ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⵉⵏⵓⵔⵙⵧ ⵓⵔ ⵜⵊⴻⴱⴱⴻⴷ ⴰⵔⴰ ⵉⵎⴰⵏ-ⵏⵏⴻⵙ ⵙⴻⴳ ⵡⴰⴽⴰⵍ ⴰⵚⴻⵃⵔⴰⵡⵉ ⵢⴻⵜⵜⵡⴰⴹⴹⴼⴻⵏ
ⵡⴰⵛⵉⵏⵜⵏ– ⵜⵡⴻⴽⴽⴻⴷ-ⴷ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴰⴽⴽⴻⵏ ⵓⵔ ⵜⴻⵜⵜⴼⴰⴽⴰ ⴰⵔⴰ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ ⵓⵍⴰ ⵎⴰ ⵎⴻⵕⵕⵓⴽ ⵜⴻⵏⵏⴰ-ⴷ ⴷⴰⴽⴽⴻⵏ ⴰⴷ ⵜⴻⵃⴱⴻⵙ ⴰⴱⵣⴰⵔ-ⵏⵏⴻⵙ ⵉ ⵜⵓⵖⴷⴰⴹⵜ-ⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵍⴵⴰⵍ ⵏ ⵡⴰⴷⴷⵓⴷ ⵏ ⴱⴰⵏ ⴽⵉ-ⵎⵧⵧⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵙ ⵡⴰⵢⴰ, ⵢⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⵓⵎⵓⵜⵍⴰⵢ (ⵏⴰⵟⵉⵇ) ⵏ ⴱⴰⵏ ⴽⵉ-ⵎⵧⵧⵏ, ⵙⵜⴻⵒⵀⴰⵏⴻ ⴷⵓⵊⴰⵔⵔⵉⵛ, ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ, ⴷⴰⴽⴽⴻⵏ « ⴷ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵢ ⴰⵙ-ⵢⴻⴼⴽⴰⵏ ⵉ ⵎⵉⵏⵓⵔⵙⵧ ⵍⴻⵡⵚⴰⵢⴰ-ⵏⵏⴻⵙ », ⵢⴻⵔⵏⵓ ⵙ ⵡⴰⵢⴰ, « ⵓⵍⴰⵢⵖⴻⵔ ⵎⴰ ⵢⴻⵍⵍⴰ-ⴷ ⵡⴰⵡⴰⵍ ⵖⴻⴼ ⵡⴻⵊⴱⴰⴷ-ⵏⵏⴻⵙ » ⵙⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ.
ⴰⴽⴽⴻⵏ ⴰⴷ ⵜⴻⵄⵔⴻⴹ ⵎⴻⵕⵕⵓⴽ ⴰⴷ ⵜⵃⴻⵜⵜⴻⵎ ⴱⴰⵏ ⴽⵉ-ⵎⵧⵧⵏ ⴰⴷ ⵉⴱⴻⴷⴷⴻⵍ ⴰⴷⴷⵓⴷ-ⵏⵏⴻⵙ ⴷⴻⴳ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵜⴻⵏⵏⴰ-ⴷ ⴰⵙⵙ ⵏ ⵍⵃⴻⴷⴷ ⴷⴰⴽⴽⴻⵏ ⴰⴷ ⵜⴻⵙⵙⴻⵏⵇⴻⵙ ⵙ ⵡⴰⵟⴰⵙ ⴰⵎⴹⴰⵏ ⵏ ⵢⵉⵅⴻⴷⴷⴰⵎⴻⵏ ⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ, ⵍⴰⴷⵖⴰ ⵡⵉⴷ ⵢⴻⵍⵍⴰⵏ ⴷⴻⴳ ⵓⴼⵓⵔⴽ ⴰⵙⴻⵔⵜⴰⵏ, ⴰⵎ ⵡⴰⴽⴽⴻⵏ ⴰⴷ ⵜⴻⵃⴱⴻⵙ, ⵡⴰⵔ ⵍⴻⵄⴹⵉⵍ, ⵜⴰⴱⵣⴰⵔⵜ ⴰⵢ ⴷ-ⵜⴻⵜⵜⴰⴽⴼ ⵉ ⵜⵓⵖⴷⴰⴹⵜ-ⴰ.
ⵢⴻⵏⵏⴰ-ⴷ ⴷⴰⵖ ⵡⴻⵖⵍⵉⴼ ⴰⵎⴻⵕⵕⵓⴽⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⴷⴰⴽⴽⴻⵏ ⴰⴷ ⴷ-ⵢⴻⵊⴱⴻⴷ ⵉⵖⴰⵍⵍⴻⵏ-ⵏⵏⴻⵙ ⵢⴻⵜⵜⴻⴽⴽⴰⵏ ⴷⴻⴳ ⵡⴻⵃⵔⴰⵣ ⵏ ⵜⴰⵍⵡⵉⵜ ⴷⴷⴰⵡ ⵍⴻⵄⵏⴰⵢⴰ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⵎⴰⵙⵙ ⴷⵓⵊⴰⵔⵔⵉⵛ ⴷⴰⴽⴽⴻⵏ ⵓⵍⴰⵛ ⴽⵔⴰ ⵏ ⵜⴻⴱⵕⴰⵜ ⵜⵓⵏⵚⵉⴱⵜ ⴰⵢ ⴷ-ⵜⵓⵣⴻⵏ ⵎⴻⵕⵕⵓⴽ ⵉ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⴰ.
ⴰⴳⴻⵣⴷⵓ ⵏ ⵜⴻⵎⵀⴰⵍ (ⵄⴰⵎⴰⵍⵉⵢⵢⴰⵜ) ⵏ ⵡⴻⵃⵔⴰⵣ ⵏ ⵜⴰⵍⵡⵉⵜ ⴷ ⵡⵉⵏ ⵏ ⵓⵄⴰⵡⴻⵏ ⵏ ⵜⵓⵖⴷⴰⴹⵉⵏ ⵍⴰ ⵜⵜⴳⴻⵏⵜ, ⵓⵙⵙⴰⵏ-ⴰ, ⵖⴻⵔ ⵢⵉⴷⵉⵙ ⵏ ⵎⵉⵏⵓⵔⵙⵧ, ⴰⵅⴻⴷⴷⵉⵎ ⵏ ⵓⵇⴻⵢⵢⴻⵎ ⵏ ⵡⴰⵢⴻⵏ ⴰⵢⵢⴻⵙ ⵢⴻⵣⵎⴻⵔ ⴰⴷ ⴷ-ⵢⴻⴳⵍⵓ ⵡⴰⵢⴰ ⴷ ⵡⴰⵎⴻⴽ ⴰⴷ ⴷ-ⵀⴻⵢⵢⵉⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ ⴰⴷ ⵇⴰⴱⵍⴻⵏ ⵜⴰⴳⵏⵉⵜ-ⴰ, ⵖⴻⴼ ⵡⴰⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴷⵓⵊⴰⵔⵔⵉⵛ.
