ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⴽⵛⴻⵎ ⵏ ⵢⵉⵙⴻⵎⴷⴰ ⵏ ⵢⵉⴱⴻⴷⴷⵉⵍⴻⵏ ⵉⵏⴻⵣⵡⴰⵏⴻⵏ ⴷⴻⴳ ⵜⵉⵙⴻⵜⵔⴰⵜⵉⵊⵉⵢⵉⵏ ⵏ ⵜⵥⴻⴳⵡⴰ

ⵜⴰⴱⴰⵜⴻⵏⵜ – ⴰⵙⴼⵓⴳⴻⵍ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⴻⵥⴳⵉ (21 ⵎⴻⵖⵔⴻⵙ) ⵢⴻⵙⵙⴻⴼⴽ ⴰⴷ ⵢⵉⵍⵉ ⴷ ⵢⵉⵡⴻⵜ ⵏ’’ⵜⴻⴳⵏⵉⵜ ⵏ ⵓⴼⴰⵔⴻⵚ ⴰⴽⴽⴻⵏ ⴰⴷ ⵏⴻⴷⵎⵉ ⴰⵎⴻⴽ ⴰⵔⴰ ⴷ-ⵏⴻⵙⵙⴻⴽⵛⴻⵎ ⵉⴱⴻⴷⴷⵉⵍⴻⵏ ⵉⵏⴻⵣⵡⴰⵏⴻⵏ ⴷⴻⴳ ⵜⴱⴰⴷⵓⵜ ⵏ ⵜⵙⴻⵜⵔⴰⵜⵉⵊⵉⵢⵉⵏ ⵏ ⵜⵥⴻⴳⵡⴰ ⵉ ⴷ-ⵉⵜⴻⴷⴷⵓⵏ’’, ⵉ ⴷ-ⵏⵏⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⴱⴰⵜⴻⵏⵜ ⵢⵉⵎⴻⴽⴽⵉⵢⴻⵏ ⴷⴻⴳ ⵡⴰⵙⵙ ⵏ ⵜⴻⵣⵔⴰⵡⵜ.

ⵉⵙⵡⵉ ⴷ ’’ⴰⵀⴻⵢⵢⵉ ⵏ ⵢⵉⵡⴻⵏ ⵏ ⵓⴽⴰⵜⴰⵔ ⵏ ⵜⵓⴷⴻⵔⵜ ⴰⵣⴻⴷⴳⴰⵏ ⵉ ⵜⵙⵓⵜⵡⵉⵏ ⵏ ⵓⵣⴻⴽⴽⴰ, ⴷⴻⴳ ⵢⵉⵡⴻⵜ ⵏ ⵜⴻⵙⵡⵉⵄⵜ ⵏ ⵓⵙⵏⴻⴼⵍⵉ ⵉⵎⴻⵣⴳⵉ ⴱⵓ ⵜⵎⴰⵙⵉⵜ’’, ⵉ ⴷ-ⴷⴻⵔⵔⴻⵔⵏ ⴽⵔⴰ ⵢⴻⴽⴽⴰ ⵓⵎⵢⵉⴳⴻⵔ-ⵏⵏⵉ ⵉ ⵙⵙⵓⴷⴷⵙⴻⵏ ⴷⴻⴳ ⵜⴻⵙⴷⴰⵡⵉⵜ ⵏ ⵜⴱⴰⵜⴻⵏⵜ 2 ⴷⴷⴰⵡ ⵓⵙⴻⵏⵜⴻⵍ ‘’ⴷ ⴰⵛⵓ-ⵜ ⵢⵉⵎⴰⵍ ⵏ ⵓⴷⵔⴰⵔ ⵎⴳⴰⵍ ⵉⴱⴻⴷⴷⵉⵍⴻⵏ ⵉⵏⴻⵣⵡⴰⵏⴻⵏ’’.

ⵉⵙⴷⴰⵡⴰⵏⴻⵏ ⵉ ⵢⴻⴽⴽⵉⵏ ⴷⴻⴳ ⵡⴰⵙⵙ-ⴰ ⵉ ⵢⴻⵔⵙⴻⵏ ⴷⴻⴳ ⵓⴽⴰⵜⴰⵔ ⵏ ⵢⵉⵀⴻⵢⵢⵉⵜⴻⵏ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⴻⵥⴳⵉ, ⵙⵙⵓⵎⵔⴻⵏ-ⴷ ⵢⵉⵡⴻⵜ ⵏ ⵜⵎⵓⵖⵍⵉ ⵏ ⵓⵏⴰⴷⵉ ⴰⵛⴽⵓ, ⵉ ⴰⵖ-ⴷ-ⵙⵙⴻⴳⵣⵉⵏ, ‘’ⵉⵖⴻⵔⴼⴰⵏ ⵏ ⵜⵓⵔⴰ ⵢⴻⵍⵍⴰ ⴼⴻⵍⵍ-ⴰⵙⴻⵏ ⵓⵎⵉⵀⵉ ⵏ ⵓⵏⴳⴰⵔ ⴰⵔⴰ ⴷ-ⵢⴻⴽⴽⴻⵏ ⵙⴻⴳ ⵜⴰⴽⴻⵡⵜ ⵉ ⵉⵣⴻⵎⵔⴻⵏ ⴰⴷ ⵜⵉⵍⵉ ⵙⵢⴰ ⵖⴻⵔ 50 ⵏⴻⵖ 100 ⵉⵙⴻⴳⴳⴰⵙⴻⵏ ⴰⵛⴽⵓ ⵏⵏⵓⵎⴻⵏ ⴰⴽⴽⴻⴷ ⵓⵏⴻⵣⵡⵉ ⵏ ⵜⵓⵔⴰ, ⵎⴰⵞⵞⵉ ⴰⴽⴽⴻⴷ ⵡⵉⵏ ⴰⵔⴰ ⵢⵉⵍⵉⵏ ⵙⵢⴰ ⵖⴻⵔ ⵍⵇⴻⵔⵏ.