷ ⵓⵡⴰⵏⴻⴽ ⵏ ⵓⵣⵔⴻⴼ.