ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵓⵏⴷⴻⴷ ⵏ ⵢⵉⵅⴻⴷⴷⴰⵎⴻⵏ ⵏ ⵡⴰⵎⵎⴰⵙ ⵏ ⵡⴻⵎⴹⴰⵍ ⵏ ⵜⵓⵔⵙⴰⴹ ⵏ ⵇⵓⵔⵚⵓ (ⴱⵓⵎⴻⵔⴷⴰⵙ)
ⴱⵓⵎⴻⵔⴷⴰⵙ – ⵓⴳⴰⵔ ⵏ 400 ⵏ ⵢⵉⵅⴻⴷⴷⴰⵎⴻⵏ ⵏ ⵡⴰⵎⵎⴰⵙ ⵏ ⵡⴻⵎⴹⴰⵍ ⴰⵜⵡⵉⵍⴰⵏ (ⵜⵉⵇⵏⵉ) ⵏ ⵇⵓⵔⵚⵓ (ⴱⵓⵎⴻⵔⴷⴰⵙ) ⴰⵢ ⵉⴳⴰⵏ, ⴰⵙⵙ ⵏ ⵜⵜⵍⴰⵜⴰ, ⴰⵙⵙⵓⵏⴷⴻⴷ (ⵉⴹⵔⴰⴱ) ⴰⴽⴽⴻⵏ ⴰⴷ ⴷ-ⵛⵛⴻⵜⴽⵉⵏ ⵖⴻⴼ ⵜⴻⴳⵏⴰⵜⵉⵏ-ⵏⵙⴻⵏ ⵏ ⵓⵅⴻⴷⴷⵉⵎ.
ⵉⵅⴻⴷⴷⴰⵎⴻⵏ ⴰⵢ ⵉⴳⴰⵏ ⴰⵙⵓⵏⴷⴻⴷ ⵎⵙⴻⴳⵔⴰⵡⴻⵏ ⴷⴻⴳ ⵡⴻⵎⵕⴰⵃ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵢⴻⵔⵏⵓ ⵙⵙⵓⵜⵔⴻⵏ-ⴷ ⵍⴰⴷⵖⴰ « ⴰⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⴰⵎⴰⵣⴷⴰⵢ ⴰⵢⴷⴻⴳ ⴷ-ⵢⴻⵜⵜⵡⴰⴱⴷⴻⵔ ⴰⴷ ⴰⵙⴻⵏ-ⵔⵏⵓⵏ ⴷⴻⴳ ⵍⴻⵅⵍⴰⵚ ».
ⵓⵇⴱⴻⵍ ⵎⴰ ⵢⴻⵍⵍⴰ-ⴷ ⵓⵙⵓⵏⴷⴻⴷ-ⴰ, ⴳⴰⵏ ⵢⵉⵅⴻⴷⴷⴰⵎⴻⵏ ⵏ ⵜⴻⵕⵎⵉⵙⵜ-ⴰ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⵛⵛⴻⵜⴽⵉ ⵏ ⵙⵏⴰⵜ ⵏ ⵜⵙⴰⵄⵜⵉⵏ, ⴰⵙⵙ ⵏ ⵍⴻⵜⵏⵉⵢⴻⵏ, ⴰⴽⴽⴻⵏ ⴰⴷ ⴷ-ⵙⵎⴻⴽⵜⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ, ⵜⴰⵎⴻⵀⵍⴰ (ⵉⴷⴰⵔⴰ) ⵏ ⵜⴻⵕⵎⵉⵙⵜ-ⵏⵙⴻⵏ ⵖⴻⴼ ⵡⴰⵢⴻⵏ ⴰⵢ ⴷ-ⵙⵙⵓⵜⵓⵔⴻⵏ, ⵙⴰⴽⴽⵉⵏ, ⴱⴷⴰⵏ-ⴷ ⴰⵙⵓⵏⴷⴻⴷ ⵡⴰⵔ ⵜⵉⵍⵉⵙⴰ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⴷ ⴰⵙⴰⵡⴻⵏ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵜⴻⵕⵎⵉⵙⵜ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ) ⵏ ⵓⵙⵙⴻⴼⵔⴻⴽ ⵏ ⵡⴰⵎⵎⴰⵙⴻⵏ ⵏ ⵡⴻⵎⴹⴰⵍ ⴰⵜⵡⵉⵍⴰⵏ ⵏ ⵜⵡⵉⵍⴰⵢⵜ ⵏ ⴱⵓⵎⴻⵔⴷⴰⵙ, ⴰⵎⵎⵉ ⴰⵍⵉ ⴰⵀⵎⴻⴷ, ⴷⴰⴽⴽⴻⵏ « ⵜⴰⵎⴻⵀⵍⴰ ⵜⴻⵎⵛⴰⵡⴰⵕ ⵜⴰⵎⴻⴷⴷⵉⵜ-ⴰ ⴷ ⵢⵉⵅⴻⴷⴷⴰⵎⴻⵏ ⵉⴳⴰⵏ ⴰⵙⵓⵏⴷⴻⴷ ⵢⴻⵔⵏⵓ ⵎⵙⴻⴼⵀⴰⵎⴻⵏ ⴰⴽⴽⴻⵏ ⴰⴷ ⵃⴻⴱⵙⴻⵏ ⴰⵙⵓⵏⴷⴻⴷ-ⵏⵏⵉ ».
ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⵙⵙⵉⵡⴹⴻⵏ ⵉⵙⵙⵓⵜⵔⴻⵏ ⵏ ⵢⵉⵅⴻⴷⴷⴰⵎⴻⵏ ⵖⴻⵔ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴻⵕⵎⵉⵙⵜ ⴰⴽⴽⴻⵏ ⴰⴷ ⵙⵙⵉⵡⵍⴻⵏ ⴼⴻⵍⵍ-ⴰⵙⴻⵏ ⴷⴻⴳ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴷ ⵜⴻⵙⵙⴻⵍⵡⵉ ⵜⵡⴰⵍⵉⵜ ⵏ ⴱⵓⵎⴻⵔⴷⴰⵙ, ⵎⴰⵙⵙⴰ ⵏⵧⵓⵔⵉⴰ ⵢⴰⵎⵉⵏⴰ ⵣⴻⵔⵀⵧⵓⵏⵉ.
ⴰⵎⵎⴰⵙ ⵏ ⵡⴻⵎⴹⴰⵍ ⴰⵜⵡⵉⵍⴰⵏ ⵏ ⵇⵓⵔⵚⵓ ⵢⴻⵔⵥⴻⵎ ⴷⴻⴳ 2015 ⵢⴻⵔⵏⵓ ⵉⵅⴻⴷⴷⴻⵎ ⵉ ⵜⵖⵉⵡⴰⵏⵉⵏ ⵏ ⴱⵓⵎⴻⵔⴷⴰⵙ, ⵇⵓⵔⵚⵓ, ⵜⵉⵊⴻⵍⵍⴰⴱⵉⵏ, ⴱⵓⴷⵡⴰⵡ, ⴱⵓⴷⵡⴰⵡ ⵍⴱⴻⵃⵔⵉ, ⵡⵍⴰⴷ ⵀⴻⴷⴷⴰⴵ ⴷ ⵜⵖⵉⵡⴰⵏⵉⵏ ⵏ ⵡⴻⴳⵎⵓⴹ (ⵛⴰⵔⵇ) ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ.
