ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵔⵢⴰ: ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵖⴰⵍⵍⴻⵏ ⵉⵔⵓⵙⵉⵢⴻⵏ ⴰⴷ ⵢⴻⴼⴼⴻⵖ ⵙⴻⴳ-ⴰ ⵖⴻⴼ 3 ⵏ ⵡⵓⵙⵙⴰⵏ

ⵎⵓⵙⴽⵓ– ⵢⴻⵏⵏⴰ-ⴷ ⵓⵎⴻⵏⵣⴰⴹ (ⵇⴰ’ⵉⴷ) ⵏ ⵢⵉⵖⴰⵍⵍⴻⵏ ⵉⴳⴻⵏⵡⴰⵏⴻⵏ ⵉⵔⵓⵙⵉⵢⴻⵏ, ⴰⵊⵉⵏⵉⵕⴰⵍ ⵠⵉⴽⵜⵧⵔ ⴱⵧⵏⴷⴰⵔⴻⵠ, ⴷⴰⴽⴽⴻⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵖⴰⵍⵍⴻⵏ ⵉⵔⵓⵙⵉⵢⴻⵏ ⵢⴻⵍⵍⴰⵏ ⴷⴻⴳ ⵙⵓⵔⵢⴰ ⴰⴷ ⵢⴻⴼⴼⴻⵖ ⵙⴻⴳ-ⴰ ⵖⴻⴼ 2 ⴰⵔ 3 ⵏ ⵡⵓⵙⵙⴰⵏ.

« ⵙⴻⴳ-ⴰ ⵖⴻⴼ 2 ⴰⵔ 3 ⵏ ⵡⵓⵙⵙⴰⵏ, ⴰⴷ ⵏⵉⵍⵉ ⵏⴻⵙⵙⴰⵡⴻⴹ ⵖⴻⵔ ⵢⴻⵙⵡⵉ ⵏ ⵜⵓⵖⴷⴰⴹⵜ (ⵎⴰⵀⴰⵎⵎⴰ) » ⴰⵢⵢⴻⵙ ⴷ-ⵉⵡⴻⵚⵚⴰ ⵓⵙⴻⵍⵡⴰⵢ ⵠⵍⴰⴷⵉⵎⵉⵔ ⵒⵓⵜⵉⵏ ⴷ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ, ⵙⴻⵔⴳⵓⴻⵉ ⵛⵀⵧⵉⴳⵧⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵊⵉⵏⵉⵕⴰⵍ ⴱⵧⵏⴷⴰⵔⴻⵠ ⵉ ⵡⴻⵙⵖⵎⵉⵙ ⴰⵢⴰⵍⵍⴰⵙ ⴰⵖⴻⵔⴼⴰⵏ ⵏ ⴽⵧⵎⵙⵧⵎⵧⵙⴽⴰⵉⴰ ⵒⵔⴰⵠⴷⴰ.

ⴰⵢⴰ ⵢⴻⵔⵣⴰ ⵍⴰⴷⵖⴰ ⴰⵊⴱⴰⴷ ⵏ ⵢⵉⵙⴰⴼⴰⴳⴻⵏ ⴷ ⵢⵉⴽⵓⴱⵟⵓⵔⴻⵏ ⵉⵔⵓⵙⵉⵢⴻⵏ ⵙⴻⴳ ⵙⵓⵔⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵙⴻⵍⵡⴰⵢ ⵒⵓⵜⵉⵏ ⵢⴻⵏⵏⴰ-ⴷ, ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ, ⴷⴰⴽⴽⴻⵏ ⵛⵛⵖⴻⵍ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⵔⵓⵙⵉⵢⴻⵏ ⴷⴻⴳ ⵙⵓⵔⵢⴰ ⵢⴻⵙⵙⴰⵡⴻⴹ, « ⵙ ⵓⵎⴰⵜⴰ », ⵖⴻⵔ ⵢⴻⵙⵡⵉ, ⵢⴻⵔⵏⵓ ⵢⴻⴼⴽⴰ ⵍⴰⵎⴻⵕ ⴰⴽⴽⴻⵏ ⴰⴷ ⴷ-ⵊⴻⴱⴷⴻⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵖⴰⵍⵍⴻⵏ ⵉⵔⵓⵙⵉⵢⴻⵏ ⵢⴻⵍⵍⴰⵏ ⴷⵉⵏ.

ⵉⵙⴰⴼⴰⴳⴻⵏ ⵉⵔⵓⵙⵉⵢⴻⵏ ⵉⵎⴻⵣⵡⵓⵔⴰ ⴼⴼⵖⴻⵏ-ⴷ ⵙⴻⴳ ⵙⵓⵔⵢⴰ ⴰⵙⵙ ⵏ ⵜⵜⵍⴰⵜⴰ ⵢⴻⵔⵏⵓ ⵇⴻⵍⵄⴻⵏ ⵙⴻⴳ ⵓⵣⴰⴷⵓⵔ (ⵇⴰⵄⵉⴷⴰ) ⴰⴳⴻⵏⵡⴰⵏ ⵏ ⵀⵎⴻⵉⵎⵉⵎ, ⴷⴻⴳ ⵓⴳⴰⴼⴰ-ⵓⵜⵔⵉⵎ ⵏ ⵙⵓⵔⵢⴰ. ⵜⴰⴳⵔⴰⵡⵜ ⵜⵉⵙ ⵙⵏⴰⵜ ⵜⴻⵡⵡⴻⴹ ⴰⵙⵙ ⵏ ⵍⴰⵕⴻⴱⵄⴰ.

ⴷ ⴰⵛⵓ ⴽⴰⵏ, ⵎⴰⵣⴰⵍ ⴰⴷ ⵜⴻⴵⴵ ⵔⵓⵙⵢⴰ ⵜⵜⴰⵡⵉⵍⴰⵜ ⴷ ⵢⵉⵙⴻⵔⴷⴰⵙⴻⵏ ⴷⴻⴳ ⵙⵓⵔⵢⴰ ⴰⴽⴽⴻⵏ ⴰⴷ ⵄⴰⵙⵙⴻⵏ ⴰⵇⴰⴷⴻⵔ ⵏ ⵡⴻⵃⴱⴰⵙ ⵏ ⵢⵉⵎⴻⵏⵖⵉ ⴰⵢ ⴷ-ⵢⴻⴱⴷⴰⵏ ⴰⵙⵙ ⵏ 27 ⴼⵓⵕⴰⵕ, ⵢⴻⵔⵏⵓ ⴰⴷ ⴽⴻⵎⵎⵍⴻⵏ ⴰⴷ ⵡⵜⴻⵏ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵢⴻⵍⵍⴰⵏ ⴷⴻⴳ ⵙⵓⵔⵢⴰ.

ⵙⴻⴳ ⵡⴰⵙⵙ ⵏ 30 ⵛⵜⴻⵎⴱⴻⵕ ⴰⵢ ⵜⴻⴱⴷⴰ ⵔⵓⵙⵢⴰ ⵜⵉⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⴷⴻⴳ ⵙⵓⵔⵢⴰ ⵎⴳⴰⵍ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵙ ⵓⵙⵙⵓⵜⴻⵔ ⵙⵖⵓⵔ ⵓⵏⴰⴱⴰⴹ (ⵃⵓⴽⵓⵎⴰ) ⴰⵙⵓⵔⵉ.