ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵙⴻⵔⵙⴻⵏ-ⴷ ⴷⴻⴳ ⵓⵙⴰⵍⴰⵢ ⵏ ⴱⴰⵔⴷⵧ ⵜⵉⵖⴰⵡⵙⵉⵡⵉⵏ ⵜⵉⵇⴱⵓⵔⵉⵏ ⴰⵢ ⴷ-ⵓⴼⴰⵏ ⵙⴻⴳ ⵎⴻⵍⵎⵉ ⴽⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵍⵍⴰ-ⴷ, ⴷⴻⴳ ⵓⵙⴰⵍⴰⵢ ⵏ ⴱⴰⵔⴷⵧ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵏ ⵜⴻⴳⵔⴰ (ⵉⴽⵜⵉⵛⴰⴼⴰⵜ) ⵏ ⵜⵖⴰⵡⵙⵉⵡⵉⵏ ⵏ ⵓⵣⴰⵔⵎⴻⵣⵔⵓⵢ (ⵎⴰ ⵇⴰⴱⵍ ⴰⵜ-ⵜⴰⵔⵉⵅ) ⴰⵢ ⴷ-ⵓⴼⴰⵏ ⵙⴻⴳ ⵎⴻⵍⵎⵉ ⴽⴰⵏ.
ⵜⴰⵣⵉⴽⴽⴻⵏⵜ-ⴰ ⴰⵢ ⵢⴻⴱⴷⴰⵏ ⴰⵙⵙ ⵏ ⵜⵜⵍⴰⵜⴰ ⵢⴻⵙⵙⵓⴷⴷⴻⵙ-ⵉⵜⵜ ⵓⵙⴰⵍⴰⵢ (ⵎⵓⵜⵃⴰⴼ) ⵏ ⵓⵣⴰⵔⵎⴻⵣⵔⵓⵢ ⴷ ⵜⵙⴻⴽⵏⴻⵖⵔⴻⴼⵜ (ⵉⵜⵏⵓⵖⵔⴰⴼⵢⴰ) ⵏ ⴱⴰⵔⴷⵧ ⵙ ⵜⵉⵛⵛⵓⵔⴽⴰ ⴷ ⵢⴻⵎⵏⴰⴷⵉⵢⴻⵏ ⵏ ⵢⵉⵏⴻⴳⵎⵉ ⵏ ⵓⵣⴰⵔⵎⴻⵣⵔⵓⵢ ⵏ ⵓⵙⵓⴷⵓ ⵏ ⵜⵙⴻⵏⵣⵉⴽⵜ, ⵢⴻⵔⵏⵓ ⵙⴻⵎⵎⴰⵏ-ⴰⵙ « ⵍⴻⵣⵣⴰⵢⴻⵔ ⴷⴻⴳ ⵓⵣⴰⵔⵎⴻⵣⵔⵓⵢ, ⵉⵏⴰⴷⵉⵢⴻⵏ ⴷ ⵜⴻⴳⵔⴰ ⵜⵉⵎⴰⵢⵏⵓⵜⵉⵏ ». ⵉⵙⵡⵉ ⵏ ⵜⵣⵉⴽⴽⴻⵏⵜ-ⴰ ⴷ ⴰⵇⴻⴷⴷⴻⵎ ⵏ ⵜⵖⴰⵡⵙⵉⵡⵉⵏ ⴰⵢ ⴷ-ⵓⴼⴰⵏ ⵙⴻⴳ ⵎⴻⵍⵎⵉ ⴽⴰⵏ ⵉ ⵡⴻⴳⴷⵓⴷ.
