ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵙⵓⵜⵔⴻⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⴻⴳ ⵜⵎⵓⵔⴰ ⴰⴷ ⵎⵎⴰⴳⵔⴻⵏⵜ 400.000 ⵏ ⵢⵉⵙⵓⵔⵉⵢⴻⵏ

ⵡⴰⵛⵉⵏⵜⵧⵏ – ⵉⴳⴻⵔ-ⴷ ⵜⵉⵖⵔⵉ, ⴰⵙⵙ ⵏ ⵜⵜⵍⴰⵜⴰ, ⵢⴻⵎⵡⴻⴽⴽⴻⵍ ⵓⵏⵏⵉⴳ ⴰⵎⴰⵢⵏⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵉⴽⴽⵍⴻⵏ ⵉ ⵢⴻⵣⵔⴰⵣⴰⵖⴻⵏ (ⵍⴰⴵⵉ’ⵉⵏ), ⴼⵉⵍⵉⵒⵒⵧ ⴳⵔⴰⵏⴷⵉ, ⵉ ⵜⵎⵓⵔⴰ ⵏ ⵓⵎⴰⴹⴰⵍ ⴰⴽⴽⴻⵏ ⴰⴷ ⵎⵎⴰⴳⵔⴻⵏⵜ 400.000 ⵏ ⵢⴻⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵉⵙⵓⵔⵉⵢⴻⵏ ⵉⵎⴰⵢⵏⵓⵜⴻⵏ.

« ⴰⵙⵙ ⵏ 30 ⵎⴻⵖⵔⴻⵙ, ⴰⴷ ⵙⵙⴻⵍⵡⵉⵖ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷⴻⴳ ⴳⴻⵏⴻⵠⴻ ⴰⵢⴷⴻⴳ ⴰⴷ ⵙⵙⵓⵜⵔⴻⵖ ⵙⴻⴳ ⵡⴻⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴷ ⵢⴻⵎⵎⴰⴳⴻⵔ 10% ⵙⴻⴳ ⵢⴻⵣⵔⴰⵣⴰⵖⴻⵏ ⵉⵙⵓⵔⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵔⴰⵏⴷⵉ ⴷⴻⴳ ⵜⴻⵔⵣⵉ-ⵏⵏⴻⵙ ⵜⴰⵎⴻⵣⵡⴰⵔⵓⵜ ⵖⴻⴼ ⵡⴰⵙⵀⵉⵏⴳⵜⵧⵏ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⵜⵜⵡⴰⵙⴻⵎⵎⴰ ⴷ ⵉⵎⵡⴻⴽⴽⴻⵍ ⵏ ⵜⵏⴻⴳⴳⴰ-ⴰ (ⵡⴰⴽⴰⵍⴰ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

« 10% ⵙⴻⴳ ⵢⴻⵣⵔⴰⵣⴰⵖⴻⵏ ⵉⵙⵓⵔⵉⵢⴻⵏ ⴷ ⵍⵖⴰⵛⵉ ⴰⵎⴻⵇⵔⴰⵏ. ⴰⵢⴰ ⵢⴻⴱⵖⴰ ⴰⴷ ⴷ-ⵢⵉⵏⵉ 400.000 ⵏ ⵢⴻⵎⴷⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵢⵉⵏⴻⵖⵎⴰⵙⴻⵏ ⵎⵉ ⴷ-ⵢⴻⵙⵙⴰⵡⴻⵍ ⵖⴻⴼ ⵡⴻⵎⴳⴰⵔⵓ ⴰⵖⴰⵔⵉⵎ (ⵃⴰⵔⴱ ⴰⵀⵍⵉⵢⵢⴰ) ⴰⵢⴷⴻⴳ ⵜⴻⵣⴷⴻⵔ ⵙⵓⵔⵢⴰ 6 ⵏ ⵢⵉⵙⴻⴳⴳⴰⵙⴻⵏ ⴰⵢⴰ.

