ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴽⵕⵓⵡⴰⵜⵢⴰ: ⵙⵧⵓⴷⴰⵏⵉ ⵢⴻⵔⵏⴰ ⵜⴰⵖⵍⴰⵎⵜ ⵏ ⵀⴰⵊⴷⵓⴽ ⵙⵒⵍⵉⵜ

ⵙⵒⵍⵉⵜ– ⵢⴻⵜⵜⴻⴽⴽⴰ ⵓⵎⴰⵔⵉⵔ ⴰⴳⵔⴰⵖⵍⴰⵏ ⴰⴷⵣⴰⵢⵔⵉ, ⵀⵉⵍⴻⵍ ⵙⵧⵓⴷⴰⵏⵉ, ⵙ ⵡⴰⵟⴰⵙ ⴷⴻⴳ ⵓⵙⵙⴻⵔⴱⴻⵃ ⵏ ⵜⴻⵖⵍⴰⵎⵜ-ⵏⵏⴻⵙ ⵏ ⴷⵉⵏⴰⵎⵧ ⵣⴰⴳⵔⴻⴱ ⴷⴻⴳ ⵜⴻⵎⵍⵉⵍⵉⵜ ⴰⵢ ⵜⵓⵔⴰⵔ ⵎⴳⴰⵍ ⵀⴰⵊⴷⵓⴽ ⵙⵒⵍⵉⵜ (2-0) ⵎⵉ ⵢⴻⵙⵙⴰⴷⴻⴼ ⵉⵙⵡⵉ-ⵏⵏⴻⵙ ⴰⵎⴻⵣⵡⴰⵔⵓ ⴷⴻⴳ ⵡⴰⵙⵙ ⵡⵉⵙ 27 ⵏ ⵡⵓⵔⴰⵔ ⵏ ⵜⴻⵍⵖⵓⵖⴰ ⵜⴰⴽⵕⵓⵡⴰⵜⵉⵜ ⵏ ⵜⵛⵉⵔⵜ ⵏ ⵓⴹⴰⵔ.

ⵉⵎⵙⵉⵙⵡⵉ-ⴰ (ⵀⴰⴷⴷⴰⴼ) ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴷⵣⴰⵢⴻⵔ ⵢⵓⵖⴰⵍ-ⴷ ⵖⴻⵔ ⵡⵓⵔⴰⵔ ⴷⴻⴼⴼⵉⵔ ⵎⴰ ⵢⴻⵇⵇⵉⵎ ⴽⵔⴰ ⵏ ⵡⴰⴽⵓⴷ ⴰⴽⴽⴻⵏ ⴰⴷ ⵢⴻⵊⵊⵉ ⵙⴻⴳ ⵢⵉⵡⴻⵜ ⵏ ⵜⵢⵉⵜⴰ ⴰⵢ ⵢⵓⵖ, ⵢⴻⵔⵏⵓ ⵢⴻⵙⵙⴰⴷⴻⴼ ⵉⵙⵡⵉ ⴰⵎⴻⵣⵡⴰⵔⵓ ⵏ ⴷⵉⵏⴰⵎⵧ ⵣⴰⴳⵔⴻⴱ ⴷⴻⴳ ⵜⴻⴷⵇⵉⵇⵜ ⵜⵉⵙ 22, ⵓⵇⴱⴻⵍ ⵎⴰ ⵢⴻⵔⵏⴰ ⵛⵧⵔⵉⵛ ⵢⴻⵙⵙⴰⴷⴻⴼ ⵉⵙⵡⵉ ⵡⵉⵙ ⵙⵉⵏ ⴷⴻⴳ ⵜⴻⴷⵇⵉⵇⵜ ⵜⵉⵙ 29.

ⴷ ⵡⴰ ⴰⵢ ⴷ ⵉⵙⵡⵉ ⵡⵉⵙ 8 ⴰⴷ ⵢⴻⵙⵙⵉⴷⴻⴼ ⵓⵎⴰⵔⵉⵔ-ⴰ ⴰⵇⴱⵓⵔ ⵏ ⴰⵙⵧ ⵛⵛⵍⴻⴼ ⴷⴻⴳ ⵜⴻⵍⵖⵓⵖⴰ ⵏ ⴽⵕⵓⵡⴰⵜⵢⴰ ⵏ ⵜⵙⴻⵎⵀⵓⵢⵜ-ⴰ (ⵎⴰⵡⵙⵉⵎ), ⵢⴻⵔⵏⵓ ⴷ ⵉⵙⵡⵉ-ⵏⵏⴻⵙ ⵡⵉⵙ 12 ⵎⴰ ⵏⴻⵙⵙⴻⴷⴷⴰ-ⴷ ⵜⵉⵎⵙⵉⵣⴻⵡⵔⵉⵏ ⵏⵉⴹⴻⵏ ⴰⵢⴷⴻⴳ ⵢⵓⵔⴰⵔ.

