ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵇⵙⴻⵏⵟⵉⵏⴰ ⴷ ⵜⵉⵏⴻⴱⴳⵉⵜ ⵏ ⵢⵉⵙⴻⵖ ⵏ ⵜⵎⴻⵙⵔⵉⵜ ⵏ ⵡⴻⴷⵍⵉⵙ ⵏ ⵒⴰⵔⵉⵙ

ⵒⴰⵔⵉⵙ– ⴷ ⵜⴰⵎⴷⵉⵏⵜ ⵏ ⵇⵙⴻⵏⵟⵉⵏⴰ ⴰⵢ ⴷ-ⵢⴻⵍⵍⴰⵏ ⴷ ⵜⵉⵏⴻⴱⴳⵉⵜ ⵏ ⵢⵉⵙⴻⵖ ⵏ ⵜⵎⴻⵙⵔⵉⵜ ⵏ ⵡⴻⴷⵍⵉⵙ ⵏ ⵒⴰⵔⵉⵙ (ⵓⵎⵉ ⵙⴻⵎⵎⴰⵏ ⵍⵉⵠⵔⴻ ⵒⴰⵔⵉⵙ) ⴰⵢ ⵢⴻⵔⵥⴻⵎ, ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ, ⵓⵙⴻⵍⵡⴰⵢ ⴰⴼⵕⴻⵏⵙⵉⵙ ⴼⵔⴰⵏçⵧⵉⵙ ⵀⵧⵍⵍⴰⵏⴷⴻ.

ⵙ ⵡⴰⵢⴰ, ⵜⴰⵎⴷⵉⵏⵜ ⵏ ⵇⵙⴻⵏⵟⵉⵏⴰ ⵢⴻⵍⵍⴰⵏ ⴷ ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2015, ⵜⴻⵜⵜⵓⵏⴻⴼⴽ-ⴰⵙ ⵜⵊⵓⵎⵎⴰ ⵏ 200 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ (ⵎ2) ⴰⴽⴽⴻⵏ ⴰⴷ ⴷ-ⵜⴱⴰⵏ ⴷⴻⴳ ⵜⵣⵉⴽⴽⴻⵏⵜ-ⴰ ⵏ ⵡⴻⴷⵍⵉⵙ ⵏ ⵒⴰⵔⵉⵙ ⴰⵢ ⴷ-ⵢⴻⵏⵏⵓⵍⴼⴰⵏ ⴷⴻⴳ 1981.

ⵎⵉ ⵢⴻⵔⵣⴰ ⵖⴻⴼ ⵢⵉⴼⴻⵔ ⴰⴷⵣⴰⵢⵔⵉ ⴰⵢⴷⴻⴳ, ⵎⴻⵏⵖⵉⵔ ⵇⵙⴻⵏⵟⵉⵏⴰ, ⵍⵍⴰⵏ 43 ⵏ ⵢⴻⵅⵅⴰⵎⴻⵏ ⵏ ⵜⴻⵥⵔⵉⴳⵉⵏ ⵉⴷⵣⴰⵢⵔⵉⵢⴻⵏ, ⵢⴻⵏⵏⴰ-ⴷ ⴼⵔⴰⵏçⵧⵉⵙ ⵀⵧⵍⵍⴰⵏⴷⴻ ⴷⴰⴽⴽⴻⵏ ⵢⵓⵎⴰⵔ (ⵢⴻⴼⵕⴻⵃ) ⵎⵉ ⵢⴻⵥⵔⴰ ⵢⵉⵡⴻⵜ ⵙⴻⴳ ⵜⴻⵎⴷⵉⵏⵉⵏ ⵜⵉⵇⴱⵓⵔⵉⵏ ⴰⴽⴽ ⴷⴻⴳ ⵓⵎⴰⴹⴰⵍ ⵢⴻⵔⵏⵓ ⵢⵉⵡⴻⵜ ⵙⴻⴳ ⵜⴻⵎⴷⵉⵏⵉⵏ ⵜⵉⵎⴻⵇⵔⴰⵏⵉⵏ ⴰⴽⴽ ⴷⴻⴳ ⵓⵎⴻⵣⵔⵓⵢ ⵏ ⵢⵉⵍⴻⵍ ⴰⴳⵔⴰⴽⴰⵍ, ⵜⴻⵃⴷⴻⵕ ⴷⴻⴳ ⵜⵣⵉⴽⴽⴻⵏⵜ-ⴰ ⴰⵢ ⵙⵙⴰⵔⴰⵎⴻⵏ ⴰⴷ ⴷ-ⵜⴻⵊⴱⴻⴷ 200.000 ⵏ ⵢⵉⵏⴻⵔⵣⴰⴼⴻⵏ ⴷⴻⴳ 3 ⵏ ⵡⵓⵙⵙⴰⵏ.

ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ-ⵏⵏⴻⵙ, ⵙⵉⵏ ⵏ ⵢⴻⴷⵍⵉⵙⴻⵏ ⵓⵛⴱⵉⵃⴻⵏ ⴰⵢ ⴰⵙ-ⵢⴻⵜⵜⵓⵏⴻⴼⴽⴻⵏ ⴷ ⴰⵙⴻⴼⴽ ⵉ ⵓⵙⴻⵍⵡⴰⵢ ⴰⴼⵕⴻⵏⵙⵉⵙ. ⵢⵉⵡⴻⵏ ⵙⴻⴳ-ⵙⴻⵏ ⴷ « ⴼⴰⵏⵜⴰⵙⵉⴰ » ⵏ ⵍⴻⵉⵍⴰ ⴱⵧⵓⵜⴰⵎⵉⵏⴻ ⵧⵓⵍⴷ ⴰⵍⵉ, ⵎⴰ ⴷ ⵡⴰⵢⴻⴹ ⴷ « ⵇⵙⴻⵏⵟⵉⵏⴰ, ⵜⴰⵎⴷⵉⵏⵜ ⵏ ⵢⵉⴳⵓⴷⴰⵔ, ⴰⴳⵉⵎ ⴷ ⵢⵉⵡⴻⵏ ⵏ ⵢⵉⵙⵎⴰⵡⴻⵏ » ⵏ ⴰⴱⴷⴻⵍⵎⴰⴷⵊⵉⴷ ⵎⴻⵔⴷⴰⵛⵉ.

ⵉⵎⵡⴻⴽⴽⴻⵍ ⵏ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2015 », ⵙⴰⵎⵉ ⴱⴻⵏⵛⵀⴻⵉⴽⵀ, ⵢⴻⵏⵏⴰ-ⴷ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⴷⴰⴽⴽⴻⵏ ⴰⵃⴷⴰⵕ ⵏ ⵇⵙⴻⵏⵟⵉⵏⴰ ⴷⴻⴳ ⵜⵣⵉⴽⴽⴻⵏⵜ-ⴰ ⵢⴻⵙⵙⴽⴰⵏⴰⵢ-ⴷ ⵔⵔⴱⴻⵃ ⵏ ⵡⴰⴽⴽ ⵉⵔⵎⵓⴷⴻⵏ (ⵏⴰⵛⴰⵟⴰⵜ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ-ⴰ ⵙⴻⴳ 16 ⵢⴻⴱⵔⵉⵔ 2015 (ⴰⵙⵎⵉ ⴰⵢ ⵜⴻⴱⴷⴰ ⵜⴻⴷⵢⴰⵏⵜ-ⵏⵏⵉ) ⴰⵔ ⴰⵙⵙ-ⴰ.