Asebter amenzawi

Lezzayer tewwi-d tasertit tadamsant « yelhan » akken ur d-treṭṭel idrimen seg wezɣar

PARIS – Lezzayer tewwi-d, seg yiseggasen n 2000, tasertit tadamsant yelhan akken ur tt-tettarra tmara ad d-terḍel idrimen seg wezɣar, ɣef wakken ay d-tenna tdemmast Fatiha Talahite deg Paris.

Deg yiwen n usarag d-yellan deg Usudu (maɛhad) n Wassaɣen Igraɣlanen d Yisuddsanen (IRIS) s lemɛawna n Usinat afṛensis, Fatiha Tahalite yellan d tamnadit deg Wammas n Yinadiyen Isenmettiyen d Yisertanen n Paris, tenna-d dakken ttawilat ay tesseqdec Lezzayer iswi-nsen d aḥezzeb i wuguren n ubeddel n ssumat deg ssuq n upitṛul.

Dɣa i lmend n waya, lxezna tanagdudt tejmeɛ-d tadrimt n tmurt yernu aya d « taɣawsa yelhan », acku Lezzayer telmed-d seg ttejṛibat-nnes n yiseggasen n 1980 d 1990 ». D acu kan, tesḥassef Massa Tahalite imi ssuq adzayri n tedrimt ur yettwassenfel (muṭawwar) » yernu iduba ur gin aḥkim yelhan i uṣerref anagdud.

ɣef leḥsab-nnes, tagnit tadamsant n Lezzayer teččuṛ d tignatin ay izemren ad ttwafarṣent deg 3 n yiseggasen ay d-yetteddun akken ad d-bdunt tsemmeskal (iṣlaḥat) d timeqranin, yernu tenna-d dakken, deg Lezzayer, d tadamsa ay yuɣalen tesɛa azal ugar n tsertit. Lu