ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⵏⴻⵙ : ⵉⴳⴻⵔ-ⴷ ⵢⵉⵖⴻⴼ ⵏ ⵓⵏⴰⴱⴰⴹ ⵜⵉⵖⵔⵉ ⵉ ⵢⵉⵜⵓⵏⵙⵉⵢⴻⵏ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ
ⵜⵓⵏⴻⵙ– ⵉⴳⴻⵔ-ⴷ ⵢⵉⵖⴻⴼ ⵏ ⵓⵏⴰⴱⴰⴹ ⴰⵜⵓⵏⵙⵉ, ⵀⴰⴱⵉⴱ ⴻⵙⵙⵉⴷ, ⴰⵙⵙ ⵏ ⵍⴰⵕⴻⴱⵄⴰ, ⵜⵉⵖⵔⵉ ⵉ ⵢⵉⵜⵓⵏⵙⵉⵢⴻⵏ ⴰⴽⴽⴻⵏ « ⴰⴷ ⵃⴻⵔⵣⴻⵏ ⵜⴰⴷⵓⴽⵍⵉ ⵏ ⵢⵉⵖⴰⵍⵍⴻⵏ ⵢⴻⵔⵏⵓ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵜⵙⵓⴷⴰ ⵏ ⵜⵖⴻⵍⵍⵉⵙⵜ (ⴰⵎⵏ) ⴷ ⵢⵉⴳⴻⵏ (ⴵⴰⵢⵛ) » ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵓⵃⵓⴷⴷⵓ ⵏ ⵜⵓⵎⵎⴷⴰ ⵏ ⵜⵎⵓⵔⵜ.
ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ (ⵉⵃⵜⵉⴼⴰⵍ) ⴰⵢⴷⴻⴳ ⴷ-ⵜⵜⵡⴰⵚⴻⴷⴷⵇⴻⵏ ⵢⴻⴷⵔⵉⵎⴻⵏ ⵉ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵢⴻⵏⵏⴰ-ⴷ ⵎⴰⵙⵙ ⴻⵙⵙⵉⴷ ⴷⴰⴽⴽⴻⵏ « ⴰⵚⴻⴷⴷⴻⵇ-ⴰ ⴰⵣⴰⵎⵓⵍⴰⵏ ⵏ ⵢⵉⵡⵉⵣⵉⵡⴻⵏ ⴷ ⵡⵉⵏ ⴰⴷ ⵢⴻⵙⵊⴻⵀⴷⴻⵏ ⵕⵕⵓⵃ ⵏ ⵡⴻⵎⵄⴰⵡⴻⵏ ⴷ ⵜⴷⵓⴽⵍⵉ ⵏ ⵡⴻⵖⵔⴻⴼ ⴰⵜⵓⵏⵙⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵜⵉⴷⵢⴰⵏⵉⵏ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⴱⴻⵏ ⴳⴻⴷⵔⴰⵏ ⵙⵙⴻⴽⵏⴻⵏⵜ-ⴷ ⵜⵓⴹⴹⴼⴰ ⵏ ⵢⵉⵜⵓⵏⵙⵉⵢⴻⵏ, ⵙ ⵓⵎⴰⵜⴰ, ⴷⴻⴳ ⵓⵃⵓⴷⴷⵓ ⵏ ⵜⵎⵓⵔⵜ-ⵏⵙⴻⵏ ⴷ ⵜⴻⴱⵖⴻⵙⵜ-ⵏⵙⴻⵏ (ⵛⴰⴵⴰⵄⴰ) ⴷⴻⴳ ⵡⴰⵢⴰ.
ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⴻⵙⵙⵉⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴻⴱⴷⴰⴷ ⵖⴻⵔ ⵢⵉⴷⵉⵙ ⵏ « ⵛⵛⵖⴻⵍ ⴰⵢ ⵍⴰ ⵢⴻⵜⵜⴻⴳ ⵓⵏⴰⴱⴰⴹ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵉⴹⴹⵓⵔⴼⴰ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵜⵓⵏⴻⵙ ⴰⴷ ⵜⴻⵇⵇⵉⵎ ⴷ ⵜⵉⵍⴻⵍⵍⵉⵜ, ⴷ ⵜⵉⵎⵣⵉⵔⴻⴳⵜ ⵢⴻⵔⵏⵓ ⵓⵔ ⵜⴻⴹⵄⵉⴼ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵜⵎⴻⵜⵜⵉ ⵜⴰⵖⴰⵔⵉⵎⵜ (ⵎⵓⴵⵜⴰⵎⴰⵄ ⵎⴰⴷⴰⵏⵉ) ⴰⴽⴽⴻⵏ « ⴰⴷ ⵜⴻⵇⵇⵉⵎ ⵜⴻⴹⴹⴻⴼ ⴷⴻⴳ ⵡⴰⵣⴰⵍⴻⵏ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵢⴻⵔⵏⵓ ⴰⴷ ⵜⴻⵜⵜⴻⴽⴽⵉ ⴷⴻⴳ ⵍⴻⵛⵖⴰⵍ ⵢⴻⵇⵇⵏⴻⵏ ⵖⴻⵔ ⵓⵄⴰⵡⴻⵏ ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⴷ ⵢⵉⴳⴻⵏ ».
ⵢⴻⵏⵛⴻⴷ-ⴷ ⵎⴰⵙⵙ ⴻⵙⵙⵉⴷ ⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵏⴰⴱⴰⴹ ⴷ ⵢⴻⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⵏ ⵓⵡⴰⵏⴰⴽ (ⴷⴰⵡⵍⴰ) ⴰⴽⴽⴻⵏ ⴰⴷ ⴷ-ⵚⴻⴷⴷⵇⴻⵏ ⵢⵉⵡⴻⵏ ⵏ ⵡⴰⵙⵙ ⵙⴻⴳ ⵜⵛⴻⵀⵕⵉⵜ-ⵏⵙⴻⵏ ⵉ ⵢⵉⵙⴻⵏⴷⵓⵇⴻⵏ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ.
ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵢⵉⵅⴻⴷⴷⴰⵎⴻⵏ ⵏ ⵓⵡⴰⵏⴰⴽ ⴷ ⵢⵉⵖⴰⵔⵉⵎⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵛⵛⵖⴻⵍ-ⴰ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵉⵖⴻⵍⵏⴰⵡⴻⵏ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ.
