ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵍⴰⵛ ⵛⵛⴻⴽ ⵖⴻⴼ ⵍⴻⵀⵀⵓ ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ (ⵛⵀⴻⵠⴻⵏⴻⵎⴻⵏⵜ)
ⵒⴰⵔⵉⵙ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⴰⵇⴱⵓⵔ, ⵊⴻⴰⵏ-ⵒⵉⴻⵔⵔⴻ ⵛⵀⴻⵠèⵏⴻⵎⴻⵏⵜ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵒⴰⵔⵉⵙ, ⴷⴰⴽⴽⴻⵏ « ⵡⴰⵔ ⵛⵛⴻⴽ », ⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ ⵓⵖⴰⵍⴻⵏ ⴳⴻⵔⵔⵣⴻⵏ ⵓⴳⴰⵔ ⵏ ⵣⵉⴽ, ⵢⴻⵔⵏⵓ ⵢⴻⵏⵚⴻⵃ-ⴷ ⴷⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⵓⵖⴰⵍ ⵖⴻⵔ ⴷⴻⴼⴼⵉⵔ ⴷⴻⴳ ⵡⴰⵏⴻⵛⵜ-ⴰ.
ⴷⴻⴳ ⵜⵉⵏⴰⵡⵜ-ⵏⵏⴻⵙ ⵏ ⵡⴻⵔⵥⴰⵎ ⵏ ⵓⵙⴰⵔⴰⴳ ⵏ ⵓⵙⵓⴷⵓ ⵏ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⵉⵙⵓⴷⴷⵙⴰⵏⴻⵏ (ⵉⵔⵉⵙ) ⵓⵎⵉ ⵙⴻⵎⵎⴰⵏ « ⵍⴻⵣⵣⴰⵢⴻⵔ: ⴷ ⴰⵛⵓ ⵏ ⵓⴱⴻⴷⴷⴻⵍ? », ⵛⵀⴻⵠⴻⵏⴻⵎⴻⵏⵜ ⵢⴻⵍⵍⴰⵏ ⴷ ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵏ ⴼⵕⴰⵏⵙⴰ-ⵍⴻⵣⵣⴰⵢⴻⵔ, ⵢⴻⵏⵏⴰ-ⴷ ⴷⴰⴽⴽⴻⵏ ⴼⵕⴰⵏⵙⴰ ⵓⵔ ⵜⴻⵜⵜⵡⴰⵍⵉ ⵍⴻⵣⵣⴰⵢⴻⵔ ⴷ ⵜⴰⵎⵓⵔⵜ ⵏ ⵎⴻⵏⵡⴰⵍⴰ, ⵡⴰⵏⴰⴳ ⵜⴻⵜⵜⵡⴰⵍⵉ-ⵜⵜ ⴷ ⵜⴰⵛⵔⵉⴽⵜ ⵡⵓⴽⵓⴷ ⵜⴻⵣⵎⴻⵔ ⴰⴷ ⵜⴻⵙⵄⵓ ⴰⵙⵙⴰⵖ ⴷ ⵓⵣⵣⵉⴳ (ⵅⴰⵚⵚ), ⵢⴻⵔⵏⵓ ⵢⴻⵙⵃⴰⵙⵙⴻⴼ ⵖⴻⴼ ⵡⴰⵢⴻⵏ ⴰⵢ ⴷ-ⵜⵜⵉⵏⵉⵏ ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉⴼⵕⴻⵏⵙⵉⵙⴻⵏ ⵓⵔ ⵍⴰ ⴷ-ⵢⴻⵜⵜⴰⴽⴼⴻⵏ ⵜⵓⴳⵏⴰ ⵉⵚⴻⵃⵃⴰⵏ ⵖⴻⴼ ⵍⴻⵣⵣⴰⵢⴻⵔ.
ⴷⵖⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⵣⴻⵎⵔⴻⵏⵜ ⴰⴷ ⵅⴻⴷⵎⴻⵏⵜ ⵅⵉⵔ ⵍⴻⵎⵎⴻⵔ ⴰⴷ ⵎⵄⴰⵡⴰⵏⴻⵏⵜ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵔⴽⴰⴷ ⵏ ⵍⴻⵣⵣⴰⵢⴻⵔ ⵢⴻⵙⵄⴰ ⵍⴼⴰⵢⴷⴰ ⴷ ⵜⴰⵎⴻⵇⵔⴰⵏⵜ ⵖⴻⴼ ⴼⵕⴰⵏⵙⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵎⴰⵙⵙ ⵛⵀⴻⵠⴻⵏⴻⵎⴻⵏⵜ ⴷⴰⴽⴽⴻⵏ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⵓⵔⴰⵔ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵡⵓⵖⴰⵍ ⵏ ⵜⴰⵍⵡⵉⵜ ⵖⴻⵔ ⵜⵎⵓⵔⵜ ⴷⴻⴼⴼⵉⵔ ⵡⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⵏ ⵔⵔⴻⴱⵔⴰⴱ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵍⴻⵣⵣⴰⵢⴻⵔ ⵜⵇⵓⴱⴻⵍ ⵔⵔⴻⴱⵔⴰⴱ ⵉ ⵢⵉⵎⴰⵏ-ⵏⵏⴻⵙ.
ⵉⵡⴻⴽⴽⴻⴷ-ⴷ ⴷⴰⵖ ⵎⴰⵙⵙ ⵛⵀⴻⵠⴻⵏⴻⵎⴻⵏⵜ ⴷⴰⴽⴽⴻⵏ ⴰⵖⵔⴻⴼ ⴰⴷⵣⴰⵢⵔⵉ ⵢⴻⴱⵖⴰ ⴰⵔⴽⴰⴷ ⴷⴻⴳ ⵜⵎⵓⵔⵜ-ⵏⵏⴻⵙ ⴷⴻⴳ ⵡⴰⴽⵓⴷ ⴰⵢⴷⴻⴳ ⵍⵍⴰⵏⵜ ⵜⵍⵓⴼⴰ ⴷ ⵜⵉⵎⴻⵇⵔⴰⵏⵉⵏ ⵃⵓⵣⴰⵏⵜ ⵜⵉⵎⵓⵔⴰ ⵜⴰⵄⵕⴰⴱⵉⵏ.
