ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴰⵎⴰⵏ: ⵡⵜⴻⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵜⵓⵎⵎⵖⴰ-ⵏⵏⵉ ⴰⵢ ⴷ-ⵢⴻⵍⵍⴰⵏ ⵖⴻⴼ ⵢⵉⵡⴻⵏ ⵏ ⵙⵙⵓⵇ
ⵏⵢⵓ ⵢⵔⴽ (ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ)– ⵉⵡⴻⵜ-ⴷ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⴰⵙⵙ ⵏ ⵍⴰⵕⴻⴱⵄⴰ, ⴷⴻⴳ ⵜⵓⵎⵎⵖⴰ-ⵏⵏⵉ ⵜⴰⴳⴻⵏⵡⴰⵏⵜ ⵏ ⵜⴻⵎⵙⵉⵙⵉⵜ (ⵜⴰⵃⴰⵍⵓⴼ) ⵜⴰⵄⵕⴰⴱⵜ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⴰⵙⴰⵄⵓⴷⵉ, ⴰⵢⴷⴻⴳ ⵢⴻⵜⵜⵡⴻⵜ, ⴰⵙⵙ ⵏ ⵜⵜⵍⴰⵜⴰ, ⵙⵙⵓⵇ ⵏ ⴰⵍ-ⴽⵀⴰⵎⴻⴻⵙ ⴷⴻⴳ ⵜⵏⴻⴱⴹⵉⵜ ⵜⴰⵢⴰⵎⴰⵏⵉⵜ ⵏ ⵀⴰⵊⵊⴰ.
ⴷ ⵡⴰ ⴰⵢ ⴷ « ⴰⵅⴻⵚⵚⴰⵔ ⴰⵎⴻⵇⵔⴰⵏ ⴰⴽⴽ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⴱⴷⴰ ⵜⴰⵍⵓⴼⵜ-ⴰ » ⵢⴻⵔⵏⵓ ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴰⵏⴷⴰ ⴰⴷ ⴷ-ⵢⵉⵍⵉ ⵓⵅⴻⵚⵚⴰⵔ ⴰⵎ ⵡⴰ ⴷⴻⴳ ⵙⵏⴰⵜ ⵏ ⵍⴻⴷⵡⴰⵕ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴱⴰⵏ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⴰⵢⴷⴻⴳ ⴷ-ⵢⴻⵙⵙⵓⵜⴻⵔ « ⴰⴷ ⴷ-ⵢⵉⵍⵉ ⵡⴻⵃⵜⴰⵛ ⵙ ⵜⵖⴰⵡⵍⴰ, ⴷ ⴰⵃⵜⴰⵛ ⴰⵎⴻⵍⵍⵉⵍ, ⴷ ⵉⵎⵣⵉⵔⴻⴳ ⵢⴻⵔⵏⵓ ⴷ ⴰⵔⴰⵡⵙⴰⵏ ».
ⵉⴳⴻⵔ-ⴷ ⴷⴰⵖ ⵎⴰⵙⵙ ⴱⴰⵏ ⵜⵉⵖⵔⵉ ⵉ ⵡⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ ⴰⴽⴽⴻⵏ « ⴰⴷ ⵇⴰⴷⵔⴻⵏ ⵙ ⵜⵉⴷⴻⵜ ⵍⵡⴰⵊⴻⴱ-ⵏⵙⴻⵏ ⴰⴳⵔⴰⵖⵍⴰⵏ » ⴷ ⵢⵉⵎⴻⵏⵣⴰⵢⴻⵏ « ⵏ ⵓⵃⴻⵣⵣⴻⴱ ⴷ ⵓⵇⵉⵙⵉ ⵏ ⵜⵢⵉⵜⴰ ⵖⴻⴼ ⵍⴻⵃⵙⴰⴱ ⵏ ⵜⴰⵍⵓⴼⵜ ».
ⵜⵓⵎⵎⵖⴰ ⵖⴻⴼ ⵢⵉⵖⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⵢⴻⵙⵙⴻⴼⴽ « ⵜⴻⵜⵜⵡⴰⴳⴷⴻⵍ ⵙⴻⴳ ⵍⵍⵙⴰⵙ » ⵢⴻⵔⵏⵓ ⴰⵢⴰ ⴷ « ⴰⵔⴽⴰⴹ ⵓⴼⴹⵉⵃ ⵏ ⵍⵇⴰⵏⵓⵏ ⴰⵍⵙⴰⵏ (ⵉⵏⵙⴰⵏⵉ) ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴰⵏ.
ⴰⴷ ⵉⵍⵉⵏ ⵎⵎⵓⵜⴻⵏ, ⵎⴰ ⵓⵍⴰⵛ, 41 ⵏ ⵢⴻⵎⴷⴰⵏⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⴰⵢ ⵜⴳⴰ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵖⴻⴼ ⵢⵉⵡⴻⵏ ⵏ ⵙⵙⵓⵇ ⵏ ⵜⵏⴻⴱⴹⵉⵜ ⵏ ⵀⴰⵊⵊⴰ ⴷ-ⵢⴻⵣⴳⴰⵏ ⴷⴻⴳ ⵓⴳⴰⴼⴰ ⵏ ⵢⴰⵎⴰⵏ ⵢⴻⵍⵍⴰⵏ ⴳⴰⵔ ⵢⵉⴼⴰⵙⵙⴻⵏ ⵏ ⵢⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ), ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵙⴱⵉⵟⴰⵔⴻⵏ ⴷ ⵍⴻⵄⵕⴰⵛ ⵏ ⵜⴻⵎⵏⴰⴹⵜ-ⵏⵏⵉ.