ⵜⵉⵖⴰⵡⵙⵉⵡⵉⵏ ⴰⵢ ⴷ-ⵢⴻⵜⵜⵡⴰⵇⴻⴷⴷⵎⴻⵏ ⴷⴻⴳ ⵜⵣⵉⴽⴽⴻⵏⵜ-ⴰ ⵔⵙⴻⵏⵜ ⴷ ⴰⵣⵔⴰⵔ, ⴰⴽⴽⴻⵏ ⴰⵢ ⵎⵙⴻⴹⴼⴰⵔⴻⵏⵜ ⴷⴻⴳ ⵡⴰⴽⵓⴷ, ⵙⴻⴳ ⵜⴻⵇⴱⵓⵔⵜ ⵖⴻⵔ ⵜⵎⴰⵢⵏⵓⵜ ⴰⴽⴽ, ⵢⴻⵔⵏⵓ ⵜⴻⵜⵜⴰⴵⴵⴰ ⴰⵏⴻⵔⵣⴰⴼ ⴰⴷ ⵉⵥⴻⵔ ⴰⵃⵔⵉⵛ ⵙⴻⴳ ⵜⵎⴻⴷⴷⵓⵔⵜ ⵏ ⵢⴻⵎⴷⴰⵏⴻⵏ ⴰⵢ ⵢⴻⴷⴷⵔⴻⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵓⵣⴰⵔⵎⴻⵣⵔⵓⵢ. ⵜⴰⵣⵉⴽⴽⴻⵏⵜ-ⴰ ⵖⵓⵔ-ⵙ ⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⴳⴰⵔ-ⴰⵙⴻⵏ ⵡⵉⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⴰⵍⵍⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵣⴰⵔⵎⴻⵣⵔⵓⵢ, ⵡⵉⵏ ⴰⵢⴷⴻⴳ ⵉⵏⴻⵔⵣⴰⴼⴻⵏ ⵣⴻⵎⵔⴻⵏ ⴰⴷ ⵥⵔⴻⵏ ⵉⴳⵎⴰⴹ ⵏ ⵢⵉⵏⴰⴷⵉⵢⴻⵏ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⴰⵎ ⵜⴰⵣⴰ (ⴷⴻⴳ ⴵⵉⴵⴻⵍ) ⴷ ⵜⵉⵏ ⵀⴰⵏⴰⴽⴰⵜⴻⵏ (ⴷⴻⴳ ⴵⴰⵏⴻⵜ) ⴷ ⵡⵉⵏ ⵏ ⵢⴻⵖⵙⴰⵏ ⵏ ⴽⵔⴰ ⵏ ⵢⵉⵖⴻⵔⵙⵉⵡⴻⵏ ⵢⴻⴷⴷⵔⴻⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵓⵣⴰⵔⵎⴻⵣⵔⵓⵢ,
ⵙⴻⴳ ⵜⴰⵎⴰ ⵏⵉⴹⴻⵏ, ⴰⵖⵍⵉⴼ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵢⴻⵜⵜⴻⴽⴽⴰ-ⴷ ⴷⴻⴳ ⵜⵣⵉⴽⴽⴻⵏⵜ-ⴰ ⵙ ⵓⵙⵙⴻⵡⵊⴻⴷ ⵏ ⵢⴻⴹⵔⵉⵙⴻⵏ ⵏ ⵓⵇⴻⴷⴷⴻⵎ ⵏ ⵜⵣⵉⴽⴽⴻⵏⵜ ⵙ ⵓⴳⴻⵎⵎⴰⵢ ⵏ ⴱⵔⴰⵉⵍⵍⴻ ⴰⴽⴽⴻⵏ ⴰⴷ ⵣⴻⵎⵔⴻⵏ ⴰⴷ ⵜⴻⵏ-ⵖⵔⴻⵏ ⵢⵉⴷⴻⵔⵖⴰⵍⴻⵏ.
ⵜⴰⵣⵉⴽⴽⴻⵏⵜ-ⴰ ⴰⵢ ⵢⴻⴱⴷⴰⵏ ⴰⵙⵙ ⵏ ⵜⵜⵍⴰⵜⴰ ⴰⴷ ⵜⴻⵔⵥⴻⵎ ⵉ ⵡⴻⴳⴷⵓⴷ ⴰⵙⵙ ⵏ ⵍⴰⵕⴻⴱⵄⴰ ⵢⴻⵔⵏⵓ ⴰⴷ ⵜⴻⵇⵇⵉⵎ ⴰⵔⵎⴰ ⴷ ⵜⴰⴳⴰⵔⴰ ⵏ ⵓⵙⴻⴳⴳⴰⵙ ⵏ 2016.
