Asebter amenzawi

Asekcem n yisemda n yibeddilen inezwanen deg tisetratijiyin n tẓegwa

TABATENT – Asfugel n wass agraɣlan n teẓgi (21 meɣres) yessefk ad yili d yiwet n’’tegnit n ufareṣ akken ad nedmi amek ara d-nessekcem ibeddilen inezwanen deg tbadut n tsetratijiyin n tẓegwa i d-iteddun’’, i d-nnan ass n ttlata deg Tbatent yimekkiyen deg wass n tezrawt.

Iswi d ’’aheyyi n yiwen n ukatar n tudert azedgan i tsutwin n uzekka, deg yiwet n teswiɛt n usnefli imezgi bu tmasit’’, i d-derrern kra yekka umyiger-nni i ssuddsen deg tesdawit n Tbatent 2 ddaw usentel ‘’D acu-t yimal n udrar mgal ibeddilen inezwanen’’.

Isdawanen i yekkin deg wass-a i yersen deg ukatar n yiheyyiten n usfugel n wass agraɣlan n teẓgi, ssumren-d yiwet n tmuɣli n unadi acku, i aɣ-d-ssegzin, ‘’iɣerfan n tura yella fell-asen umihi n ungar ara d-yekken seg takewt i izemren ad tili sya ɣer 50 neɣ 100 iseggasen acku nnumen akked unezwi n tura, mačči akked win ara yilin sya ɣer lqern.