ⵙ ⵔⵔⴱⴻⵃ-ⴰ, ⵜⴻⵙⵙⴻⴵⵀⴻⴷ ⵜⴻⵖⵍⴰⵎⵜ ⵏ ⴷⵉⵏⴰⵎⵧ ⵣⴰⴳⵔⴻⴱ ⴰⵎⴽⴰⵏ-ⵏⵏⴻⵙ ⵏ ⵜⴻⵖⵍⴰⵎⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⴻⵜⵜⴻⴼ ⵏ ⵜⴻⵍⵖⵓⵖⴰ ⵜⴰⴽⵕⵓⵡⴰⵜⵉⵜ ⵙ 63 ⵏ ⵜⴻⵏⵇⵉⴹⵉⵏ, ⵙⴰⴽⴽⵉⵏ ⴰⴷ ⴷ-ⵜⴰⵙ ⴷⴻⴼⴼⵉⵔ-ⵙ ⵜⴻⵖⵍⴰⵎⵜ ⵏ ⵔⵉⵊⴻⴽⴰ ⵙ 58 ⵏ ⵜⴻⵏⵇⵉⴹⵉⵏ.

ⵀⵉⵍⴰⵍ ⵙⵧⵓⴷⴰⵏⵉ ⵢⴻⵣⴳⴻⵍ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵜⵉⵏⴻⴳⴳⵓⵔⴰ ⴰⵢ ⵜⵓⵔⴰⵔ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⴷⵣⴰⵢⵔⵉⵜ ⵎⴳⴰⵍ ⵜⴰⵏⵣⴰⵏⵢⴰ ⴰⴽⴽⴻⵏ ⴰⴷ ⵜⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018, ⵎⴰⵛⴰ ⵢⴻⵖⵔⴰ-ⴰⵙ-ⴷ ⵡⴻⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⵛⵀⵔⵉⵙⵜⵉⴰⵏ ⴳⵧⵓⵔⵛⵓⴼⴼ ⴰⴽⴽⴻⵏ ⴰⴷ ⵢⵓⵔⴰⵔ ⴷⴻⴳ ⵙⵏⴰⵜ-ⵏⵏⵉ ⵏ ⵜⴻⵎⵍⵉⵍⵉⵢⵉⵏ ⴰⴷ ⴷ-ⵢⵉⵍⵉⵏ ⴳⴰⵔ ⵍⴷⵣⴰⵢⴻⵔ ⴷ ⵉⵜⵢⵓⵒⵢⴰ (25-29 ⵎⴻⵖⵔⴻⵙ) ⴷⴻⴳ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⴻⵖⵍⴰⵏⴻⵏ ⵏ 2017.

ⴷ ⵏⴻⵜⵜⴰ ⴰⵢ ⴷ ⵉⵙⵉⵙⵡⵉ ⵉⵎⵅⴻⵢⵢⴻⵔ ⵡⵉⵙ ⵙⵉⵏ ⴷⴻⴳ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵙ 18 ⵏ ⵢⴻⵙⵡⴰⵏ, ⵎⴰ ⴷ ⵉⵎⵙⵉⵙⵡⵉ ⴰⵎⴻⵣⵡⴰⵔⵓ ⵏ ⵍⴷⵣⴰⵢⴻⵔ ⴷ ⵉⵙⵍⴰⵎ ⵙⵍⵉⵎⴰⵏⵉ -ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⵙⵒⵧⵔⵜⵉⵏⴳ ⵍⵉⵙⴱⵓⵏ, ⵒⵓⵕⵜⵓⴳⴰⵍ- ⴰⵢ ⵢⴻⵙⵙⴰⵡⴹⴻⵏ ⵖⴻⵔ 20 ⵏ ⵢⴻⵙⵡⴰⵏ ⴷⴻⴳ ⵜⵙⴻⵎⵀⵓⵢⵜ-ⴰ.