ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⴻⵡⵡⵉ-ⴷ ⵜⴰⵙⴻⵔⵜⵉⵜ ⵜⴰⴷⴰⵎⵙⴰⵏⵜ « ⵢⴻⵍⵀⴰⵏ » ⴰⴽⴽⴻⵏ ⵓⵔ ⴷ-ⵜⵔⴻⵟⵟⴻⵍ ⵉⴷⵔⵉⵎⴻⵏ ⵙⴻⴳ ⵡⴻⵣⵖⴰⵔ

ⵒⴰⵔⵉⵙ – ⵍⴻⵣⵣⴰⵢⴻⵔ ⵜⴻⵡⵡⵉ-ⴷ, ⵙⴻⴳ ⵢⵉⵙⴻⴳⴳⴰⵙⴻⵏ ⵏ 2000, ⵜⴰⵙⴻⵔⵜⵉⵜ ⵜⴰⴷⴰⵎⵙⴰⵏⵜ ⵢⴻⵍⵀⴰⵏ ⴰⴽⴽⴻⵏ ⵓⵔ ⵜⵜ-ⵜⴻⵜⵜⴰⵔⵔⴰ ⵜⵎⴰⵔⴰ ⴰⴷ ⴷ-ⵜⴻⵔⴹⴻⵍ ⵉⴷⵔⵉⵎⴻⵏ ⵙⴻⴳ ⵡⴻⵣⵖⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴷⴻⵎⵎⴰⵙⵜ ⴼⴰⵜⵉⵀⴰ ⵜⴰⵍⴰⵀⵉⵜⴻ ⴷⴻⴳ ⵒⴰⵔⵉⵙ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴷ-ⵢⴻⵍⵍⴰⵏ ⴷⴻⴳ ⵓⵙⵓⴷⵓ (ⵎⴰⵄⵀⴰⴷ) ⵏ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⴷ ⵢⵉⵙⵓⴷⴷⵙⴰⵏⴻⵏ (ⵉⵔⵉⵙ) ⵙ ⵍⴻⵎⵄⴰⵡⵏⴰ ⵏ ⵓⵙⵉⵏⴰⵜ ⴰⴼⵕⴻⵏⵙⵉⵙ, ⴼⴰⵜⵉⵀⴰ ⵜⴰⵀⴰⵍⵉⵜⴻ ⵢⴻⵍⵍⴰⵏ ⴷ ⵜⴰⵎⵏⴰⴷⵉⵜ ⴷⴻⴳ ⵡⴰⵎⵎⴰⵙ ⵏ ⵢⵉⵏⴰⴷⵉⵢⴻⵏ ⵉⵙⴻⵏⵎⴻⵜⵜⵉⵢⴻⵏ ⴷ ⵢⵉⵙⴻⵔⵜⴰⵏⴻⵏ ⵏ ⵒⴰⵔⵉⵙ, ⵜⴻⵏⵏⴰ-ⴷ ⴷⴰⴽⴽⴻⵏ ⵜⵜⴰⵡⵉⵍⴰⵜ ⴰⵢ ⵜⴻⵙⵙⴻⵇⴷⴻⵛ ⵍⴻⵣⵣⴰⵢⴻⵔ ⵉⵙⵡⵉ-ⵏⵙⴻⵏ ⴷ ⴰⵃⴻⵣⵣⴻⴱ ⵉ ⵡⵓⴳⵓⵔⴻⵏ ⵏ ⵓⴱⴻⴷⴷⴻⵍ ⵏ ⵙⵙⵓⵎⴰⵜ ⴷⴻⴳ ⵙⵙⵓⵇ ⵏ ⵓⵒⵉⵜⵕⵓⵍ.

ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵍⵅⴻⵣⵏⴰ ⵜⴰⵏⴰⴳⴷⵓⴷⵜ ⵜⴻⵊⵎⴻⵄ-ⴷ ⵜⴰⴷⵔⵉⵎⵜ ⵏ ⵜⵎⵓⵔⵜ ⵢⴻⵔⵏⵓ ⴰⵢⴰ ⴷ « ⵜⴰⵖⴰⵡⵙⴰ ⵢⴻⵍⵀⴰⵏ », ⴰⵛⴽⵓ ⵍⴻⵣⵣⴰⵢⴻⵔ ⵜⴻⵍⵎⴻⴷ-ⴷ ⵙⴻⴳ ⵜⵜⴻⵊⵕⵉⴱⴰⵜ-ⵏⵏⴻⵙ ⵏ ⵢⵉⵙⴻⴳⴳⴰⵙⴻⵏ ⵏ 1980 ⴷ 1990 ». ⴷ ⴰⵛⵓ ⴽⴰⵏ, ⵜⴻⵙⵃⴰⵙⵙⴻⴼ ⵎⴰⵙⵙⴰ ⵜⴰⵀⴰⵍⵉⵜⴻ ⵉⵎⵉ ⵙⵙⵓⵇ ⴰⴷⵣⴰⵢⵔⵉ ⵏ ⵜⴻⴷⵔⵉⵎⵜ ⵓⵔ ⵢⴻⵜⵜⵡⴰⵙⵙⴻⵏⴼⴻⵍ (ⵎⵓⵟⴰⵡⵡⴰⵔ) » ⵢⴻⵔⵏⵓ ⵉⴷⵓⴱⴰ ⵓⵔ ⴳⵉⵏ ⴰⵃⴽⵉⵎ ⵢⴻⵍⵀⴰⵏ ⵉ ⵓⵚⴻⵔⵔⴻⴼ ⴰⵏⴰⴳⴷⵓⴷ.

ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵜⴰⴳⵏⵉⵜ ⵜⴰⴷⴰⵎⵙⴰⵏⵜ ⵏ ⵍⴻⵣⵣⴰⵢⴻⵔ ⵜⴻⵞⵞⵓⵕ ⴷ ⵜⵉⴳⵏⴰⵜⵉⵏ ⴰⵢ ⵉⵣⴻⵎⵔⴻⵏ ⴰⴷ ⵜⵜⵡⴰⴼⴰⵔⵚⴻⵏⵜ ⴷⴻⴳ 3 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴽⴽⴻⵏ ⴰⴷ ⴷ-ⴱⴷⵓⵏⵜ ⵜⵙⴻⵎⵎⴻⵙⴽⴰⵍ (ⵉⵚⵍⴰⵃⴰⵜ) ⴷ ⵜⵉⵎⴻⵇⵔⴰⵏⵉⵏ, ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ, ⴷⴻⴳ ⵍⴻⵣⵣⴰⵢⴻⵔ, ⴷ ⵜⴰⴷⴰⵎⵙⴰ ⴰⵢ ⵢⵓⵖⴰⵍⴻⵏ ⵜⴻⵙⵄⴰ ⴰⵣⴰⵍ ⵓⴳⴰⵔ ⵏ ⵜⵙⴻⵔⵜⵉⵜ. ⵍⵓ