ⵙⴻⴳ ⵡⴰⵙⵎⵉ ⴰⵢ ⵜⴻⵏⴽⴻⵔ ⵜⴰⵍⵓⴼⵜ ⴷⴻⴳ 15 ⵎⴻⵖⵔⴻⵙ 2011, ⴰⵣⴳⴻⵏ ⵙⴻⴳ ⵢⵉⵎⴻⵣⴷⴰⵖⴻⵏ ⵏ ⵙⵓⵔⵢⴰ ⴰⵢ ⵢⴻⴵⴵⴰⵏ ⵉⵅⵅⴰⵎⴻⵏ-ⵏⵙⴻⵏ: ⵓⴳⴰⵔ ⵏ 4 ⵏ ⵢⵉⵎⴻⵍⵢⵓⵏⴻⵏ ⴰⵢ ⵢⴻⴼⴼⵖⴻⵏ ⵙⴻⴳ ⵜⵎⵓⵔⵜ, ⵎⴰ ⴷ 6 ⵏ ⵢⵉⵎⴻⵍⵢⵓⵏⴻⵏ ⵏⵉⴹⴻⵏ ⴵⴵⴰⵏ ⵉⵅⵅⴰⵎⴻⵏ-ⵏⵙⴻⵏ ⵢⴻⵔⵏⵓ ⵔⴻⵡⵍⴻⵏ ⵖⴻⵔ ⵜⴻⵎⵏⴰⴹⵉⵏ ⵏⵉⴹⴻⵏ ⵙⴷⴰⵅⴻⵍ ⵙⵓⵔⵢⴰ.

ⵟⵟⴻⵔⴽ, ⵍⵓⴱⵏⴰⵏ ⴷ ⵍⵓⵕⴷⵓⵏ ⵢⴻⵍⵍⴰⵏ ⴷ ⵜⵉⵏⴰⵔⴰⴳⵉⵏ (ⴵⴰⵔⴰⵜ) ⵏ ⵙⵓⵔⵢⴰ ⵓⵔ ⵙⵙⴰⵡⴹⴻⵏⵜ ⴰⴷ ⵇⴰⴱⵍⴻⵏⵜ ⵉⵎⴹⴰⵏⴻⵏ-ⵏⵏⵉ ⵉⵎⴻⵇⵔⴰⵏⴻⵏ ⵏ ⵢⴻⵣⵔⴰⵣⴰⵖⴻⵏ ⵉⵙⵓⵔⵉⵢⴻⵏ ⴰⵢ ⵍⴰ ⵢⴻⵜⵜⴰⵡⴹⴻⵏ ⵖⴻⵔ-ⵙⴻⵏⵜ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵙⵓⵔⵉⵢⴻⵏ-ⴰ ⴰⴷ ⵏⴰⴷⵉⵏ ⴰⴷ ⴷⴷⵓⵏ ⵖⴻⵔ ⵜⵓⵕⵓⴼⵜ ⵢⴻⵔⵏⵓ ⵢⴻⴳⵍⴰ-ⴷ ⵡⴰⵢⴰ ⵙ ⵜⴰⵍⵓⴼⵜ ⴷ ⵜⴰⵎⴻⵇⵔⴰⵏⵜ ⵏ ⵢⵉⵎⵉⵏⵉⴳⴻⵏ.

ⴽⴰⵏⴰⴷⴰ ⴷ ⵍⴰⵍⵎⴰⵏ ⵎⵎⵓⴳⵔⴻⵏⵜ ⵜⵉⵎⴻⵔⵡⵉⵏ ⵏ ⵢⵉⴳⵉⵎⴰⵏ (ⵄⴰⵛⴰⵔⴰⵜ ⴰⵍ-ⴰⵍⴰⴼ) ⵏ ⵢⴻⵣⵔⴰⵣⴰⵖⴻⵏ, ⵎⴰ ⴷ ⵜⵉⵎⵓⵔⴰ ⵏⵉⴹⴻⵏ ⵡⴻⵔⵄⴰⴷ ⵓⵔ ⵇⴱⵉⵍⴻⵏⵜ ⴰⴷ ⵎⵎⴰⴳⵔⴻⵏⵜ ⴰⵟⴰⵙ ⵙⴻⴳ-ⵙⴻⵏ. ⵓⵍⴰ ⵎⴰ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ ⵜⴻⵜⵜⵡⴰⵙⵙⴻⵏ ⴷ ⵜⴰⵎⵓⵔⵜ ⵏ ⵓⵎⵎⴰⴳⴻⵔ ⵏ ⵢⵉⵎⵉⵏⵉⴳⴻⵏ, ⵎⴰⵛⴰ ⵉⴱⴰⵏ-ⴷ ⴷⴰⴽⴽⴻⵏ ⵓⵔ ⵜⵃⴰⵔ ⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⴰⵟⴰⵙ ⵏ ⵢⵉⵎⵉⵏⵉⴳⴻⵏ ⵉⵙⵓⵔⵉⵢⴻⵏ